රාජ්‍ය ආයතන වෙත සිදුකරනු ලබන ගෙවීම් ඩිජිටල් මාධ්‍ය හරහා සිදුකරලිය හැකි වන පරිදි GovPay සේවාව මෙම මාසය අවසානයේ දී නැවත වරක් දියත් කිරීමට බලාපොරොත්තු වන බව ඩිජිටල් ආර්ථික නියෝජ්‍ය අමාත්‍ය, ඉංජිනේරු එරංග වීරරත්න මහතා පවසයි. අද දින අද දෙරණ 24 ඔස්සේ විකාශය වූ Big Focus සජීවී වැඩසටහන සමග එක්වෙමින් නියෝජ්‍ය අමාත්‍යවරයා මේ බව සඳහන් කළේය.

මෙහිදී වැඩිදුරටත් අදහස් දැක්වූ ඩිජිටල් ආර්ථික නියෝජ්‍ය අමාත්‍ය, ඉංජිනේරු එරංග වීරරත්න මහතා,

“Digital Payments ගත්තාම අපි පටන් ගත්ත මුල් එකක් තමයි රජයට ගෙවන මුදල් ඩිජිටල් මාධ්‍ය හරහා කොහොමද අපි ගන්නේ කියන එක. GovPay කියලා සේවාවක්, කලින් තිබුණු සේවාවක් නමුත් නිසි පරිදි භාවිතයට නොගැණුනු, ඒක ජනතාවට කාර්යක්ෂමව භාවිත කරන්න බැරි ලෙස තිබුණේ, අපි ඒක පිළිසකර කරලා ඉවර වෙලා, රාජ්‍ය ආයතන 16ක් සම්බන්ධ කරලා මේ මාසගෙ වෙන කොට බලාපොරොත්තු වෙනවා දියත් කරන්න. GovPay කියන නමින්. අප්‍රේල් මාසය වන විට තවත් රාජ්‍ය ආයතන 40 ක් පමණ ප්‍රමාණයක් මේ සේවාව හරහා සම්බන්ධ කරන්න බලාපොරොත්තු වෙනවා. රජයට ගෙවීම් කරන්න ඩිජිටල්කරණය හරහා. ඒක තමයි ඩිජිටල් පේමන්ට්ස් කරන එකේ පළවෙනි පියවර වෙන්නේ.“

.