ශ්‍රී ලංකාවේ සාර්ථකම නිෂ්පාදන සමාගම් අතුරින් එකක් වන සියැට් කැළණි හෝල්ඩිංග්ස් සමාගම ශ්‍රී ලංකා වරලත් වෘත්තීය කළමනාකරුවන්ගේ ආයතනය (CPM) විසින් කළමනාකරණ පරිචයන් සඳහා ශ්‍රී ලංකාවේ හොඳම සමාගම් 10 අතරට නම් කර ඇත.

CPM හි ‘Best Management Practices Company Awards’ තුන්වන සංස්කරණයේදී 2023 වසරේ සමාගමේ කාර්යසාධනය වෙනුවෙන් Top 10 සම්මානය සමාගම වෙත පිරිනමන ලදී. මෙම සම්මාන සඳහා තෝරා ගැනීමේදී නායකත්වය, ප්‍රතිපත්ති සහ උපාය මාර්ග, පුද්ගල කළමනාකරණය, හවුල්කාරිත්වය සහ සම්පත්, ක්‍රියාවලි සහ කාර්ය සාධනය යන කළමනාකරණ  අංශවල හොඳම පිළිවෙත් සැලකිල්ලට ගෙන තිබේ.

ශ්‍රී ලංකාවේ වායුමය ටයර් අවශ්‍යතාවයෙන් අඩකට ආසන්න ප්‍රමාණයක් නිෂ්පාදනය කරන සියැට් කැලණි සමාගම, 2025-26 වන විට රුපියල් බිලියන 26 ක ආදායමක් ඉලක්ක කර ගනිමින් ජයග්‍රාහී නිෂ්පාදන, නිෂ්පාදන සහ සේවා විශිෂ්ටත්වය සහ ඩිජිටල්කරණය ඔස්සේ වෙළෙඳපොළේ ඉදිරියෙන් සිටීම යන ප්‍රධාන සාධක ශක්තිමත් කිරීම සඳහා 2023 දී නව මුලපිරීමක් ආරම්භ කරන ලදී.

මෙම සැලැස්ම හරහා සියැට් සන්නාමය ට්‍රක්, බස් සහ සැහැල්ලු ට්‍රක් රථ ටයර් කාණ්ඩයේ සිය ප්‍රමුඛතම වෙළඳපල කොටස රඳවා ගැනීමටත්, මගී මෝටර් රථ සහ වෑන් රේඩියල්, ට්‍රක් සහ බස් රේඩියල් සහ යතුරුපැදි ටයර් වල ප්‍රමුඛ වෙළඳපල කොටස් තවදුරටත් වර්ධනය කරගැනීමටත් අපේක්ෂා කරයි.

“ශ්‍රී ලංකාවේ හොඳම කළමනාකරණය සහිත සමාගම් 10 න් එකක් ලෙස CPM වැනි උසස් ආයතනයක පිළිගැනීමට ලැබීම ගැන අපි ඉමහත් සතුටට පත්වෙනවා,” යැයි සියැට් කැලණි හෝල්ඩිංග්ස් සමාගමේ කළමනාකාර අධ්‍යක්ෂ රවී ඩඩ්ලානි මහතා පැවසීය. “1992 දී රජය සතු ව්‍යවසායක මතභේදාත්මක පුද්ගලීකරණයකින් සියැට් කැලණි සමාගම උත්පත්තිය ලැබීමේ සන්දර්භය නිසා මෙම සම්මානය විශේෂයෙන් කැපී පෙනේ.”

“වසර ගණනාවක් පුරා, සියැට් කැලණි හවුල් ව්‍යාපාරය ඵලදායිතාව, නිෂ්පාදන සංවර්ධනය, ව්‍යාප්තිය සඳහා ආයෝජනය කිරීම, නව තාක්ෂණය යෙදවීම, පර්යේෂණ හා සංවර්ධනය, දේශීය වෙළෙඳපොළ නායකත්වය, අපනයන සහ විදේශ විනිමය සංරක්ෂණය කිරීමේ ජාතික ප්‍රයත්නයට දක්වන සහාය යන කරුණු මත සාර්ථක පුද්ගලීකරණයක් සඳහා උදාහරණයක් ලෙස දැක්වී ඇත,” යැයිද ඩඩ්ලානි මහතා වැඩිදුරටත් පැවසීය.

සියැට් සන්නාමය ඉතාලියේ ආරම්භ වූවක් වන අතර ජර්මානු ඉන්ජිනේරු තාක්ෂණයෙන් සහ ඉන්දියාවේ හා යුරෝපයේ පිහිටි පුළුල් පර්යේෂණ හා පරීක්ෂණ පහසුකම් වල පිටුබලය ලබයි. ශ්‍රී ලංකාවේ වායුමය ටයර් අවශ්‍යතාවයෙන් අඩක් නිෂ්පාදනය කිරීමට අමතරව, සියැට්-කැලණි සමාගම සිය නිෂ්පාදනයෙන් සියයට 20 ක් පමණ රටවල් 16 කට අපනයනය කරයි. ආනයනික ටයර් මත යැපීම අඩු කිරීමෙන් විදේශ විනිමය සංරක්ෂණය කිරීමේ ජාතික ආර්ථික ප්‍රයත්නයට සැලකිය යුතු කාර්යභාරයක් ද ඉටු කරනු ලබන සියැට් කැළණි සමාගම පසුගිය දශකය තුළ ශ්‍රී ලංකාවේ මෙම ඒකාබද්ධ ව්‍යාපාරය සඳහා සමස්තයක් ලෙස රුපියල් බිලියන 8.5 කට වැඩි මුදලක් ආයෝජනය කර තිබේ.

සේයාරු සටහන: සියැට් කැලණි හෝල්ඩිංග්ස් සමාගමේ සාමාන්‍යාධිකාරී - තත්ත්ව පාදක කළමනාකාරිත්වය චමින්ද තුෂාර මහතා සහ නියෝජ්‍ය සාමාන්‍යාධිකාරී - අලෙවිකරණ ෂියැං වොන්ග් මහතා පිළිවෙලින් CPM කුසලානය සහ සහතිකය සමාගම වෙනුවෙන් පිළිගනිමින්