April, 19, 2020
සිල්ලරට මත්පැන් විකිණීම සඳහා වූ සුරාබදු බලපත්ර ලත් ස්ථාන , ඒ ඒ ප්රදේශ වල ඇඳිරිනීතිය ලිහිල් කරනු ලබන කාල සීමාවන්ට යටත්ව එකී බලපත්ර විවෘත කිරීමට නියමිත වේලාවන් තුළදී පමණක් නැවත විවෘත කිරීමට අවසර ලබා දී ඇති බව ශ්රී ලංකා සුරාබදු දෙපාර්තමේන්තුවේ මාධ්ය ප්රකාශක, නියෝජ්ය සුරාබදු කොමසාරිස් කපිල කුමාරසිංහ මහතා පවසයි.
නිවේදනයක් නිකුත් කරමින් නියෝජ්ය සුරාබදු කොමසාරිස්වරයා වැඩිදුරටත් කියා සිටින්නේ මුදල් , ආර්ථික හා ප්රතිපත්ති සංවර්ධන අමාත්යාංශයේ ලේකම් වරයාගේ උපදෙස් පරිදි සුරාබදු කොමසාරිස් ජනරාල් වරයා විසින් ඇඳිරිනීති විධිවිධාන හා සමාජ දුරස්ථභාවය ඇතුළු කොවිඩ් - 19 වැලැක්වීමේ සෙසු ආරක්ෂිත හා සෞඛ්ය විධි පිළිපැදීමේ කොන්දේසියට යටත්ව මෙම අවසරය ලබා දී ඇති බවයි.
තවද එකී කොන්දේසියට අනුව කටයුතු කිරීමට අපොහොසත් වන සුරාබදු බලපත්ර ලත් ස්ථාන සම්බන්ධයෙන් සුදුසු නෛතික පියවර ගැනීමටත් , මත්පැන් කර්මාන්තය සම්බන්ධයෙන් උපරිම මට්ටමේ කර්මාන්ත විනයක් පවත්වා ගැනීමටත් , කටයුතු කිරීමට සියළුම සුරාබදු නිලධාරීන් වෙත මේ වනවිටත් අවශ්ය උපදෙස් ලබාදී ඇති බව නියෝජ්ය සුරාබදු කොමසාරිස් කපිල කුමාරසිංහ මහතා වැඩිදුරටත් කියා සිටී.
Video Story
