කොළඹ කොටස් වෙළෙඳපොළ සියලු කොටස් මිල දර්ශකය අද දින ගනුදෙනු අවසානයේ දී ඒකක 6,532.26 ක් ලෙසින් වාර්තා වූ අතර මෙය පෙර දිනයට සාපේක්ෂව ඒකක 10.73 ක වර්ධනයකි. මීට පෙර ගනුදෙනු දිනය වූ පෙබරවාරි 12 වන දින ඒකක 29.30 කින් සියලු කොටස් මිල දර්ශකය පහළ ගියේය.

මේ අතර S&P SL20 දර්ශකය ද අද දිනය තුළ ඒකක 16.17 කින්පහළ ගොස් ඒකක 3,698.80 ක් ලෙසින් සටහන් විය.

දිනය තුළ රුපියල් මිලියන 654.71 ක ගනුදෙනු පිරිවැටුමක් වාර්තා වුණු අතර රුපියල් මිලියන 359.64 ක දේශීය මිල දී ගැනීම් හා රුපියල් මිලියන 295.06 ක විදේශීය මිල දී ගැනීම් ඒ අතර විය. මේ අතර රුපියල් මිලියන 456.83 ක දේශීය විකුණුම් හා රුපියල් මිලියන 197.88 ක විදේශීය විකුණුම්වලින් අද දින වාර්තා විණි.

අද දින මිල ඉහළ ගිය සමාගම් අතුරින් සොෆ්ට්ලොජික් හෝල්ඩිංග්ස් පීඑල්සී සමාගමේ කොටස් මිල රු. 20.00 සිට රු. 22.50 දක්වා 12.50% ක දැවැන්ත වර්ධනයක් වාර්තා කළ අතර රුපියල් මිලියන 221.58 ක පිරිවැටුමක් සොෆ්ට්ලොජික් හෝල්ඩිංග්ස් කොටස් ගනුදෙනුවලින් පමණක් වාර්තා විය.

මේ අතර සොෆ්ට්ලොජික් කැපිටල් සමාගමේ කොටස් මිල රු. 4.50 සිට රු. 5.40 දක්වා 20% කින් ද, සොෆ්ට්ලොජික් ලයිෆ් කොටස් මිල රු. 21.60 සිටරු. 23.40 දක්වා 8.33% කින් ද දිනය තුළ ඉහළ යන ලදී.