ශ්‍රී ලංකා මහ බැංකුවට අනුව අද (01) දිනයේ දී එක්සත් ජනපද ඩොලරයේ නිරූපිත විනිමය අනුපාතය (USD/LKR SPOT Indicative Exchange Rate) රු. 300.40 ක් ලෙසින් වාර්තා වේ. ඩොලරයේ අගය මෙලෙස රු. 300 මට්ටමට පැමිණ ඇත්තෙ 2023 ජූනි 13 දිනෙන් පසුව වීම විශේෂත්වයකි.

මේ අතර අද දින එක්සත් ජනපද ඩොලරයේ ගැනුම් මිල රු. 295.57 ක් හා විකුණුම් මිල රු.  305.10 ක් ලෙසින් වාර්තා වී ඇත.

මේ අතර ශ්‍රී ලංකා මහ බැංකුව පවසන්නේ ශ්‍රී ලංකා රුපියල අතිප්‍රමාණයවීමේ ප්‍රවණතාවය 2024 පළමු කාර්තුව තුළ දී අඛණ්ඩව පැවති බවයි.

2024 වසරේ මාර්තු මස 28 දක්වා කාලය තුළ දී ශ්‍රී ලංකා රුපියල එක්සත් ජනපද ඩොලරයට සාපේක්ෂව සියය‍ට 7.6කින් අතිප්‍රමාණය වී ඇති බවත්, අනෙකුත් විදේශ ව්‍යවහාර මුදල්වල හැසිරීම පිළිබිඹු කරමින්, 2024 වසරේ මාර්තු මස 28 දක්වා කාලපරිච්ඡේදය තුළ දී ශ්‍රී ලංකා රුපියල යූරෝ, ස්ටර්ලින් පවුම, ජපන් යෙන්, ඉන්දියානු රුපියල සහ ඕස්ට්‍රේලියානු ඩොලරය වැනි අනෙකුත් ප්‍රධාන මුදල් වර්ගවලට සාපේක්ෂව අතිප්‍රමාණය වී ඇති බවත් ශ්‍රී ලංකා මහ බැංකුව වැඩිදුරටත් සඳහන් කරයි.