මධ්‍යම පරිසර අධිකාරිය සංවිධානය කළ ජනාධිපති පරිසර සම්මාන උළෙලේදී CIB කාණ්ඩයේ රන් සම්මානය යටියන්තොට වොන්ලාන් ලංකා පෞද්ගලික සමාගමට හිමි විය. ඒ පොදු අපද්‍රව්‍ය කළමනාකරණය, ප්‍රතිචක්‍රියකරණය මගින් නිෂ්පාදන කිහිපයක් බිහි කිරීම වෙනුවෙනි. අදාළ සම්මාන ජනාධිපතිවරයා විසින් පිරිනමන ලදී.

නව නිපැයුම් තුළින් පොහොසත් ශ්‍රී ලංකාවක් යන දැක්ම ඔස්සේ කටයුතු කරන වොන්ලාන් ලංකා සමාගමේ කළමනාකරණ අධ්‍යක්ෂ ආනන්ද විතානගේ මහතා නව නිපැයුම් රැසක් සිදු කර පේටන්ට් බලපත්‍ර කිහිපයක් හිමි කර ගෙන ඇති සුවිශේෂ නිර්මාණකරුවෙකි. සම්මාන රැසක් දිනා ඇති වොන්ලාන් ලංකා සමාගම ග්‍රීස් නිෂ්පාදනයේ ප්‍රමුඛයා ලෙස ISO තත්ත්ව කළමනාකරණ පද්ධති සහතිකයෙන්ද පිදුම් ලබා MOULDLUBE ග්‍රීස් නමින් GOLD ග්‍රීස් හා BLUE ග්‍රීස් රට පුරා බෙදා හරිමින් පාරිභෝගික විශ්වාසය ඉහළින්ම දිනා ඇත. 2024 කර්මාන්ත විශිෂ්ටතා සම්මාන උළෙලේදී විශිෂ්ටම ජාතික සන්නාමයට හිමි රන් සම්මානය MOULDLUBE ග්‍රීස් සන්නාමයට හිමි වීම සමාගමේ ගෞරවයට හා අභිමානයට හේතු විය.