එළඹෙන ජූනි 30 වන දින විශේෂ බැංකු නිවාඩු දිනයක් ‌ලෙසින් ප්‍රකාශයට පත් කර ඇති බැවින් එදින කොළඹ කොටස් වෙළෙඳපොළ ද නිවාඩු දිනයක් ලෙස ප්‍රකාශයට පත්කර ඇත..

ඊයේ (25) පස්වරුවේ ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා විශේෂ මාධ්‍ය හමුවක් කැඳවමින් පවසා සිටියේ, දේශීය ණය ප්‍රශස්ථකරණ වැඩපිළිවෙල සම්පූර්ණයෙන් ක්‍රියාත්මක කිරීම සඳහා යම් කාලපරාසයක් අවශ්‍ය වීම හේතුවෙන් මෙලෙස ජූනි 30 දින විශේෂ බැංකු නිවාඩු දිනයක් ප්‍රකාශයට පත්කරනු ලැබූ බවයි.

ඒ අනුව එකදිගට දින 5 ක කාලයක් බැංකු නිවාඩු දින වශයෙන් ගැනෙන බවත්, එම කාලය තුළ දී දේශීය ණය ප්‍රශස්ථකරණ සම්පූර්ණ ක්‍රියාවලියම අවසන් කිරීමට හැකිවෙතැයි රජය බලාපොරොත්තු වන බවත් මහ බැංකු අධිපතිවරයා මෙහිදී පැවසීය.