හැටන් නැෂනල් බැංකුව විසින් රු. 100 බැගින් නිකුත් කරන ලද ණයකර මිලියන 50 ක් වෙනුවෙන් අධිදායකත්වයක් ලැබී ඇතැයි වාර්තා වේ.

මෙහිදී අධිදායකත්වයක් ඇතිවුවහොත් තවත් මිලියන 10 ක ණයකර නිකුතුවක් සඳහා විකල්පයක් ද සමඟින් දියත් වූ මෙම නිකුතුව සඳහා රුපියල බිලියන 6 කට අධික වටිනාකමකින් යුතු අයදුම් ලැබී ඇතැයි බැංකුව විසින් කොළඹ කොටස් වෙළඳපොළ වෙත දන්වා තිබේ.

මෙම නිකුතුව අද (25) සවස 4.30 ට අවසන් වීමට නියමිතය.