ජාත්‍යන්තර මූල්‍ය අරමුදල කිසිදු විටෙක රටක මැතිවරණ ක්‍රියාවලියට සහ ආණ්ඩුකරණයට මැදිහත් නොවන බව ජාත්‍යන්තර මූල්‍ය අරමුදලේ ශ්‍රී ලංකා දූත මණ්ඩල ප්‍රධානී Masahiro Nozaki පවසයි.

ජාත්‍යන්තර මූල්‍ය අරමුදල විසින් ශ්‍රී ලංකාවට ලබා දෙන විස්තීර්ණ ණය පහසුකම (IMF-supported EFF program) අනුමත කිරීම පිළිබඳව නිල වශයෙන් දැනුම් දීම සඳහා අද (21) පෙරවරුවේ පැවති මාධ්‍ය හමුවේ දී ඔහු මේ බව කියා සිටි අතර එහිදී වැඩිදුරටත් ඔහු මෙසේ පැවසීය.

“මම කියන්න කැමතියි, ජාත්‍යන්තර මූල්‍ය අරමුදල කිසිම රටක මැතිවරණ, ආණ්ඩුකරණ ක්‍රියාවලියට කිසිසේත් මැදිහත් වන්නේ නැහැ. ශ්‍රී ලංකාවේ තත්ත්වය දෙස අවධානය යොමු කිරීමේ දී එය ශ්‍රී ලංකා රජයේ සහ ශ්‍රී ලංකා ජනතාවගේ කාරණයක්. නමුත් මැතිවරණයට අපේ මැදිහත්වීමක් ඇති බවට ගැන යම් යම් කරුණු පැතිර යනවා. මම එය නිවැරදි කිරීමට කැමතියි. ජාත්‍යන්තර අරමුදල විදියට අපි පළාත් පාලන මැතිවරණය (Local election) කල් දැමීම කිසිම අවස්ථාවක නිර්දේශ කළේ නැහැ.“