ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් ඊයේ (31) දින කැඳවන ලද භාණ්ඩාර බිල්පත් වෙන්දේසියේ දී බර තබන ලද සාමාන්‍ය ඵලදා අනුපාතිකයන් හි කැපීපෙනෙන පහළ යාමක් වාර්තා වී තිබේ.

ඒ අනුව දින 91 බිල්පත් ඵලදා අනුපාතිකය 13.35% සිට 11.97% දක්වා පදනම් අංක 138 කින් ද, දින 182 බිල්පත් ඵලදා අනුපාතිකය 13.41% සිට 12.20% ක් දක්වා පදනම් අංක 121 කින් ද පහළ ගොස් ඇත.

මීට අමතරව දින 364 බිල්පත් ඵලදා අනුපාතිකය 12.78% සිට 12.00% ක් දක්වා පදනම් අංක 78 කින් අඩු වී තිබේ.

මෙම වෙන්දේසිය සඳහා රු. මිලියන 160,000 ක භාණ්ඩාගාර බිල්පත් ප්‍රමාණයක් ඉදිරිපත් කර තිබුණු අතර ඊට රු. මිලියන 407,178 ක ලංසු ප්‍රමාණයක් ලැබී තිබුණි.

එහිදී වෙන්දේසිය සහා ඉදිරිපත් කළ බිල්පත් ප්‍රමාණයට සමපාත වන අයුරින් රු. මිලියන 160,000 ක ලංසු ප්‍රමාණයක් පිළිගෙන තිබේ.