දේශීය කුළුබඩු හා ආශ්‍රිත නිෂ්පාදන කර්මාන්තයට බලපා ඇති ගැටලු විසඳීමට මලික් පියවර ගනී

    February, 18, 2019

    ආනයනික ගම්මිරිස් හා කරුංකා ඉන්දියාවට ප්‍රතිඅපනයනය කිරීම, ආනයනික සාදික්කා/වසාවාසි හා සියඹලා පකිස්ථානයට ප්‍රතිඅපනයනය කිරීම සහ ශ්‍රී ලංකාවේ කුරුඳු වංචනිකව අපනයනය කිරීම යනාදිය හේතුවෙන් දේශීය කුළුබඩු හා ආශ්‍රිත නිෂ්පාදන කර්මාන්තයට බලපා ඇති ගැටලු විසඳීමට අමාත්‍ය මණ්ඩල අවධානය යොමුව තිබේ.

    ඒ අනුව අපනයන සැකසීම සඳහා තාවකාලිකව ආනයනය කිරීම, අන්තරාල වෙළඳාම සහ වාණිජ කේන්ද්‍රස්ථාන මෙහෙයුම් යනාදී ක්‍රම මඟින් ශ්‍රී ලංකාව‍ වෙත ගම්මිරිස්, කරුංකා, සාදික්කා/වසාවාසි, සියඹලා සහ කුරුඳු ආනයනය කිරීම අත්හිටුවීමටත් ශ්‍රී ලංකාවෙන් ඉන්දියාව හා පකිස්ථානය වෙත ප්‍රතිනැව් ගත කෙරෙන ඉහත සඳහන් ආනයනික කුළුබඩු ශ්‍රී ලාංකික නිෂ්පාදන ලෙස වාර්තා වීම වැළැක්වීමට අවශ්‍ය ක්‍රමවේදයක් ස්ථාපනය කිරීමටත් සංවර්ධන උපායමාර්ග සහ ජාත්‍යන්තර වෙළඳ අමාත්‍ය මලික් සමරවික්‍රම මහතා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.