2018 ජනවාරි 11 දින විවෘතව 2018 ජනවාරි 18 දින අවසන් වූ ශ්‍රී ලංකා සංවර්ධන බැඳුම්කර වෙන්දේසිය සඳහා එක්සත් ජනපද ඩොලර් මිලියන 526.74 ක ලංසු ලැබුණු බව ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව පවසයි.

වසර 02,03, 04 හා 05 යන පරිණත කාල 4 කින් යුතුව මෙම සංවර්ධන බැඳුම්කර, වෙන්දේසිය සඳහා ඉදරිපත් කර තිබිණි.

වෙන්දේසියට ඉදිරිපත් කරනු ලැබූ බැඳුම්කර ප්‍රමාණය එක්සත් ජනපද ඩොලර් මිලියන 500 ක් වන අතර ලැබුණු ලංසුවලින් ඩොලර් මිලියන 470.57 ක ලංසු භාර ගැනීමට රාජ්‍ය ණය දෙපාර්තමේන්තුව කටයුතු කර තිබේ.

මේ පිළිබඳ සංක්ෂිප්ත සටහනක් පහත දැක්වේ.