කොළඹ කොටස් වෙළෙඳපොළ දෛනික ගනුදෙනු අද පෙරවරු 11.44ට අත්හිටුවනු ලැබීය. මෙම සතිය තුළ දෛනික ගනුදෙනු අත්හිටුවනු ලැබූ දෙවන අවස්ථාව මෙයයි. මීට පෙර පසුගිය අඟහරුවාදා (11) දිනයේ ද මෙලෙස ගනුදෙනු අත්හිටුවනු ලැබීය.

S&P SL20 දර්ශකය පූර්ව ගනුදෙනු දිනයට සාපේක්ෂව 5%ක් ඉක්ම වූ ප්‍රමාණයකින් පහළ යාම හේතුවෙන් මෙලෙස කොටස් ගනුදෙනු අත්හිටුවා තිබේ.

එම අවස්ථාවේ දී සියලු කොටස් මිල දර්ශකය ඒකක 196.13 කින් හා S&P SL20 දර්ශකය ඒකක 121.48 කින් පහළ ගොස් තිබුණු අතර එය පිළිවෙලින් ඊයේ දිනට සාපේක්ෂව 3.77%ක හා 5.05% ක කඩා වැටීමක් වේ.

පස්වරු 12.14 ට කොටස් වෙළෙඳපොළ සාමාන්‍ය ගනුදෙනු යළි ඇරඹීමට නියමිතය.