සී-නෝර් පදනම විසින් ප්‍රථම වරට නිපදවන ලද අඩි 59ක දිගින් යුත් බහුදින ධීවර යාත්‍රා දෙකක් දියඹ ගත කිරීම පසුගියදා මට්ටක්කුලිය සී නෝර් පදනමේ ජැටියේ දී සිදු සිදුකෙරුණු අතර ඊට එක්වෙමින් අමාත්‍යවරයා මෙසේ පැවසී ය.

ඒ වගේම පසුගිය කාලයේ පාඩු ලැබූ, වසා දමන්නට සැරසී සිටි සී නෝර් ආයතනය අද ලාභ උපයන තත්ත්වයට පත්ව සිටිනවා. ඒ වගේම සී - නෝර් ආයතනයේ සේවක මණ්ඩලවලට ඔවුන්ගේ රැකියා සුරක්ෂිත කරගන්නටත් අවස්ථාව ලැබී තිබෙනවා.

මේ සියල්ල අපිට කළ හැකි වුනේ නිවැරදි කළමණාකාරිත්වයක් යටතේ ඉදිරියට ගෙන යාමට කටයුතු කළ නිසායි. ඒ වගේම තමයි වත්මන් රජය යටතේ 2020 වන විට රැකියා දසලක්ෂයක් ලබා දීමේ වැඩ පිළිවෙළ ක්‍රියාත්මක කර තිබෙනවා. ඒ අනුව ධීවර අංශයෙන් අපි රැකියා ලක්ෂයක් ලබා දීමට සුදානම්. පසුගිය වසර තුළ අපි ජලජීවි වගා අංශයේ රැකියා අවස්ථා 8000ක් පමණ නිර්මාණය කළා යැයිද අමාත්‍යවරයා වැඩිදුරටත් කීය.