ජනශක්ති පීඑල්සී අද දිනයේ දී ඩුනාමිස් කැපිටල් පීඑල්සී කොටස් ප්‍රාග්ධනයෙන් 31.14% ක ප්‍රමාණයක් මිල දී ගනු ලැබීය. මෙහිදී එක් කොටසක් රු. 36.60 බැගින් මිල දී ගත් අතර එහිදී ගනුදෙනු වූ සම්පූර්ණ කොටස් ප්‍රමාණය මිලියන 38.94 කි. මේ අනුව මෙම ගනුදෙනුවේ වටිනාකම රුපියල් බිලියන 1.4 ඉක්මවනු ලැබීය.

මෙම කොටස් ගනුදෙනුවත් සමඟම ඩුනාමිස් කැපිටල් පීඑල්සී හි කොටසක වෙළෙඳපොළ මිල රු. 16.70 කින් දිනය තුළ දී ඉහළ ගිය අතර මෙය පෙර දිනයට සාපේක්ෂව 90% ක් ඉක්මවූ මිල ඉහළ යාමකි.

මෙම කොටස් අත්පත් කර ගැනීමත් සමාගම ජනශක්ති පීඑල්සී විසින් ඩුනාමිස් කැපිටල් පීඑල්සී හි කොටස් ප්‍රාග්ධනයෙන් 41.14% කට හිමිකම් කියනු ලබයි.