ලෝක වෙළඳ පොළේ මේ දිනවල තේ සඳහා තිබෙන ඉල්ලුම අඩුවීම නිසා මෙරට උඩරට හා පහත රට තේ සඳහා තිබෙන ඉල්ලුමද අඩුවී තිබෙන බවත් එය තේ මිල පහළ යාමට හේතුවනු ඇති බවත් අනාවරණය වේ.

අප සමග අදහස් දක්වමින් ඒෂියා සියක තේ තැරැව්කාර සමාගමේ සභාපති අනිල් කුක් මහතා පැවසුවේ මේ ආකාරයෙන් තේ මිල ගණන් අඩු වුවත් තවමත් මෙරට තේ සඳහා ලැබෙන්නේ හොඳ මිලක් බවයි.

“ඉරානයේ උත්සව සමය සඳහා පසුගිය කාලයේදී විශාල වශයෙන් තේ මිලදී ගත්තා. මේ වනවිට එම ප්‍රමාණය අඩුවී තිබෙනවා. මෙරට තේ සඳහා මේ දිනවල ඉල්ලුම අඩුවීම සඳහා එයත් ප්‍රධාන හේතුවක්.“

යනුවෙන් අනිල් කුක් මහතා සඳහන් කළේය.

මේ වනවිට, පවතින නියඟය හේතුවෙන් මෙරට උඩරට හා පහත රට තේ නිෂ්පාදනයද අඩුවී තිබේ.