ශ්‍රී ලංකාව තුළ වසර පහක් පුරා පැවති වාහන ආනයනය කිරීම සඳහා වූ තහනම ඉවත් කිරීමත් සමග යුනිමෝ එන්ටප්‍රයිසස් ලිමිටඩ් විසින් ශ්‍රී ලාංකේය රථ වාහන ක්ෂේත්‍රයේ මීළඟ පරිච්ඡේදය ආරම්භ කරමින් "Unimo Brand New Avurudu Drive" වැඩසටහන දියත් කර ඇත. එළඹෙන අලුත් අවුරුදු සමය තුළ Brand New වාහනයක් ගැනීමට බලාපොරොත්තුවෙන් සිටින සුවහසක් ශ්‍රී ලාංකේය ජනතාවගේ සිහින යතාර්තයක් බවට පත් කරමින් යුනිමෝ ආයතනය ඉහළ යන ඉල්ලුම සපුරාලීම සඳහා ඔවුන් සතුව ඇති Perodua සහ JMC වාහන විශාල ප්‍රමාණයක් සූදානම් කර ගෙන සිටියි.

අනෙකුත් වාහන අලෙවිකරුවන් තවමත් පෙර ඇණවුම් භාර ගනිමින් සිටින අතර තුර, යුනිමෝ විසින් මේ වන විටත් Perodua AXIA SE Hatchback, Perodua AXIA G Hatchback, Perodua Bezza G Sedan, Perodua Aruz X SUV, JMC Vigus Pro Double Cab සහ JMC ට්‍රක් රථ යන වාහන මාදිලි, පාරිභෝගිකයින් වෙත පිරිනැමීමට සියලු කටයුතු සූදානම් කර ඇත. මීට අමතරව යුනිමෝ ආයතනය විසින් තමා වාහන මාදිලි පෙළ තවත් පුළුල් කරමින්, Seres 3 සහ Dayun DY3 යන විද්‍යුත් (EV) මාදිලි සඳහා පෙර ඇණවුම් භාර ගැනීමද ආරම්භ කර තිබේ.

ශ්‍රී ලාංකේය රථ වාහන ක්ෂේත්‍රය තුළ කීර්තිමත් නාමයක් හොබවන යුනිමෝ විසින් තම සියලුම නවතම Perodua වාහන සඳහා වසර 5 ක හෝ කිලෝමීටර් 150,000 ක වගකීමක් ලබා දීමට පොරොන්දු වී සිටියි. ඊට අමතරව, පාරිභෝගිකයින් සඳහා උපරිම සේවාවක් ලබා දීම වෙනුවෙන් කැප වෙන ඔවුන්, දිවයින පුරා පිහිටි ශාඛා තුළින් විශිෂ්ට අලෙවියෙන් පසු සේවාවක් ලබා දීමද සිදු කරනු ඇත.

යුනිමෝ එන්ටර්ප්‍රයිසස් ලිමිටඩ් යනු වසර 80 කට වැඩි කාලයක් ශ්‍රී ලාංකේය රථ වාහන ක්ෂේත්‍රය තුළ දැවැන්ත කීර්ති නාමයක් අත් කර ගෙන සිටින යුනයිටඩ් මෝටර්ස් ලංකා PLC සමාගමට පූර්ණ අනුබද්ධිත සමාගමකි. වෙළඳපොළ තුළ මේ වන විට සිටින ප්‍රමුඛතම රථ වාහන අලෙවිකරුවෙකු වන යුනිමෝ, මහනුවර, නුගේගොඩ, මාතර, කුරුණෑගල, බොරැල්ල සහ රත්නපුර යන ප්‍රදේශවල පැතිරුණු ශක්තිමත් ශාඛා ජාලයකට හිමිකම් කියනු ලබයි.

මෙම "Unimo Brand New Avurudu Drive" වැඩසටහන හරහා පාරිභෝගිකයින් හට කිසිදු පමාවකින් තොරව නවතම වාහනයක් මිල දී ගැනීමට මෙන්ම, විද්‍යුත් වාහන වෙන් කරවා ගැනීමට ද අවස්ථාව හිමි වනු ඇත. තම සන්නාමයේ ශක්තිමත් භාවය සහ තමන් සතුව ඇති සුවිශාල වාහන තොග ප්‍රමාණය හරහා වාහනයක් ගැනීමට අපේක්ෂාවෙන් සිටින සියලුම පාරිභෝගිකයින්ගේ අවශ්‍යතා සම්පූර්ණ කිරීමට යුනිමෝ සූදානමින් සිටියි.

රු. 8,250,000/- සිට වාහන මිල දී ගත හැකිය.

වැඩි විස්තර සඳහා අමතන්න: 0776789270