සැම්සුන් ශ්‍රී ලංකා සිය නිෂ්පාදනයන්හි විශිෂ්ටත්වය හා පාරිභෝගික විශ්වාසය නැවත නැවතත් ප්‍රදර්ශනය කරමින් 2025 Superbrands – Sri Lanka’s Choice සම්මානය හිමි කර ගැනීමට සමත් විය. සැම්සුන් සතු පාරිභෝගික ආකර්ෂණය, තිරසාර සන්නාම අතර පෙරමුණ ගැනීම මෙන්ම මෙරට නිවාස නව්‍යකරණය වෙනුවෙන් දක්වන දායකත්වය මෙම සුවිශේෂී පිළිගැනීම තුලින් මනාව තහවුරු විය.

ගෝලීය වශයෙන් සන්නාමයන්හි විශිෂ්ටත්වය ඇගයීමේ ස්වාධීන හා විශ්වසනීය සම්මානයක් ලෙස පිළිගනු ලබන Superbrands තුලින් පාරිභෝගික ආකර්ෂණය දිනාගෙන ඇති සන්නාමයන් ඇගයීම සිදු කරනු ලබයි. එමෙන්ම ඒ තුලින් සන්නාමයේ ගුණාත්මකභාවය, විශ්වසනීයත්වය, අනුකූලතාව සහ මානසික සබඳතාව හඳුනා ගැනීමටද සිදු වේ.

ශ්‍රී ලාංකේය පාරිභෝගියින් වෙත නිරන්තරයෙන් උසස් තත්වයේ නිෂ්පාදන ලබා දීම මෙන්ම ඔවුන් වෙත ජාත්‍යන්තරව පිළිගත් විශ්වසනීය හා නව්‍ය තාක්ෂණ හඳුන්වා දීමේ සන්නාමයේ කාර්ය භාරය ද මෙම ඇගයීමට සුවිශේෂී හේතුවක් විය.

ඉතා විශ්වාසනීය හා විනිවිද පෙනෙන තෝරා ගැනීමේ ක්‍රියාවලියක් අනුගමනය කරනු ලබන මෙම Superbrands තෝරා ගැනීමේදී දැඩි වෙළෙඳපොල පර්යේෂණයකින් පසුව අදාල වෙළෙඳනාම කෙටි ලැයිස්තුගත කිරීමක් සිදු කරනු ලබයි. අවසානයේදී වෙළෙඳ නාමකරණය සහ ව්‍යාපාර හා සම්බන්ධ වෘත්තිකයින්ගෙන් සුසැදි විනිශ්චය මණ්ඩලයක් විසින් මෙම සන්නාම ඇගයීමට ලක් කිරීම සිදු කරයි. එහිදී මූලික තෝරා ගනු ලැබූ සන්නාමයන්ගෙන් සීමිත ප්‍රමාණයක් පමණක් Superbrands තත්වය හිමි කර ගනු ලබයි. එම සන්නාමයන්හි විශ්වාසය, විශිෂ්ටත්වය හා ආකර්ෂණීය බව එම පිළිගැනීමේ විශේෂත්වයයි.

මේ සම්බන්ධයෙන් අදහස් දැක්වූ සැම්සුන් ශ්‍රී ලංකාහි කළමනාකාර අධ්‍යක්ෂ  SangHwa Song මහතා “සුවහසක් ශ්‍රී ලාංකේය පාරිභෝගිකයින් සැම්සුන් කෙරෙහි දක්වන විශ්වාසය තව දුරටත් ශක්තිමත් කිරීමේ අවස්ථාවක් ලෙස මෙම පිළිගැනීම සඳහන් කළ හැකියි. නවෝත්පාදනය, ගුණාත්මක බව සහ දිගු කාලීන වටිනාකම් කෙරෙහි අප දක්වන කැපවීම මෙන්ම ජාත්‍යන්තර තාක්ෂණය ශ්‍රී ලාංකිකයින් වෙත හඳුන්වා දීම සඳහා වන නිරන්තර උත්සාහය මේ තුලින් මනාව පිළිබිඹු වනවා. මේ ආකාරයෙන් පාරිභෝගිකයින්ගේ ආකර්ෂණය දිනාගත්, ඔවුන් විසින් පිළිගත් නිෂ්පාදනයක් බවට පත්වීම පිළිබඳ අපි ඉතා සතුටට පත් වෙනවා.” යනුවෙන් පැවසීය.

මෙහිදී අදහස් දැක්වූ සැම්සුන් හි ශ්‍රී ලංකා සහ මාලදිවයිනේ පාරිභෝගික විදුලි උපකරණ පිළිබඳ ප්‍රධානී සහ අධ්‍යක්ෂ සබ්රි අන්සාර් මහතා සඳහන් කර සිටියේ “ශ්‍රී ලංකාවේ පාරිභෝගිකයින් සමඟ සැම්සුන් ඇති කරගෙන තිබෙන ශක්තිමත් සබඳතාව මෙම පිළිගැනීම තුලින් මනාව ප්‍රදර්ශනය වනවා. විශ්වාසදායී පාරිභෝගික ජාලයක් සමඟින් නම්‍යශීලී ගෙවීම් විසඳුම් සහ ශක්තිමත් අලෙවියෙන් පසු සේවාවක් වෙනුවෙන් වැඩි අවධානයක් යොමු කර ඇති අප විශ්වාසදායී නවීන තාක්ෂණය පාරිභෝගිකයින් වෙත ලබා දීමට කටයුතු කරනවා. ගෝලීය නවෝත්පාදනයන් වෙළෙඳපොලට නිරන්තරයෙන් හඳුන්වා දෙමින් පාරිභෝගික විදුලි උපකරණ සහ ස්මාර්ට් ජීවන විසඳුම් හරහා පාරිභෝගික ප්‍රමිතීන් අඛණ්ඩව ඉහළ නැංවීමට අප දක්වන කැපවීම තව දුරටත් ඉහළ නැංවීමට මෙම ජයග්‍රහණය හේතු වනවා.” යනුවෙනි.

පාරිභෝගික විදුලි උපකරණ සහ ස්මාර්ට් ජීවන විසඳුම් ක්ෂේත්‍රයේ සැම්සුන් අඛණ්ඩව පෙරමුණ ගෙන ඇති කාල වකවානුවක මෙම Superbrands පිළිගැනීම හිමි කර ගැනීමට සමත්වීමද විශේෂත්වයකි. සුපැහැදිලි පින්තූර සහ ආකර්ෂණීය නැරඹුම් අත්දැකීමක් පාරිභෝගිකයා වෙත ගෙන ඒමට සමත් කරන නවතම Neo QLED, OLED සහ Lifestyle රූපවාහිනී නිෂ්පාදන වෙළෙඳපොලට හඳුන්වා දී ඇති සැම්සුන් වසර 19ක කාලයක් තිස්සේ ලොව අංක 1 රූපවාහිනී නිෂ්පාදකයා ලෙස සිය විශිෂ්ටත්වය තහවුරු කර ඇත.

නවීන ජීවන රටාවක් පාරිභෝගිකයින් වෙත උරුම කර දීම සඳහා අවම බලශක්තියක් වැය වන, කල් පවතින, සුවිශේෂී නිෂ්පාදන හඳුන්වා දීමේ නව මානයන් විවර කිරීමට කටයුතු කර ඇති සැම්සුන් Digital Inverter Motors සහ Compressors සඳහා වසර 20ක අසමසම වගකීමක් ලබා දීම තුලින් සිය විශ්වාසය හා දිගුකල් පැවැත්ම පිළිබඳ සුවිසල් පණිවිඩයක් ලබා දෙයි. ඔවුන් සත විශිෂ්ට තාක්ෂණය සෑම විටම පාරිභෝගිකයින්ට කරදරයකින් තොර සැහැල්ලු දිවි පෙවතකට කදිම සහායක් ලබා දෙයි.

එකිනෙකට සම්බන්ධ සුවිශේෂී පරිසර පද්ධතියක් නිර්මාණය කිරීම සඳහා SmartThings යොදා ගැනීම සැම්සුන්හි නව්‍ය තාක්ෂණයේ එක් පියවරකි. නිවසේ සියලු විදුලි උපකරණ රූපවාහිනී සහ ස්මාර්ට් උපාංග හරහා පහසුවෙන් සම්බන්ධ කරමින් පරිශීකයින් හට තමන් සිටින ස්ථානයක සිට නිවස නිරීක්ෂණය කිරීමට, පාලනය කිරීමට අවස්ථාව උදා කර දෙයි. ඔවුන්ගේ පහසුව, කාර්යක්ෂමතාව, බලශක්ති කළමනාකරණය සහ ආරක්ෂාව ඉහළ නංවන මෙම තාක්ෂණය තුලින් ස්මාර්ට් නිවසක් උරුම කර දීමට හැකි වේ. Samsung Knox Security විසින් මෙම උපාංග සම්බන්ධ කරමින් එහි අවශ්‍යතාවන් සපුරාලනු ලබන්නේ පෞද්ගලිකත්වය හා සැම්සුන්හි ඩිජිටල් විශිෂ්ටත්වය නැවත නැවතත් අරුත් ගන්වමිනි.

අලෙවියෙන් පසු විශිෂ්ට සේවාව හා සැම්සුන් වගකීම සමඟින් දිවයින පුරා පිහිටි සිංගර්, සිංහගිරි, දම්රෝ සහ සොෆ්ට්ලොජික් ඇතුලු අලෙවි ජාලය තුලින් මෙම සියලු නිෂ්පාදන හා සේවාවන් තමන් සතු කර ගැනීමට පාරිභෝගිකයින්ට අවස්ථාව උදා වේ.

ජාත්‍යන්තර නවෝත්පාදන නිෂ්පාදන හා සේවාවන් දේශීයව සපයා ගැනීමේ අවස්ථාව තහවුරු කිරීම අරමුණු කොටගත් සැම්සුන් ශ්‍රී ලංකා මෙරට පාරිභෝගිකයින් හට පහසු ගෙවීමේ විසඳුම් ලබා දීම සඳහා ප්‍රමුඛ බැංකු සමඟ අත්වැල් බැඳගෙන සිටියි. ඒ තුලින් පාරිභෝගික අවශ්‍යතා සපුරා ගැනීම සඳහා නවතම තාක්ෂණය ඔවුන් වෙත හඳුන්වා දීමට සැම්සුන් කටයුතු කරයි.

පාරිභෝගිකයින්, අලෙවිකරුවන්, සිල්ලර වෙළෙන්දන්, සැපයුම්කරුවන්, ආයෝජකයින් සහ සේවකයින් ඇතුලු සියලු පාර්ශවකරුවන්ගේ විශ්වාසය තහවුරු කරනු ලබන මෙම Superbrands පිළිගැනීම සැම්සුන්හි දීර්ඝ කාලීන විශිෂ්ටත්වය යළි යළිත් තහවුරු කිරීමට සමත් වේ. ඒ තුලින් ශ්‍රී ලාංකේය ඉහළ පෙළේ සන්නාමයන්හි පෙරමුණ ගනිමින් සිය අභිමානය ප්‍රදර්ශනය කිරීමටද සැම්සුන් සන්නාමයට හැකි වනු ඇත.

ජනවාරි 12 වන දින කොළඹ හිල්ටන් හෝටලයේදී පවත්වනු ලැබූ Superbrands උපහාර  උත්සවය සඳහා සැම්සුන් ශ්‍රී ලංකා සමාගම වෙනුවෙන් එහි කළමනාකාර අධ්‍යක්ෂ, අධ්‍යක්ෂ  සහ පාරිභෝගික විදුලි උපකර අංශ ප්‍රධානී ඇතුළු නායකත්ව කණ්ඩායම එක්ව සිටි අතර එහිදී මෙරට වඩාත් පිළිගත් සන්නාම සමඟ එක්වීමට ඔවුන්ට හැකියාව උදා විය.