iDealz Lanka (Pvt) Ltd ආයතනය, iPhone 18 මාදිලිය නිල වශයෙන් වෙළඳපොළට හඳුන්වාදීම පසුගියදා කොළඹදී පැවැත්විය. මෙම අවස්ථාව සඳහා තාක්ෂණික ක්ෂේත්‍රය පිළිබඳව උනන්දුවක් දක්වන්නන්, පාරිභෝගිකයින් ඇතුළු විශාල පිරිසක් එක්ව සිටියහ.

මෙම උත්සවයේ ප්‍රධානතම අවස්ථාව වූයේ iPhone 18 මාදිලිය නිල වශයෙන් එළිදැක්වීමයි. නව උපාංග පිළිබඳව විශේෂ අවධානයක් යොමු කෙරුණු මෙම ඉදිරිපත් කිරීමට අමතරව, පාරිභෝගිකයින්ට එම උපාංග සජීවීව පරීක්ෂා කර බැලීම සඳහා විශේෂ අත්දැකීම් කුටියක් ද (Experience Zone) සූදානම් කර තිබිණි. එහිදී උපාංග පෙළ සමීපව නිරීක්ෂණය කිරීමටත්, ප්‍රායෝගික භාවිතය හරහා නිෂ්පාදන පිළිබඳ පැහැදිලි අවබෝධයක් ලබා ගැනීමටත් පැමිණ සිටි පිරිසට අවස්ථාව හිමි විය.

එමෙන්ම මෙම එළිදැක්වීම, හුදෙක් නිෂ්පාදනයක් වෙළඳපොළට හඳුන්වා දීමෙන් ඔබ්බට යමින්, පාරිභෝගිකයාට තාක්ෂණය අත්විඳීමටත් නිවැරදි මිලදී ගැනීමේ තීරණ වෙත යොමු වීමටත් අවස්ථාව සලසන නූතන තාක්ෂණික අලෙවිකරණයේ සිදුවෙමින් පවතින පුළුල් වෙනස මනා ලෙස පිළිඹිඹු කළේය. මෙලෙස පාරිභෝගිකයින්ට නව උපාංග සජීවීව අත්විඳීමට පහසුකම් සැලසීම හරහා, නවීන තාක්ෂණය පාරිභෝගිකයාට වඩාත් සමීප කිරීමටත්, සිය සන්නාමය සහ පාරිභෝගිකයා අතර පවතින විශ්වාසනීය සබඳතාව තවදුරටත් ශක්තිමත් කිරීමටත් iDealz දක්වන කැපවීම මනාව පැහැදිලි වේ.

iDealz Lanka (Pvt) Ltd හි නිර්මාතෘ සහ සභාපති මොහොමඩ් රිෆ්කාන් මහතා අදහස් දක්වමින් මෙසේ පැවසීය. "තාක්ෂණය වඩාත් හොඳින් තේරුම් ගත හැක්කේ පාරිභෝගිකයන්ට එය තමන් විසින්ම සජීවීව අත්විඳීමට අවස්ථාව ලැබුණු විටයි. HELLO18 හරහා අපගේ අරමුණ වූයේ නව උපාංග පෙළක් හඳුන්වාදීමට පමණක් සීමා නොවී, පාරිභෝගිකයන් තාක්ෂණයට තවදුරටත් සමීප කරවන සැබෑ අත්දැකීමක් නිර්මාණය කිරීමයි. මනා දැනුවත්භාවයකින් යුත් මගපෙන්වීම් හරහා සිදුවන අර්ථවත් පාරිභෝගික සන්නිවේදනය, නූතන තාක්ෂණික අලෙවිකරණයේ අත්‍යවශ්‍ය කොටසක් බව අපි විශ්වාස කරනවා."

ශ්‍රී ලංකාවේ මොබයිල් සහ තාක්ෂණික අලෙවි ක්ෂේත්‍රය තුළ ස්ථාවර නාමයක් දිනා සිටින iDealz, සිය ප්‍රදර්ශනාගාර සහ ඩිජිටල් නාලිකා හරහා ස්මාර්ට්ෆෝන් සහ ඊට අදාළ උපාංග පාරිභෝගිකයන් වෙත ලබාදීම නිරන්තරයෙන් සිදු කරයි. HELLO18 එළිදැක්වීම මගින් පිළිඹිඹු වන්නේ පාරිභෝගික සන්නිවේදනය කෙරෙහි සමාගම දක්වන නිරන්තර කැපවීම සහ ප්‍රවේශ විය හැකි, දැනුවත්භාවය ලබා දෙන මෙන්ම ආකර්ෂණීය තාක්ෂණික අලෙවිකරණ අත්දැකීමක් ලබා දීමට ඇති අවධානයයි.