කොළඹ කොටස් වෙළෙඳපොළ මිල දර්ශක අද දිනය තුළ දී ඉහළ උච්ඡාවචනයන් වාර්තා කළ දිනයක් විය. ගනුදෙනු ආරම්භ වී මුල් පැය 1 1/2ක කාලය තුළ ඒකක 90ක් ඉක්මවා සියලු කොටස් මිල දර්ශකයේ ඉහළ යාමක් වාර්තා වුණි.

කෙසේවෙතත් දිනයේ ගනුදෙනු අවසානයේ දී එහි වර්ධනය ඒකක 5.97ක් වූ අතර ඒ අනුව ගනුදෙනු අවසානයේ දී සියලු කොටස් මිල දර්ශකය ඒකක 20,650.23ක් ලෙසින් සටහන් විය.

S&P SL20 දර්ශකය දිනය තුළ ඒකක 2.74ක පහළ යාමක් වාර්තා කරමින් ගනුදෙනු අවසානයේ දී ඒකක 5,844.28ක් ලෙසින් වාර්තා වුණි.

රු. බිලියන 1.06ක ගනුදෙනු පිරිවැටුමක් දිනය තුළ වාර්තා විය.