AIA ඉන්ෂුවරන්ස් ලංකා සමාගම, සිය බෙදාහැරීම් ජාලය ව්‍යාප්ත කරලීමේ ප්‍රයත්නයෙහි තවත් පියවරක් ඉදිරියට තබමින් නොබෝදා බණ්ඩාරවෙල නගරයේ දී නවතම AIA සංවර්ධන කාර්යාලයක් විවෘත්ත කරන ලදී.  සියලුම පහසුකම් සහිතව නිමවා ඇති මෙම කාර්යාලය ඔස්සේ බණ්ඩාරවෙල ජනතාවට අතිවිශිෂ්ට රක්ෂණ අත්දැකීම් අත්විඳීමේ අවස්ථාව උදාකර දී ඇත.

මෙම  සංවර්ධන කාර්යාලය අංක 451, බදුල්ල පාර, බණ්ඩාරවෙල, යන ස්ථානයේ පිහිටා ඇති අතර එහි සේවයේ නියුතු, දැනුමෙන් සහ පුහුණුවෙන් හෙබි රක්ෂණ වෘත්තිකයින් කණ්ඩායම විසින්, සේවාලාභීන්ගේ අවශ්‍යතාවන්ට සරිලන පරිදි - ජීවිත රක්ෂණ, සෞඛ්‍ය රක්ෂණ, විශ්‍රාම සැලසුම් සහ ආයෝජන විසඳුම් යන පුළුල් පරාසයක් සහිත පිරිනැමීම්, පාරිභෝගික ජනතාව වෙත ලබා දෙමින් ඔවුනගේ අනාගත මූල්‍ය සුරක්ෂිතතාවය තහවුරු කරලීමට අපේක්ෂා කරයි.