කොළඹ කොටස් වෙළෙඳපොළ ගනුදෙනු අද (11) දිනයේ දී ඉතා මන්දගාමී ස්වභාවයක් ගනු ලැබීය.

දිනය අවසානයේ දී සියලු කොටස් මිල දර්ශකය ඒකක 4.59කින් ඉහළ ගොස් ඒකක 23,655.68ක් ලෙසින් වාර්තා වූ අතර S&P SL20 දර්ශකය ඒකක 6.11කින් ඉහළ ගොස් ඒකක 6,611.52ක් ලෙසින් වාර්තා විය.

රු. බිලියන 3.35ක ගනුදෙනු පිරිවැටුමක් අද දිනය තුළ වාර්තා විය. එහිදී විදේශීය ආයෝජකයින්ගේ උනන්දුව පැවතියේ ඉතා පහළ මට්ටමකය.

දිනය තුළ දේශීය මිල දී ගැනීම් රු. බිලියන 3.29ක් හා දේශීය විකිණුම් රු. බිලියන 3.22 ක් ලෙසින් සටහන් වූ අතර විදේශීය මිල දී ගැනීම් රු. මිලියන 56 ක් හා විදේශීය විකිණුම් රු. මිලියන 120ක් ලෙසින් සටහන් විය.