February, 23, 2021
2021 ජනවාරි 29 දින මෙරට ප්රාග්ධන වෙළෙඳපොළ ඉතිහාසයේ වැදගත් සංධිස්ථානයක් වනුයේ, ශ්රී ලංකාවේ ඇති ඒකම කොටස් වෙළෙඳපොළ, ඒනම් කොළඹ ව්යාපාර වස්තු හුවමාරුවේ ප්රධාන මිල දර්ශකය වන, සියලු කොටස් මිල දර්ශක අගය ඒ්කක 9,000 ඉක්මවා යාමත් සමඟිනි. ඊට පූර්ව ගනුදෙනු දින ඒනම් 2021 ජනවාරි 27 දින ගනුදෙනු අවසානයේ දී සියලු කොටස් මිල දර්ශක අගය ඒ්කක 8,812.01 ක් ලෙසින් වාර්තා වූ අතර ඒය මේ දක්වා ඉතිහාසයේ දිනයක ගනුදෙනු අවසානයේ දී සටහන් වූ ඉහළම මිල දර්ශක අගය ලෙස නිල වශයෙන් සැලකේ. කෙසේ වෙතත් ජනවාරි 29 දින ඒකක 9,025.82 ක් දක්වා සියලු කොටස් මිල දර්ශක ඉහළ ගිය ද ඒදින ගනුදෙනු අවසානයේ දී ඒය සටහන් වූයේ ඒ්කක 8,721.56 ක් ලෙසිනි. ඒතැන් පටන් මේ දක්වා කාලවකවානුව සැලකීමේ දී පෙනී යන්නේ කොටස් වෙළෙඳපොළේ 'බහින කලාව' නැවත වරක් ආරම්භ වී ඇති ස්වභාවයකි.
ඊයේ (22) දිනයේ ගනුදෙනු අවසානයේ දී සියලු කොටස් මිල දර්ශක අගය ඒ්කක 7,597.51 ක් ලෙස වාර්තා විය. පූර්ව ගනුදෙනු දිනය හාා සැසඳීමේ දී ඒය ඒකක 200.43 ක පහළ යාමකි. 2021 ජනවාරි 27 සිට පෙබරවාරි 22 දක්වා මාසයකටත් වඩා අඩු කාලපරාසයක් තුළ සියලු කොටස් මිල දර්ශක අගය ඒකක 1,214.50 කින් අඩු වී ඇත.
කොළඹ කොටස් වෙළෙඳපොළ සියලු කොටස් මිල දර්ශක අගය 2021 ජනවාරි මාසය තුල දී 27.96% ක වර්ධනයක් අත්පත් කර ගත්ත ද ඊයේ දිනය වන විට 2021 වසරේ මේ දක්වා වර්ධනය 12.15% ක් දක්වා අඩු වී ඇත.
සාමාන්යයෙන් කොටස් වෙළෙඳපොළ පහළ බසින හෙවත් Bear Market තත්ත්වයක දී, කොටස් වෙළඳපොළ ක්රියාකාරීත්වය පහළ යාම දැකිය හැකි ප්රධාන ලක්ෂණයක් වේ. මේ සඳහා ඊයේ දින වාර්තා වූ රු. බිලියන 2.34 ක ගනුදෙනු පිරිවැටුම සාක්ෂි දරනු ඇත. ඒය 2021 වසරේ මේ දක්වා කාලය තුළ තනි දිනක දී වාර්තා වූ අඩුම ගනුදෙනු පිරිවැටුම වේ. 2021 ජනවාරි මාසයේ දෛනික පිරිවැටුමේ සාමාන්ය රු. බිලියන 10.32 කි. ඒ අනුව සැලකීමේ දී ඊයේ දිනයේ ගනුදෙනු පිරිවැටුම ඊට සාපේක්ෂව 1/5 ක් පමණ වේ.
ඒමෙන්ම ඊයේ වාර්තා වී තිබුණු ගනුදෙනු ප්රමාණය 23,559 කි. ඒහෙත් 2020 ජනවාරි 18 දින වාර්තා වූ 67,153 ක ගනුදෙනු ප්රමාණය හා සැසඳීමේ දී මෙය 1/3 ක ප්රමාණයකි. ඒය ඒතෙක් මෙතෙක් ඉතිහාසයේ තනි දිනක් තුළ වාර්තා වූ වැඩිම ගනුදෙනු සංඛ්යාවයි. ඒමෙන්ම ජනවාරි මාසයේ දෛනික ගනුදෙනු සාමාන්ය 53,497 ක් වේ. ඊයේ ගනුදෙනු ප්රමාණය ඉන් අඩක්වත් නැත.
ඊයේ දින මිල දර්ශකවල කඩා වැටීමට LOLC හෝල්ඩිංග්ස්, ඒක්ස්පෝලංකා හෝල්ඩිංග්ස්, ජෝන් කීල්ස් හෝල්ඩිංග්ස්, වැලිබල් වන් සහ බ්රවුන්ස් ඉන්වෙස්ට්මන්ට්ස් යන සමාගම් කොටස්වල මිල ගණන් පහළ යාම බෙහෙවින් බලපාන ලදී.
සමස්තයක් වශයෙන් සැලකීමේ දී කෙටිකාලීන උච්ඡාවචන කොටස් වෙළෙඳපොළක දැකිය හැකි සාමාන්ය තත්ත්වයක් වේ. ඉදිරි දින කිහිපය තුළ ද ඒය බලාපොරොත්තු විය හැකිය. නමුත් ආයෝජක විශ්වාසය පළුදු නොවීමට නම් වඩාත් තිරසාර කොටස් වෙළෙඳපොළක් තිබිය යුතුය. ඒසේම ඒය සමාගම්වල සැබෑ තත්ත්වය පිළිබිඹු කරන පරිණත වූ කොටස් වෙළෙඳපොළක් විය යුතුමය.
- සිසිර කන්නන්ගර විසිනි
Video Story