කොළඹ නිදහස් චතුරශ්‍රයේ පිහිටි කලින් විගණකාධිපති දෙපාර්තමේන්තුව පවත්වාගෙන ගිය ගොඩනැගිල්ලේ ප්‍රතිසංස්කරණ කටයුතු මේ වනවිට අවසන් කර තිබෙන අතර එය අලෙවිසැල් 42 ක වෙළඳ පොළක් ලෙස ලබන ඉරිදා (13) ජනාධිපති මහින්ද රාජපක්ෂ මහතා විසින් විවෘත කරන බව නාගරික සංවර්ධන අධිකාරියේ සභාපතිවරයා කියයි.

නාගරික සංවර්ධන අධිකාරියේ සභාපති නිමල් පෙරේරා මහතා අප සමග පැවසුවේ මෙම අලෙවිසැල් 42 කම දේශීය ව්‍යාපාරිකයින්ට ලබාදී තිබෙන බවයි.

මෙම ගොඩනැගිල්ල මුල් වාස්තු විද්‍යා සැලසුම් සුරක්ෂිත වන පරිදි ශ්‍රී ලංකා නාවික හමුදාව විසින් ප්‍රතිසංස්කරණය කර තිබේ.