ශ්‍රී ලංකාවේ විශාලතම සමාගම් සමූහය වන ජෝන් කීල්ස් හෝල්ඩිංග්ස් පීඑල්සී හි සභාපති ධූරයෙන් සුසන්ත රත්නායක මහතා ඊයේ (31) දින සමුගත්තේය. රත්නායක මහතා 2006 වසරේ දී ජෝන් කීල්ස් හෝල්ඩිංග්ස් සභාපති තනතුර සඳහා පත් වූ අතර ඔහුගේ සමුගැනීමත් සමඟම සමාගමේ උපසභාපති ක්‍රිෂාන් බාලෙන්ද්‍ර මහතා ජෝන් කීල්ස් හෝල්ඩිංග්ස් පීඑල්සී හි සභාපතිවරයා වශයෙන් අද (01) දින සිට වැඩ භාර ගත්තේය.

ජෝන් කීල්ස් හෝල්ඩිංග්ස් යනු වෙළෙඳපොළ ප්‍රාග්ධනීකරණය අතින් කොළඹ කොටස් වෙළෙඳපොළේ ලැයිස්තුගත දෙවැනියට විශාලතම සමාගමයි. සමස්ත වෙළෙඳපොළ ප්‍රාග්ධනීකරණයෙන් 8.39% කට එය හිමිකම් කියනු ලබන අතර එහි වටිනාකම රුපියල් බිලියන 221.58 කි.

ලැයිස්තුගත සමාගම් අතර ඉහළම වෙළෙඳපොළ ප්‍රාග්ධනීකරණයකට හිමිකම් කියනු ලබන ලංකා දුම්කොළ සමාගම සමස්ත වෙළෙඳපොළෙන් 10.04% කට හිමිකම් කියනු ඇතැයි. එම වටිනාකම් රුපියල් බිලියන 265 කි. ලංකා දුම්කොළ සමාගමේ සභාපතිවරයා වශයෙන් ද කටයුතු කළ සුසන්ත රත්නායක මහතා පසුගිය 2018 ජූලි 31 දින එම තනතුරින් විශ්‍රාම ගියේය.

ආර්ථික සංවර්ධනය සඳහා වන ජාතික සභාවේ සාමාජිකයෙකු ද වන ඒ මහතා පහත සඳහන් සමාගම්වල සභාපති හා අධ්‍යක්ෂ මණ්ඩල සාමාජික තනතුරු ඔහු විසින් හොබවනු ලැබීය.