පා පන්දු ලෝක කුසලාන තරග නැරඹීම සඳහා ලක්ෂ සංඛ්‍යාත සංචාරකයින් පිරිසක් බ්‍රසීලයට පැමිණීම හමුවේ එරට ගණිකා ව්‍යාපාරය සරුවනු ඇතැයි සිතුවත් එසේ සිදුවී නැතැයි විශේෂඥයින් කණ්ඩායමක් සිදුකර තිබෙන සමීක්ෂණයකින් අනාවරණය කර තිබේ.

විදෙස් මාධ්‍ය වාර්තා කරන්නේ ගණිකා වෘත්තියේ යෙදීම සඳහා පුහුණු වූ කාන්තාවන් දහස් ගණනක් රියෝ ඩි ජනයිරෝ නුවර මේ දිනවල සැරිසරන බවත් ඇඟ විකිණීමට මෙහි කිසිදු නීතිමය බාධාවක් නොමැති බවයි.

විදේශිකයින් මෙන්ම බ්‍රසීල ජාතිකයින්ද ඇතුළත් වන කාන්තාවන් හා පිරිමින්ගෙන් සැදුම්ලත් මෙම විශේෂඥ කණ්ඩායම විසින් මේ දිනවල රියෝ ඩි ජනයිරෝ නුවර ගණිකා ව්‍යාපාරික කටයුතු පිළිබඳව සිදුකර තිබෙන සමීක්ෂණය මගින් හෙළිකර ගෙන තිබෙන්නේ ලෝක කුසලාන පා පන්දු තරගාවලිය නිසා ගණිකා ව්‍යාපාරික කටයුතු සරුවී නොමැති බවයි.

තමා ණය ගෙවීමට අවශ්‍ය මුදල් උපයා ගැනීමේ අරමුණෙන් Copacabana වෙත පැමිණි බව මෙම සමීක්ෂණය සඳහා සහභාගී වී තිබෙන 24 හැවිරිදි Luna Ferrari නැමති අන්වර්ථ නාමයෙන් හඳුන්වා දී තිබෙන අභිසරුලිය පවසා තිබේ.

ලතින් ඇමරිකානු රටවල සිට පැමිණෙන බොහෝ සංචාරකයින් රැගෙන එන්නේ දුර්වල මුදල් ඒකක බවත් ඔවුන් හෙට්ටු කිරීමට රුසියන් බවත් සඳහන්ය.

මොවුන් ගෙවන්නේ බ්‍රසීල ජාතිකයින්ටත් වඩා අඩු මුදලක් යැයි Luna Ferrari සඳහන් කර තිබේ.

“සමහර වෙලාවට අපිටත් වඩා අඩු මුදලක් තමයි සංචාරකයින් සතුව තිබෙන්නේ.“ යනුවෙන් ඇය සමීක්ෂණය සඳහා වැඩිදුරටත් අදහස් දක්වා ඇත.
මෙම සමීක්ෂණය මගින් රියෝ ඩි ජනයිරෝ හි, ගණිකා ව්‍යාපාරික කටයුතු කරන ස්ථාන 279 ක් හඳුනාගෙන තිබෙන අතර පා පන්දු ලෝක කුසලානය නිසා ව්‍යාපාරික කටයුතු වර්ධන වී තිබෙන්නේ ස්ථාන 16 ක පමණක් බව සඳහන්ය.