ලංකා හොස්පිටල්ස් කෝපරේෂන් පීල්සී හි අධ්‍යක්ෂ මණ්ඩල සාමාජිකයින් හත් දෙනෙකු සිය ධූරවලින් ඉල්ලා අස්වී ඇති බව සමාගම් ලේකම්වරයා විසින් කොළඹ කොටස් වෙළෙඳපොළ වෙත දැනුම් දී සිටී.

කීත් ඩේමියන් බර්නාඩ්, චමින්ද සිරිවර්ධන, වෛද්‍ය අනිල් අබේවික්‍රම, නන්දන ජයන්ත මුණසිංහ, උමාශාන්තී රාජමන්ත්‍රී, මහාචාර්ය මේනකා දිල්හානි සමරවිකුම ලොකුහෙට්ටි සහ වෛද්‍ය රොහාන් ලලිත් විජේසුන්දර යන අධ්‍යක්ෂ මණ්ඩල සාමාජිකයින් මෙසේ ඉල්ලා අස්වී තිබේ.

සමාගම් ලේකම්වරයා විසින් වැඩිදුරටත් දන්වා සිටින්නේ මෙම සියලු ඉල්ලා අස්වීම් 2017 මැයි 09 වන දින සිට බලපැවැත්වෙන බවයි.

මෙම ඉල්ලා අස්වීම්වලට පෙර ලංකා හොස්පිටල්ස් කෝපරේෂන් පීඑල්සී හි මුළු අධ්‍යක්ෂ මණ්ඩල සාමාජිකයින් සංඛ්‍යාව 14 ක් විය.