ශ්‍රී ලංකා මහ බැංකුව විසින් පසුගිය 2023 අප්‍රේල් මාසයේ දී ඩොලර් මිලියන 147.75 ක් දේශීය විදේශ විනිමය වෙළෙඳපොළෙන් මිල දී ගෙන ඇති බව සඳහන් කරයි. අප්‍රේල් මාසය තුළ දී මහ බැංකුව ඩොලර් විකිණීමක් සිදුකර නොමැත.

මේ අනුව 2023 වසරේ මුල් මාස 04 තුළ දී පමණක් ඩොලර් මිලියන 1,236.60 ක් මිල දී ගැනීමට මහ බැංකුව කටයුතු කර තිබේ.

ඒ 2023 අප්‍රේල් මාසයට අමතරව ජනවාරි මාසයේ දී ඩොලර් මිලියන 348.79 ක්, පෙබරවාරි මාසයේ දී ඩොලර් මිලියන 287 ක් සහ මාර්තු මාසයේ දී ඩොලර් මිලියන 453.06 ක් වශයෙනි.

මෙම කාලය තුළ දී මහ බැංකුව විසින් විනිමය වෙළෙඳපොළේ විකුණා ඇති ඩොලර් ප්‍රමාණය ඩොලර් මිලියන 226.17 කි.

ඒ අනුව ශුද්ධ වශයේන ඩොලර් මිලියන 1,010.43 ක් ශ්‍රී ලංකා මහ බැංකුව විසින් 2023 මුල් මාස 04 තුළ දී දේශීය විදේශ විනිමය වෙළෙඳපොළෙන් මිල දී ගෙන ඇත.