බ්‍රිතාන්‍යයේ හිටපු අග්‍රාමාත්‍ය ඩේවිඩ් කැමරන් මහතා ශ්‍රී ලංකාවේ සිදු කළ පෞද්ගලික සංචාරයක් අතරතුර කොළඹ වරාය නගර ව්‍යාපෘතිය නැරඹීමට පැමිණියේ ය.

කැමරන් මහතා කොළඹ වරාය නගර ආර්ථික කොමිසමේ සාමාජික රෙයාස් මිහිලර්, නීති හා ආයතනික කටයුතු අධ්‍යක්ෂ වින්ධ්‍යා වීරසේකර සහ CHEC Port City Colombo (Pvt) Ltd හි කළමනාකාර අධ්‍යක්ෂ යන්ග් ලූ යන මහත්ම මහත්මීන් සමඟ මෙම ව්‍යාපෘතියේ රාජ්‍ය හා පෞද්ගලික හවුල්කාරිත්වය පිළිබඳ ව සහ ආර්ථිකය පරිවර්තනය කිරීමේ උත්ප්‍රේරක භූමිකාව පිළිබඳ ව සාකච්ඡා කළ අතර, ශ්‍රී ලංකා ආයෝජන මණ්ඩලයේ අධ්‍යක්ෂ ජනරාල් රේණුක වීරකෝන් මහතා ද මෙම සාකච්ඡාවට එක් විය.

CHEC Port City Colombo (pvt) Ltd හි නියෝජ්‍ය කළමනාකාර අධ්‍යක්ෂ තුල්සි අලුවිහාරේ මහතා හිටපු බ්‍රිතාන්‍ය අග්‍රාමාත්‍යවරයා වෙත කරුණු දක්වමින් ප්‍රකාශ කළේ, කොළඹ වරාය නගරය කලාපීය ව්‍යාපාරික ගමනාන්තයක් නිර්මාණය කිරීමේ අරමුණින් ක්‍රියාත්මක වන බවයි. එමෙන් ම ආකර්ෂණීය නියාමන යාන්ත්‍රණයක් සමඟින්, කොළඹ වරාය නගරය සිංගප්පූරුව සහ ඩුබායි සඳහා විකල්ප ස්ථානයක් වනු ඇති බවත්, පිරිවැය තරඟකාරීත්වය සහ ආකර්ෂණීය ජීවන තත්ත්වය සමඟින් එය වැඩි ජාත්‍යන්තර ආකර්ෂණයක් දිනා ගනු ඇති බවත් අලුවිහාරේ මහතා තව දුරටත් ප්‍රකාශ කළේ ය.

දකුණු ආසියාවේ ක්‍රියාත්මක වන මෙවැනි ව්‍යාපෘති හා සසඳන විට කොළඹ වරාය නගරයේ ඇති විශේෂත්වය පිළිබඳ විමසූ කැමරන් මහතාට පිළිතුරු ලබා දෙමින් අලුවිහාරේ මහතා ප්‍රකාශ කළේ, කොළඹ වරාය නගරයේ භූගෝලීය වාසියට අමතරව, ආයෝජකයින්ගේ පහසුව ප්‍රවර්ධනය කිරීම සඳහා මූල්‍ය හා මූල්‍ය නොවන දිරිගැන්වීම් සහිත පුළුල් පැකේජයක් ලබා දීම විශේෂත්වයක් බවයි. ඊට අමතරව කොමිෂන් සභාව ආයෝජන සඳහා පහසුකම් සලසන නම්‍යශීලී නීති හා රෙගුලාසි, සාධාරණ විදේශ විනිමය පාලන තන්ත්‍රයක්, විවෘත ශ්‍රම වෙළඳපොළක් සහ ආකර්ෂණීය ආයෝජන දිරිගැන්වීම් ක්‍රියාත්මක කිරීමේ හැකියාව සහිත  ස්වාධීන  ආයතනයක් බවත්, කොළඹ වරාය නගරය ශ්‍රී ලංකාවේ ප්‍රථම ප්‍රධාන සැලසුම් කළ නගරය ලෙස හරිත හා බුද්ධිමය ජීවන රටාවක් ප්‍රවර්ධනය කරන ආකර්ෂණීය  ජීවන පරිසරයක් නිර්මාණය කරනු ඇති බවත් අලුවිහාරේ මහතා එහි දී අවධාරණය කළේ ය.

අනාගත ආයෝජකයින් කොළඹ වරාය නගරය වෙත ආකර්ෂණය කිරීම සඳහා සහයෝගය ලබා දීමේ අරමුණින් ව්‍යාපෘති භූමියේ සංචාරය කළ කැමරන් මහතා, 2023 වසරේ දී කොළඹ වරාය නගර සංවර්ධන ව්‍යාපෘතිය නැරඹීමට පැමිණි පළමු රාජ්‍යතාන්ත්‍රික නියෝජිතයා ද වේ.

පුනර්ජනනීය බලශක්ති ප්‍රභව තුළින් විදුලිය නිෂ්පාදනය කිරීම දිරිමත් කෙරේ. ඒ අනුව එමගින් විදුලිය උත්පාදනය කිරීමට අවශ්‍ය Invertors වරාය හා ගුවන්තොටුපොළ සංවර්ධන බද්දෙන් නිදහස් කරන බව මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා කියයි.

ජනාධිපති රනිල් වික්‍රමසිංහ මැතිතුමා විසින් නිකුත් කරන ලද 2312/67 ගැසට් නිවේදනය මගින් මෙම බදු නිදහස් කිරීම සිදු කර තිබේ. ඒ අනුව HS කේත අංක 8504.40 යටතේ ආනයනය කරනු ලබන Static converters සහ Invertors මත වන වරාය හා ගුවන්තොටුපොළ සංවර්ධන බද්ද  10% සිට නිදහස් කිරීමට කටයුතු කර ඇති බව අමාත්‍යවරයා සඳහන් කරයි.

ගොඩනැගිලිවල පරිසර හිතකාමී අංගයන් ඇගයීමට ලක්කරමින් ශ‍්‍රී ලංකා හරිත ගොඩනැගිලි කවුන්සලය (GBCSL) විසින් ලබාදෙන හරිත ගොඩනැගිලි සම්මාන අතුරින් රන් වර්ගීකරණයක් සිය ත‍්‍රිකුණාමලයේ පිහිටි ශාඛාව වෙනුවෙන් දිනා ගැනීමට කොමර්ෂල් බැංකුව පසුගියදා සමත්ව තිබේ.

ශ‍්‍රී ලංකාවේ ගොඩනැගිලි වෙනුවෙන් දේශීය නිර්දේශ අන්තර්ගත ශ‍්‍රී ලංකා හරිත ගොඩනැගිලි කවුන්සලය විසින් හඳුන්වා දී තිබෙන GREENSL® වර්ගීකරණයේ ප‍්‍රමිතීන්ද භාවිතා කරමින් කොමර්ෂල් බැංකුවේ ත‍්‍රිකුණාමලයේ පිහිටි ශාඛාව අංක 420, අධිකරණ පාර, ත‍්‍රිකුණාමලය යන ස්ථානයේ යළි ස්ථාපිත කිරීමට බැංකුව විසින් කටයුතු කරන ලදී.

මෙම ගොඩනැගිල්ලේ වහලයේ බලශක්තිය විශාල ප‍්‍රමාණයක් උත්පාදනය කරගැනීම වෙනුවෙන් සූර්ය පැනල පද්ධතියක් සවිකර තිබෙන අතර මෙහි වැසි ජලය එක් රැස් කිරීමේ ස්ථානයක්ද ගොඩනගා තිබේ. මීට අමතරව, අප ජලය ගෙවත්තේ පැල වලට යළිත් දැමිය හැකි පරිදි පිරිසිදු කිරීමේ අප ජලය පිරිපහදු කිරීමේ යන්ත‍්‍රාගාරයක්ද මෙහි ස්ථාපිත කර ඇත. එසේම, ජාත්‍යන්තර ප‍්‍රමිතීන්ට අනුව මෙම ගොඩනැගිල්ල මගින් 30% ක බලශක්ති පිරිමැස්මක් සිදුකරන අතර පානීය ජලය ගෙවත්තට සහ අනිකුත් කටයුතු සඳහා යොදාගැනීම මෙහිදී වලක්වා තිබේ.

මෙම හරිත ගොඩනැගිලි රන් වර්ගීකරණය මගින් මෙම ගොඩනැගිල්ලේ එක් එක් මහල්වල වවා තිබෙන ගස්වැල්, දිවා කාලයේදී ගොඩනැගිල්ල තුළට ස්වභාවික ආලෝකය උපරිමව ලබාගන්නා ආකාරය සහ  මෙම ගොඩනැගිල්ල ඉදිකිරීමේදී තිබූ ස්වභාවික පරිසරය ආරක්ෂා කර ගැනීමට කටයුතු කර තිබෙන ආකාරයද ඇගයීමට ලක්කර ඇත. මෙහි බලශක්ති පරිභෝජනය තවදුරටත් අඩුකර ගැනීම සඳහා බලශක්ති පිරිමැසුම්දායක වායු සමීකරණ යන්ත‍්‍ර සවිකර තිබෙන අතර ගෙවතු විදුලි පහන් ආලෝකකරණය සඳහා වෙනමම සූර්ය පැනල වෙන්කර තිබීම කැපී පෙනේ. මීට අමතරව, මෙම ශාඛාව සඳහා හරිත ප‍්‍රවාහන විසඳුම්ද දිරිමත් කර ඇත.

ශ‍්‍රී ලංකාවේ පරිසරයට කාබන් මුදාහැරීම 100% තුලනය කළ ප‍්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු බැංකුව මෙන්ම පිට පිට 12 වතාවක් එසේ තේරී පත්වූ එකම ශ‍්‍රී ලාංකේය බැංකුව කොමර්ෂල් බැංකුව වන අතර මේ වනවිට දිවයින පුරා බැංකු ශාඛා 269 ක් සහ ස්වයංක‍්‍රීය යන්ත‍්‍ර 943 ක් ක‍්‍රියාත්මක කරයි. ශී‍්‍ර ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත‍්‍රයේ ඩිජිටල් නව්‍යකරණය සඳහා ප‍්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 19 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ‍්‍රී ලංකාවේ එකම පුද්ගලික වාණිජ බැංකුව ද වේ.

සේයාරු සටහන : (ඉහළ) කොමර්ෂල් බැංකු ප‍්‍රධානී - පරිශ‍්‍ර, තිලක් වාකිෂ්ට මහතා (වමේ සිට දෙවැන්නා) ශ‍්‍රී ලංකා හරිත ගොඩනැගිලි කවුන්සලයේ අධ්‍යක්ෂ, ඉංජිනේරු මහේන්ද්‍ර එස්. ජයලත් මහතා වෙතින් සම්මානය ලබාගත් ආකාරය. මෙම අවස්ථාවට (වමේ සිට) හරිත ව්‍යාපෘති වෘත්තීයවේදිනී සමන්තා මානවඩු මෙනෙවිය, ශ‍්‍රී ලංකා හරිත ගොඩනැගිලි කවුන්සලයේ අධ්‍යක්ෂ, ඉංජිනේරු චන්දන දළුගොඩ මහතා සහ කොමර්ෂල් බැංකුවේ විධායක නිළධාරී - බලශක්ති සහ පාරිසරික, රවීන්ද්‍ර කඹුරවල මහතා සහභාගී විය. (පහළ) කොමර්ෂල් බැංකුවේ ත‍්‍රිකුණාමල ශාඛා ගොඩනැගිල්ල.

PropertyGuru සමූහය (NYSE: PGRU), අග්නිදිග ආසියාවේ ප්‍රමුඛතම දේපළ තාක්‍ෂණික සමාගමක් වන Kohler ඇතුළු ලොව ප්‍රමුඛ පෙළේ දේපළ වෙළෙඳාම් සමාගම්වල සහාය ඇති ව 17 වැනි වරටත් සංවිධානය කළ වාර්ෂික 'PropertyGuru Asia Property Awards' සම්මාන උළෙලෙහි අවසාන මහා තරඟයෙහි දී ආසියානු කලාපයේ  ජයග්‍රාහකයින් නිවේදනය කෙරිණි.

New World Development Company Limited, චීනය (හොංකොං සහ මකාවූ) නියෝජනය කරමින් හොඳ ම සංවර්ධකයා (ආසියාව) ට හිමි සම්මානය දිනා ගත්තේය.  Lead8 ප්‍රායෝගික සැලසුම්කරණය  සමඟින්, SKIES 11 සඳහා හොඳ ම මහා පරිමාණ මිශ්‍ර භාවිත සංවර්ධන (ආසියාව) සම්මානය ද එම සමාගමට හිමි විය.

චීනයේ මේන්ලන්ඩ් නියෝජනය කළ Lead8, නිර්මාණය කළ Shougang Park  හොඳ ම සිල්ලර වාස්තු විද්‍යාත්මක නිර්මාණයට (ආසියාව) හිමි සම්මානය ද දිනා ගැනීමට සමත් විය.  Benoy Limited විසින් CRL MixC Qianhai සඳහා හොඳ ම මිශ්‍ර භාවිත වාස්තු විද්‍යාත්මක නිර්මාණයට (ආසියාව) හිමි සම්මානය දිනාගත් අතර, Mainland China සඳහා තවත් කලාපීය ජයග්‍රහණයක් හිමි විය.

මෙවර සම්මාන උළෙලෙහි දී Aboitiz InfraCapital Economic Estates සඳහා හොඳ කර්මාන්ත සකංවර්ධකයාට (ආසියාව) හිමි සම්මානය සහ Global-Estate Resorts, Inc. (GERI) සඳහා හොඳ ම ජීවන රටා සංවර්ධකයාට (ආසියාව) හිමි සම්මානය ඇතුළුව පිලිපීනය කලාපීය ජයග්‍රහණ 7ක් ලබා ගැනීමට සමත් වූ අතර, Aboitiz InfraCapital Economic Estates සතු LIMA වතුයාය සඳහා හොඳ ම කාර්මික සංවර්ධනයට (ආසියාව) සහ හොඳ ම හරිත සංවර්ධනයට (ආසියාව) හිමි සම්මානය යන සම්මාන ද්විත්වය ම හිමි විය.

AppleOne Mactan, Inc. Sheraton Cebu Mactan Resort හි Residences සඳහා හොඳ ම සන්නාමගත නිවාස සංවර්ධකයාට (ආසියාව) ප්‍රදානය කළ සම්මානය හිමි වූ අතර,  Cebu Landmasters, Inc. Sofitel Cebu City සඳහා හොඳ ම සත්කාරක ගෘහ නිර්මාණ සැලසුමට  (ආසියාව) හිමි සම්මානය පුද කෙරිණි. එමෙන් ම Arquitectonica Mega Tower සඳහා හොඳ ම කාර්යාල ගෘහ නිර්මාණ සැලසුම් (ආසියාව) සම්මානය හිමි විය.

Frasers Property Holdings (Thailand) Co., Ltd. (FPHT) හි One Bangkok සඳහා හිමි වූ හොඳ ම බිම් සලකුණු මිශ්‍ර භාවිත සංවර්ධනයට  (Asia) ලබා දුන් සම්මානය ඇතුළුව තායිලන්තය ද  කලාපීය ජයග්‍රහණ 7තක් ලබා ගත්තේය.  Magnolia Quality Development Corporation Limited හි The Aspen Tree at The Forestias  හොඳ ම කොන්ඩො සංවර්ධනයට (ආසියාව) හිමි සම්මානය සහ හොඳ ම සෞඛ්‍ය හා සනීපාරක්ෂාවට (ආසියාව) හිමි සම්මානය යන සම්මාන දෙකෙ ම දිනා ගත් අතර, PMT Property Co., Ltd. හි  Sathorn 125  හොඳ ම හොන්ඩො අභ්‍යන්තර අලංකරණයට (ආසියාව) හිමි සම්මානය සහ හොඳ ම කොන්ඩො ගෙවතු අලංකරණයට (ආසියාව) හිමි සම්මානය දිනා ගැනීමට සමත් විය. ඊට අමතරව මෙවර සම්මාන උළෙලෙහි දී Lake Legend Bangna-Suvarnabhumi හි Hongkong Land and Property Perfect PCL හොඳ ම Best ජල මුහුණත් නිවාස / ඉඩම් සංවර්ධකයා (ආසියාව) ලෙස නම් කෙරුණු අතර, Jaytiya Property Co., Ltd හි Jaytiya 2 Private Pool Villas Residence හොඳ ම නිවාස / ඉඩම් නිර්මාණකරු (Archied Landscapal) ලෙස සම්මානයට පාත්‍ර විය.

සිංගප්පූරුව මෙවර අවසන් මහා තරගයේ දී කලාපීය ජයග්‍රහණ 6ක් ලබා ගත් අතර,  GuocoLand හොඳ ම සුඛෝපභෝගී සංවර්ධකයා (ආසියාව) සහ හොඳ ම තිරසාර සංවර්ධකයා (ආසියාව) ලෙසත්, UOL Group Limited හොඳ ම සත්කාරක සංවර්ධකයා (ආසියාව) ලෙසත් සම්මානයට පාත්‍ර විය. එමෙන් ම එහි දී UOL Group Limited Pan Pacific Orchard සඳහා හොඳ ම හෝටල් සංවර්ධකයා සඳහා  (ආසියාව) ලබා දුන් සම්මානය හිමි විය.

Shun Tak Holdings හි Park Nova විසින් හොඳ ම කොන්ඩො ගෘහ නිර්මාණ මෝස්තරයට (ආසියාව) හිමි සම්මානය දිනා ගත් අතර, සිංගප්පූරුවේ Artyzen Hospitality Group හි Artyzen  හොඳ ම සත්කාරක ගෘහ අභ්‍යන්තර නිර්මාණයට (ආසියාව) හිමි සම්මානය දිනා ගත්තේය.

එහි දී ඉන්දුනීසියාව හොඳ ම නගර සංවර්ධනයට (ආසියාව) හිමි සම්මානය ඇතුළු කලාපීය ජයග්‍රහණ 6ක් දිනා ගැනීමට සමත් විය.

මෙවර Kota Baru Parahyangan සම්මානය PT. Belaputera Intiland දිනා ගත් අතර, හොඳ ම නගර සැලසුම් නිර්මාණයට හිමි සම්මානය  Salim Group සහ Belaputera Intiland හි PIK2 Sedayu Indo City දිනා ගත්තේය.

එමෙන් ම Galeon සමූහ ව්‍යාපාරයේ සාමාජිකයෙකු වන PT Putragaya Wahana ට අයත් Thamrin Nine Complex හි Autograph Tower හොඳ ම කාර්යාල සංවර්ධකයාට (ආසියාව) හිමි සම්මානය දිනාගත් අතර, LRT City Jatibening හි KSO PT Adhi Commuter Properti Tbk. සහ PT Urban Jakarta Propertindo Tbk. විසින් හොඳ ම  සම්බන්ධතා කොන්ඩෝ සංවර්ධකයාට (ආසියාව) හිමි සම්මානය දිනා ගන්නා ලදී. PT Metropolitan Land Tbk සමාගමට අනුබද්ධිත PT Fajarputera Dinasti හි  Metland Cibitung හොඳ ම  නිවාස / ඉඩම් සංවර්ධන සම්බන්ධක (ආසියාව) සම්මානය දිනාගත් අතර, LOGOS ඉන්දුනීසියා හි LOGOS Cikarang ලොජිස්ටික් උද්‍යානය, හොඳ ම හරිත කාර්මික සංවර්ධකයා (ආසියාව)  ලෙස සම්මානයට පාත්‍ර විය.

Spacious Group දිනා ගත් හොඳ ම වෙළෙඳසැල් සංවර්ධකයාට (ආසියාව) හිමි සම්මානය ඇතුළුව ඕස්ට්‍රේලියාව කලාපීය ජයග්‍රහණ 5ක් ලබා ගැනීමට සමත් විය. එහි දී  SPG Land සිය Paradiso Place සඳහා  හොඳ ම ස්මාර්ට් ගොඩනැඟිලි සංවර්ධකයාට (ආසියාව) හිමි සම්මානය සහ නිවාස සංවර්ධනය ආශ්‍රිත හොඳ ම ඒකාබද්ධ කාර්යය (ආසියාව) ට හිමි සම්මානය යන සම්මාන දෙක ම දිනා ගැනීමට සමත් විය. Dare Property Group හි Zero Gipps  හොඳ ම පරිසර හිතකාමී වාණිජ සංවර්ධකයා (ආසියාව) ලෙසත්, Mayrin සමූහයේ The Archwood Residences  හොඳ ම නිවාස / ඉඩම් ගෘහ නිර්මාණ සැලසුම්කරු (ආසියාව) ලෙසත් සම්මාන හිමි කර ගත්හ.

වියට්නාමය Keppel Land දිනා ගත් හොඳ ම මිශ්‍ර භාවිත සංවර්ධකයාට (ආසියාව) හිමි සම්මානය  ඇතුළුව කලාපීය ජයග්‍රහණ 4ක් දිනා ගැනීමට සමත් විය. එහි දී Sycamore by CapitalLand Development (Vietnam) හොඳ ම නිවාස / ඉඩම් සංවර්ධකයා (ආසියාව) සහ හොඳ ම පරිසර හිතකාමී නිවාස / ඉඩම් සංවර්ධකයා (ආසියාව) ලෙස සම්මාන දිනූ අතර, Artisan Park හි Gamuda Land විසින් හොඳ ම සිල්ලර සංවර්ධකයා (ආසියාව) ලෙස නම් කෙරිණි.

Blue Waves සමූහයේ Greater Niseko, Andaru Collection Niseko විසින් හොඳ ම පූර්ණ කරන ලද නිවාස / ඉඩම් සංවර්ධකයාට (ආසියාව) සහ හොඳ ම නිවාස / ඉඩම් අභ්‍යන්තර සැලසුම් නිර්මාණ කරුවාට (ආසියාව) හිමි සම්මාන දෙක ම දිනා ගත් අතර, H2 සමූහයේ HakuVillas හොඳ ම සම්පූර්ණ කරන ලද කොන්ඩො සංවර්ධකයාට (ආසියාව) හිමි සම්මානය දිනා ගත්තේය.

මෙහි දී කාම්බෝජය සහ මැලේසියාව කලාපීය ජයග්‍රහණ දෙක බැගින් ලබා ගත් අතර, හොඳ ම ඉදිරි ගමන් සංවර්ධකයාට  (ආසියාව) හිමි සම්මානය Kambujaya Development Co., Ltd වෙත හිමි විය. එමෙන් ම එහි දී හොඳ ම ජලාශ්‍රිත කොන්ඩෝ සංවර්ධකයාට (ආසියාව) හිමි සම්මානය The Peninsula Capital Co., Ltd හි Vue Aston දිනා ගැනිණි. Infinity සමූහය,  Infinity8 Reserve JBCC සමඟ එක් ව හොඳ ම මිශ්‍ර භාවිත සංවර්ධකයාට (ආසියාව) සහ හොඳ ම සහ-වැඩ අවකාශයට (ආසියාව)  හිමි සම්මාන දිනා ගන්නා ලදී.

තානාපති කාර්යාලයේ ටෙක්විලේජ් - සෙන්ට්‍රල් උද්‍යානය සඳහා වූ  හොඳ ම වාණිජ භූ දර්ශන වාස්තු විද්‍යාත්මක නිර්මාණයට (ආසියාව)  හිමි සම්මානය තානාපති කාර්යාලයේ REIT දිනා ගැනීමෙන්  ඉන්දියාව ද සම්මාන ලාභී විශිෂ්ටයින් අතරට එක් විය.

එමෙන් ම Ciputra සමූහයේ ප්‍රධාන විධායක නිලධාරී සහ PT Ciputra Development Tbk හි සභාපති / අධ්‍යක්ෂ කැන්ඩ්‍රා සිපුට්‍රා, PropertyGuru Icon සම්මානයෙන් පිදුම් ලැබීය.

PropertyGuru Asia Property Awards & Events සමාගමේ සාමාන්‍යාධිකාරී ජූල්ස් කේ මහතා පැවසුවේ, “PropertyGuru Asia Property Awards අවසාන මහා තරඟයෙහි දී ජයග්‍රාහකයින්ගේ  දේපළ වෙළෙඳපොළවල  විවිධත්වය, ප්‍රගතිය සහ ඔරොත්තු දීමේ හැකියාව ඇගයීමට ලක් කෙරෙනවා.  ව්‍යාපාරික හා නේවාසික සංවර්ධනවල සිට මහා පරිමාණ ඒකාබද්ධ  ව්‍යාපෘති අගයන මෙම සම්මාන මගින් මෙම ක්ෂේත්‍රය ආශ්‍රිතව ආසියාවේ  විශිෂ්ටත්වය ඉතා හිඳින් පිළිබිඹු කරනවා.  අපගේ උත්සව අවස්ථාවන්හි දී වේදිකාවේ සමරනු ලැබුවත්, අන්තර්ජාලය හරහා ලොවට ඉදිරිපත් කළත්  මෙම සම්මානලාභීන් කලාපයේ දේපළ වෙළඳාම් ක්ෂේත්‍රය තුළ රන් අකුරින් බැබළෙනවා කිව්වොත් මා නිවැරදියි.  අපගේ කලාපීය අවසන් මහා තරඟයේ දී සම්මාන දිනා ගත් සියලු ම ජයග්‍රාහකයින් වෙත අපගේ උණුසුම් සුබ පැතුම් එක් කිරීමට කැමතියි." යනුවෙනි.

ප්‍රමුඛ පෙළේ ජාත්‍යන්තර ගිණුම්කරණ සහ උපදේශන සමාගමක් වන HLB, HLB International Real Estate Group හි පෝල් ඈෂ්බර්න් මහතාගේ නායකත්වය යටතේ, මෙම සම්මාන සඳහා ජයග්‍රාහකයින් තෝරා ගැනීම  සිදු කෙරුණු අතර, එම සමස්ත ක්‍රියාවලිය තුළ සාධාරණත්වය, විනිවිදභාවය සහ විශ්වසනීයත්වය තහවුරු වූ බව පැවසිය යුතු ම ය.

2005 වසරේ තායිලන්තයේ දී ආරම්භ වූ PropertyGuru Asia Property Awards වැඩසටහන වසර ගණනාවක් පුරා දේපළ වෙළෙඳාම්  වෙළෙඳපොළ 18 ක් පමණ ආවරණය කරයි. එහි PropertyGuru Asia Property Awards වැඩසටහන මගින් ආසියා පැසිෆික් කලාපය පුරා සිටින විශිෂ්ට දේපළ සංවර්ධකයින්, ගෘහ නිර්මාණ ශිල්පීන් සහ අභ්‍යන්තර නිර්මාණකරුවන් සඳහා ජාත්‍යන්තර වේදිකාවක් සපයා ඇත.

වැඩි විස්තර සඳහා AsiaPropertyAwards.com නිල වෙබ් අඩවියට පිවිසෙන්න.

ඩිජිටල් බැංකුකරණ සේවා පිළිබඳ සිය විශිෂ්ටත්වය නැවත වරක් සනාථ කරමින් ශ්‍රී ලංකාවේ ප‍්‍රමුඛතම පුද්ගලික අංශයේ වාණිජ බැංකුවක් වන හැටන් නැෂනල් බැංකුව SLIM DIGIS 2.2 සම්මාන උළෙලේදී Best Search Engine Optimisation/Search Engine Marketing සඳහා රන් සම්මානය සහ පළපුරුදු ඩිජිටල් අලෙවිකරණය සඳහා රිදී සම්මානය දිනා ගැනීමට පසුගියදා සමත් විය.

ශ‍්‍රී ලංකා අලෙවිකරණ ආයතනය (SLIM) මගින් පවත්වනු ලබන SLIM DIGIS සම්මාන උළෙල මගින් ශ‍්‍රී ලංකාවේ වඩාත් නවෝත්පාදන බලපෑම්කාරී සහ හොඳම අලෙවිකරණ ප‍්‍රයත්නයන් ඇගයීමට ලක් කරනු ලබයි.

මේ පිළිබඳව අදහස් දක්වමින් HNB අලෙවිකරණ ප‍්‍රධානී උපුල් අධිකාරී මහතා පැවසුවේ ‘‘තනි පුද්ගලයින් සහ ජාතියක් වශයෙන් පසුගිය වසර තුන තුළ අප සුවිශේෂී අභියෝග රැසකට මුහුණ දුන්නා. මෙම වෙනස්කම් සමඟින් පාරිභෝගික හැසිරීම ද ඉතා වැඩියෙන් වෙනස් වීමට පටන් ගත්තා. එනිසා ඩිජිටල් ක්ෂේත‍්‍රයේ මෙම විකාශනය නැවත ගණනය කිරීමට, හැදෑරීමට සහ අවබෝධ කරගැනීමට අපට පියවරක් පසුපසට ගැනීමට සිදු වුනාx පසුගිය වසර පුරා අපගේ උපායමාර්ගය වූයේ අපගේ වේදිකාවන් වෙත අවධානය යොමු කර ඇති ගෙවීමකින් තොරව සෙවුම් ප‍්‍රතිඵලවල ප‍්‍රතිඵලයක් ලෙස වෙබ් අඩවියට ඇතුළු වන අමුත්තන් (organic traffic) උපරිම ලෙස ප‍්‍රයෝජනයට ගැනීම සඳහා නිවැරදි පණිවිඩ සමඟින් නිසි ස්ථානයේ සිටීම වූ අතර SLIM DIGIS 2.2 හිදී මෙම ප‍්‍රයත්නයන් තුළ පිළිගැනීමට ලක් වීම ගැන අප ඉතා සතුටු වනවා.’’ යනුවෙනි.

බැංකුවේ ‘Maximising Organic Traffic’ ඩිජිටල් අලෙවිකරණ වැඩසටහන සඳහා හොඳම Best SEO/SEM වැඩසටහනට හිමි රන් සම්මානය දිනා ගැනීමට HNB සමත් විය. මෙම කාණ්ඩය යටතේ ඩිජිටල් අලෙවිකරණ සහ search engine optimisation යන අංග වලින් පරිපූර්ණ වූ search campaigns සිදුකිරීමට ඇති හැකියාව මත HNB ඇගයීමට ලක් විය.

HNB හි SOLO ඩිජිටල් යෙදවුම සමඟින් SOLO Pola සහ සහ SOLO Podi Podi Business වැනි HNB හි ඩිජිටල් නවෝත්පාදනයන් පිළිබඳව පාරිභෝගිකයින් දැනුවත් කිරීම සහ සම්බන්ධ කර ගැනීම සඳහා වන අලෙවිකරණ වැඩසටහන් සඳහා එහි පළපුරුදු ඩිජිටල් අලෙවිකරණ ප‍්‍රවේශය වෙනුවෙන් බැංකුවට රිදී සම්මානයක් ද හිමි විය.

Image Caption : HNB අලෙවිකරණ ප‍්‍රධානී උපුල් අධිකාරී මහතා (දකුණේ සිට පස්වැනියා) සමඟින් ඩිජිටල් අලෙවිකරණ කණ්ඩායම සහ නියෝජිතායතනය වන (Group M) සම්මාන උළෙලේදී.

අමානා තකාෆුල් රක්ෂණ සමාගම විසින් 2022 වර්ෂයේ තුන්වන කාර්තුව සඳහා වන මූල්‍ය වර්තා ප්‍රකාශයට පත් කිරීමත් සමඟ 2021 වසරේ සිට අඛණ්ඩව 7වන කාර්තුවටත් ශ්‍රී ලංකාවේ වේගයෙන්ම වර්ධනය වන රක්ෂණ සමාගම බවට පත්වෙමින් සිය ස්ථාවරත්වය නැවත වරක් තහවුරු කිරීමට සමත්ව ඇත. අමානා කකාෆුල් සමාගම විසින් මෙම තුන්වන කාර්තුව තුළ 46%ක ආදායම් වර්ධනයක් වාරතා කර ඇති අතර, ආයතනයේ 2022 වර්ෂය සඳහා වන මුළු ආදායම රු. බිලියන 2.547ක් දක්වා වර්ධනය වී ඇත.

අමානා තකාෆුල් සමාගමේ පසුගිය වසර කීපය තුළ තුන්වන කාර්තුවේ වර්ධනය සම්බන්ධයෙන් සැසඳීමේදී සහ විශ්ලේෂණය කිරීමේදී වේගවත් වර්ධනයක් අත්කර ගැනීමට සමත්ව ඇති අතර, 2020 ට සාපේක්ෂව 2021 වසරේ තුන්වන කාර්තුවේ 26%ක වර්ධනයක්, 2021 වසර සාපේක්ෂව 2022 වසරේ තුන්වන කාර්තුවේදී 46%ක වර්ධනයක් අත්කර ගැනීමට සමත්ව ඇත. මෙයින් පෙන්නුම් කරණ කරුණක් වන්නේ අමානා තකාෆුල් ඉන්ෂුවරන්ස් සමාගම ගෙවුනු වසර දෙකක කාලය තුළ 72%ක අති විශිෂ්ට සමුච්චිත වර්ධනයක් හිමිකර ගැනීමට සමත්ව ඇති බවයි.

මෙම සමාගමේ මූල්‍ය කාර්යසාධනය සම්බන්ධයෙන් ප්‍රධාන විධායක නිලධාරි ෂෙහාන් ෆයිසාල් මහතා මෙසේ අදහස් දැක්වීය. '' සමාගමක් විදිහට අපි අපගේ කොටස් හිමියන්, පාරිභෝගිකයන් සහ කාර්යමණ්ඩල සමාජිකයන් ඇතුළු අපගේ සියලුම පාර්ශ්වකරුවන්ට සුවිශේෂ සම වටිනාකමක් ලබාදීමට කටයුතු කළ අතර, එම පොරොන්දුව අඛණ්ඩව පවත්වාගැනීමටත් සමත්වුනා. ඒ වගේම සමාගමක් විදිහට අපි ශ්‍රී ලාංකේය රක්ෂණ ක්ෂේත්‍රයේ ඉහළම තේරීම් අතර ස්ථානගත කිරීම වෙනුවෙන් සේවා සැපයීම් සහ ව්‍යාපාරික ක්‍රියාවලීන් එක්බද්ධ කරනු ලැබූ ඵලදායී උපායමාර්ගික සැළසුම් ක්‍රියාත්මක කිරිමටත් සමත් වී සිටිනවා. අපේ මේ ජනතා හිතවාදී ප්‍රවේශය ඔස්සේ ක්‍රියතාමක කළ ව්‍යාපාරික ආකෘතීන් සාර්ථක ප්‍රතිඵල අප පසුගිය වසර දෙක තුළ ඉහළ සාර්ථකත්වයක් අත්රකරගත් අතර, එය වර්ධණීය අනුපාත වලින් මැනවින් පෙන්නුම් කරනවා. මෙය අමානා තකාෆුල් රක්ෂණ සමාගම  විදිහට සියලුම ශ්‍රී ලාංකීකයන් සහ අපගේ ගනුදෙනුකරුවන් හට ධනාත්මක ප්‍රතිචාර දැක්වීමක් විදිහටයි මම දකින්නේ."

අමානා තකාෆුල් හි ආයතනික උපායමර්ග ප්‍රධානි රජිත ඔබේසේකර අදහස් දක්වමින් ප්‍රකාශ කලේ, ''කෙටි කාලීන හා මධ්‍ය කාලීනව අඛණ්ඩව තිරසාර වූ අතිවිශිෂ්ට වර්ධනය වේගයක් ලබා දීම අපේ ජයග්‍රාහී උපායාමාර්ය යි. ඒ වගේම 2023 වසරෙදි වර්ධනයට සහාය වෙමින් අපේ මේ ප්‍රවේශයන් තවදුරටත් පුළුල් කිරීමට අවධානය යොමු කරමින් ඒ සඳහා වන නව ක්‍රියාමාර්ගයන් මේ වන විටත් අප සැළසුම් කර තිබෙනවා. විශේෂයෙන් අපේ විවෘත දැක්ම සහ පොරොන්දුවූ පිරිදි නියමිත වේලාවට හිමිකම් ගෙවීම්, පහසු සහ විනිවිදභාවයක් සහිත ප්‍රතිපත්ති ඔස්සේ අපගේ ගනුදෙනුකරුවන් සහ ව්‍යාපාර සඳහා ප්‍රතිලාභ රැසක් ලබාදීමට අපට හැකිවී තිබෙනවා. විශේෂයෙන් අපව විශ්වාස කරමින් අපත් සමඟ එක්වූ සියලුම් ගනුදෙනුකරුවන්ට ස්තුතිය පුද කිරීමට මෙය අවස්ථාවක් කර ගන්නවා වගේම, අපේ ජනතා හිතවාදී මෙම නව ව්‍යාපාරික සැළසුමත් එක්ක එක්වන ලෙස සියලුම ශ්‍රී ලාංකිකයන් වෙත ආරාධනා කර සිටිනවා."

ශ‍්‍රී ලංකාවේ ජීවිත රක්‍ෂණ ක්ෂේත‍්‍රයේ සේවා විශිෂ්ඨතාවය සඳහා ප‍්‍රථම ස්ථානය හිමිකර ගැනීමට සෙලින්කෝ ලයිෆ් සමාගම සමත් වී ඇත. ව්‍යාපාරයේ විවිධ අංශවලට අදාළව ගනුදෙනුකරුවන්ගේ තෘප්තිමත් මට්ටම් සොයා බැලීම සඳහා, ශ‍්‍රී ලංකාවේ පුරෝගාමී ව්‍යාපාරික ප‍්‍රකාශනයක් වන LMD ව්‍යාපාරික සගරාව විසින් පවත්වන ලද පුළුල් අන්තර්ජාල සමීක්‍ෂණයකට පසුව මෙම ගෞරවය සමාගමට හිමිවිය.

ජීවිත රක්‍ෂණ ප‍්‍රමුඛයා ලෙසට සිය කාණ්ඩයේ පාරිභෝගික සේවා සඳහා, වඩාත්ම ජනප‍්‍රිය ආයතනය ලෙසට සෙලින්කෝ ලයිෆ් නොකඩවා දෙවැනි වසරටත් මෙසේ මනාපයට පත්විය. මෙම සමීක්‍ෂණයේදී සේවා අංශ 22ක් පිළිබඳව 2,800කට අධික ප‍්‍රතිචාර ලබා ගන්නා ලදී.

එම අදාල කාණ්ඩයෙහි අංක : 01 ස්ථානය ලබා ගැනීම පිළිබඳව අදහස් දක්වමින් සෙලින්කෝ ලයිෆ් සමාගමේ සාමාන්‍යාධිකාරී - අලෙවිකරණ, සමිත හේමචන්ද්‍ර මහතා මෙසේ ප‍්‍රකාශ කළේය. ”සෙලින්කෝ ලයිෆ් සිය ගනුදෙනුකරුවන්ට පුද්ගලාරෝපිත සත්කාර ලබා දීම සඳහා අමතර කැපකිරීමක් සිදුකර තිබෙනවා. මේ නිසා වසංගතය ඇතිවුණු සමයේ බාධාවන් මැඩපැවැත්වීම සඳහා සමාගම සිය පාරිභෝගික සේවාවන් ඩිජිටල් වේදිකාවක් මතටද ගෙන එනු ලැබුවා. එසේම පාරිභෝගිකයන්ගේ ස්ථාවරත්වය සහතික කිරීම උදෙසා අනෙකුත් බහුවිධ ක‍්‍රියාවලීන් කෙරෙහිද පරිවර්තනයන් සිදුකරනු ලැබුවා. අපගේ ගනුදෙනුකරුවන්ට ඔවුන්ගේ රක්‍ෂණ ඔප්පු පවත්වාගෙන යෑම සඳහා සහ ජීවිතය පහසු කිරීම උදෙසාද තාක්‍ෂණය පදනම් කරගත් විසඳුම් ලබාදෙන ලදී. මෙවැනි ප‍්‍රයත්න නිසා පාරිභෝගික විශිෂ්ටතා සමීක්‍ෂණයේදී ඉහළම ජීවිත රක්‍ෂණ සපයන්නා ලෙසට අපගේ සමාගම ස්ථානගත කරනු ලැබුවා.”

සෙලින්කෝ ලයිෆ් විසින් තම රක්‍ෂණ ඔප්පුවක ජීවන චක‍්‍රය පුරාවටම සියලූම පාරිභෝගික අභිප‍්‍රායන් ආවරණය කිරීම සඳහා අභ්‍යන්තර හා බාහිර සමීක්‍ෂණ පවත්වනු ලබයි. සමාගම සියලූ කටයුතු සිදු කරනු ලබන්නේ ශ‍්‍රී ලංකා රක්‍ෂණ නියාමන කොමිෂන් සභාව විසින් නියම කර ඇති මාර්ගෝපදේශයන්ට අනුකූලවය. ඔප්පු හිමියන් තෘප්තිමත් කිරීමට මෙන්ම, ගුණාත්මක ප‍්‍රමිතීන් ඉහළ නැංවීම උදෙසා අඛණ්ඩ වැඩිදියුණු කිරීම් සිදු කිරීමටද, සමාගම සිය පාරිභෝගික සම්බන්ධතා කළමනාකරණ වේදිකාව (CRM) භාවිත කරනු ලබයි. එසේම දිවයිනේ  ඕනෑම බැංකුවක මුදල් තැන්පතු යන්ත‍්‍ර, විකුණුම් ස්ථාන, සුපිරි වෙළෙඳසල් සහ ATM යන්ත‍්‍ර වැනි බහුවිධ ගෙවීම් මාර්ග ගනුදෙනුකරුවන්ගේ පහසුව වැඩි කරන අතර, සන්නාමයේ ප‍්‍රවේශය පුළුල් කරන බව සමාගම ප‍්‍රකාශ කර සිටියි.

මීට අමතරව ‘සේලයිෆ්’ පාරිභෝගික ඩිජිටල් යෙදුම (Ceylife Digital App) හරහා පාරිභෝගිකයන්ට සේවා ඉල්ලීමට, වාරික ගෙවීම් කිරීමට හෝ ලෝකයේ  ඕනෑම තැනක සිට දවසේ පැය 24 පුරා විමසීම් කිරීමටද හැකියාව ලබාදෙයි.

සක‍්‍රීය රක්ෂණ ඔප්පු මගින් ජීවිත ලක්ෂ 10 කට ආසන්න ගණනක් ආවරණය කරන සෙලින්කෝ ලයිෆ් සමාගම ඔප්පුහිමියන්ගේ ජීවිත සහ ඔවුන්ගේ අරමුණු වලට ඇති අවදානම අවම කරන සහ ආරක්ෂාව ලබා දෙන නව්‍ය රක්ෂණ විසඳුම් සම්පාදනය කරයි.

ලින්ක් නැචුරල් ශ්‍රී ලාංකීය ක්‍රීඩා ක්ෂේත්‍රයට දක්වන දායකත්වය තව දුරටත් පෙන්නුම් කරමින් ලින්ක් සමහන් SP බාම්, මේ දිනවල පැවැත්වෙන ඇපරල් ප්‍රිමියර් ලීග් තරඟාවලියේ (APL) 'නිල සෞඛ්‍ය අනුග්‍රාහක ' ලෙසින් කටයුතු කරයි.

Apparel FM සහ ශ්‍රී ලංකා ඒකාබද්ධ ඇඟලුම් සංගම් සංසදය (JAAF) එක්ව සංවිධානය කරන ඇපරල් ප්‍රිමියර් ලීග් තරගාවලිය, ශ්‍රී ලංකාවේ ඇඟලුම් ක්ෂේත්‍රය තුළ ක්‍රීඩා දක්ෂතා දක්වන පිරිස ඉලක්ක කර ගනිමින් පැවැත්වෙන පළමු සැහැල්ලු පන්දු ක්‍රිකට් තරගාවලියයි. ඇඟලුම් ක්ෂේත්‍රයේ ශ්‍රම බලකාය සතු ක්‍රීඩා කුසලතා ප්‍රදර්ශනය කිරීම මෙන්ම, රටට විදේශ විනිමය ගෙන එමින් සුවිශාල කාර්යභාරයක් ඉටු කරන ශ්‍රම බලකායක් ලෙස ඔවුන්ට නිසි ඇගයීමක් ලබාදීම අරමුණු කරමින් එය පැවැත්වේ. මේ දිනවල කුරුණෑගල, අවිස්සාවේල්ල, කටුනායක සහ ගාල්ල යන නගර කේන්ද්‍ර කර ගනිමින් තරගාවලිය පැවැත්වෙන අතර, ශූරතාව දිනා ගැනීම සඳහා කණ්ඩායම් 64ක් තරඟ වදිති.

APL තරගාවලිය සඳහා 'නිල සෞඛ්‍ය අනුග්‍රාහක ' ලෙස දායක වෙමින්, ලින්ක් නැචුරල් කණ්ඩායම ක්‍රීඩකයන්ගේ ප්‍රතිශක්තිය ඉහළ නංවන පානයක් ලෙසින්  ලින්ක් සමහන් ලබා දුන් අතර, ඔවුන්ගේ වෙහෙස හා වේදනාවන් සමනය කිරීමට ඉවහල් වන  ලින්ක් සමහන් SP බාම් ගල්වා විඩාවට හා වේදනාවට පත් සිරුරු සම්භාහනය කරනු ලැබිණි. ලින්ක් සමහන් SP බාම්, කැක්කුම්  සහ වේදනාවන් සඳහා ආරක්ෂිත සහ ක්ෂණික සහනයක් අත්කර දෙන ඖෂධීය බාම් වර්ගයක් වන අතර, ඖෂධීය ශාකමය ඖෂධ  වර්ග 6ක් සහ ශාකමය වාෂ්පශීලී තෙල් වර්ග 9ක් යොදා එය නිපදවා තිබේ. ගුණාත්මක තත්ත්වයෙන් ඉහළ ඖෂධීය නිෂ්පාදනයක් වන ලින්ක් සමහන් SP බාම්, නවීන විද්‍යාව හා තාක්ෂණය උපයෝගී කර ගනිමින් එහි කාර්යක්ෂමතාව ඉහළ නැංවීම සඳහා විශේෂයෙන් සකස් කර තිබේ. හිසරදය, කොන්දේ වේදනාව, බෙල්ලේ සහ උරහිසේ වේදනාව, ඔසප් වේදනාව, උළුක්කුව සහ තැලීම් මෙන්ම, සෙම්ප්‍රතිශ්‍යාව සහ නාසයේ අවහිරතාව ආදී වශයෙන් ඕනෑම අයකුට එදිනෙදා මතුවන ශාරීරික අපහසුතා සඳහා ලින්ක් සමහන් SP බාම් භාවිතා කළ හැකිය.

තරගාවලිය පිළිබඳව අදහස් දක්වමින් ලින්ක් නැචුරල් ප්‍රඩක්ට්ස් පුද්ගලික සමාගමේ අලෙවි ප්‍රධානී රොමේරෝ ලින්ඩන් ප්‍රකාශ කළේ මෙවැන්නකි. “ඇඟලුම් ක්ෂේත්‍රය කියන්නේ, අපේ රටේ ලක්ෂ සංඛ්‍යාත තරුණ පිරිසකට රැකියා ලබා දෙමින් රටට විශාල විදේශ විනිමය ප්‍රමාණයක් ගෙන එන කර්මාන්තයක්. මෙම සුවිශේෂී ක්‍රිකට් තරගාවලිය මගින් ඔවුන්ගේ ක්‍රිකට් දක්ෂතා ප්‍රදර්ශනය කිරීමටත් ඒවාට නිසි පිළිගැනීමක් ලබා දීමටත් හැකියාව සැලසෙනවා. ඒ වගේම එය ක්‍රීඩකයින්ට තම ආයතනවලට කීර්තියක් ගෙන දීමටත් ලැබෙන මා හැඟි අවස්ථාවක්. සෞඛ්‍ය සම්පන්න, ක්‍රියාශීලී ජීවන රටාවක් සඳහා සවිබල ගන්වන, ජාත්‍යන්තර ප්‍රමිතියෙන් යුතු නිෂ්පාදන නිපදවා අලෙවි කරන සමාගමක් වශයෙන්, එවැනි කැපී පෙනෙන තරගාවලියකට සහය දැක්වීම ඉතාමත් වැදගත්. ඒ වගේම සෞඛ්‍ය සම්පන්න, වේදනා රහිත ක්‍රීඩාශීලී දිවියකට ලින්ක් සමහන් SP බාම් ඉවහල් වන ආකාරය පිළිබඳව ක්‍රීඩකයින් පමණක් නොව, ප්‍රේක්ෂකයන් පවා අවබෝධයක් ලබා ගැනීම වැදගත් යැයි අප විශ්වාස කරනවා.”

ලින්ක් නැචුරල් ආයතනය, සමහන් ඇතුළු බොහෝ නිෂ්පාදන ලොව පුරා රටවල් ගණනාවකට අපනයනය කරන ප්‍රමුඛතම දේශීය සමාගමකි. පාරම්පරික ආයුර්වේද දැනුම, විද්‍යාත්මක ක්‍රමවේද සහ අති නවීන තාක්‍ෂණය මුසු කර වඩාත් සෞඛ්‍ය සම්පන්න, දිගු හා ක්‍රියාශීලී ජීවිතයක් ගත කිරීමට හැකි වන පරිදි කාර්යක්ෂම සහ උසස් තත්ත්වයේ සෞඛ්‍යාරක්ෂිත නිෂ්පාදන පාරිභෝගිකයින් හට ලබා දීමේ උදාර දැක්ම සහිතව ලින්ක් නැචුරල්  කටයුතු කරයි. ලින්ක් සමහන් SP බාම්, නවීනතම ලින්ක් නැචුරල් පර්යේෂණ හා සංවර්ධන මධ්‍යස්ථානයේ පර්යේෂණවලින් අනතුරුව වෙළෙඳ පොළට නිකුත් කරන සමාගමේ තවත් සුවිශේෂී නිෂ්පාදනයකි. වර්තමාන පාරිභෝගිකයින්ගේ ජීවන රටාවට ගැලපෙන, පහසුවෙන් භාවිතයට ගත හැකි අයුරින් 3g,7g,20g සහ 50g ප්‍රමාණවලින් ඇසුරුම් කර එය වෙළෙඳ පොළට නිකුත් කර තිබේ.

පසුගිය 2022 දෙසැම්බර් මාසයේ දී ශ්‍රී ලංකාවට පැමිණ ඇති සංචාරකයින් ප්‍රමාණය 91,961 ක් බව ශ්‍රී ලංකා සංචාරක සංවර්ධන අධිකාරිය සඳහන් කරයි.

අධිකාරියේ නවතම දත්තවලට අනුව 2022 වසර තුළ මෙරටට පැමිණ ඇති සමස්ත සංචාරකයින් ප්‍රමාණය 719,978 ක් වේ.

2022 දෙසැම්බර් මාසය තුළ දී රුසියාවෙන් 19,963 ක සංචාරකයින් සංඛ්‍යාවක් ශ්‍රී ලංකාවට පැමිණ ඇති අතර එම ප්‍රමාණය ශ්‍රී ලංකාවට 2022 වසර තුළ දී හත් ලක්ෂයක සංචාරක ඉලක්කයක් සපුරා ගැනීමට බෙහෙවින් ඉවහල් වී තිබේ.

මීට අමතරව දෙසැම්බර් මාසය තුල දී වැඩිම සංචාරකයින් ප්‍රමාණයක් පැමිණ ඇත්තේ අසල්වැසි ඉන්දියාවෙනි. එම සංඛ්‍යාව 17,350 ක් වේ.

2022 සමස්ත වර්ෂය සැලකීමේ දී වැඩිම සංචාරකයින් ප්‍රමාණයක් පැමිණ ඇත්තේ ද ඉන්දියාවෙන් වන අතර එය 123,004 ක් වේ. එය වසර තුළ පැමිණ ඇති සමස්ත සංචාරක ප්‍රමාණයෙන් 17% කි.

මෙරට ආර්ථිකයේ තීරණාත්මක වසරක් වූ 2023 වසරේ රට වෙනුවෙන් වූ වගකීම් කිසිවෙකුට පැහැර හැරිය නොහැකි බව පැවසූ ජනාධිපති රනිල් වික්‍රමසිංහ මහතා සමෘද්ධිමත් ශ්‍රී ලංකාවක් වෙනුවෙන් නව වසරේ එක්ව කැපවෙමු යැයි සමස්ත රාජ්‍ය සේවකයින්ට ආරාධනා කළේය.

ජනාධිපතිවරයා මේ බව සඳහන් කළේ 2023 නව වසරේ ජනාධිපති කාර්යාලයේ කාර්ය මණ්ඩලය රාජකාරි ආරම්භ කිරීමේ අවස්ථාවට අද (02) පෙරවරුවේ එක් වෙමිනි.

නව වසරේ රාජකාරි ආරම්භ කිරීම සනිටුහන් කරමින් ජනාධිපති රනිල් වික්‍රමසිංහ මහතා විසින් ජාතික ධජය එසවීමෙන් පසු සියලු කාර්ය මණ්ඩලය එක්ව රාජ්‍ය සේවා ප්‍රතිඥාව ලබා දුන්හ.

නව වසර වෙනුවෙන් සිය කාර්ය මණ්ඩලයට සුබ පැතූ ජනාධිපතිවරයා ඔවුන් සමඟ තේ පැන් සංග්‍රහයකට ද එක් විය.

මෙහිදී වැඩිදුරටත් අදහස් දැක්වූ ජනාධිපති රනිල් වික්‍රමසිංහ මහතා

සියලුදෙනාටම සුබ නව වසරක් වේවා ! කියා මම ප්‍රාර්ථනා කරනවා.

මාස පහ හමාරක‍ට පෙර මේ කාර්යාලයේ සිට අපි ඓතිහාසික වැඩකොටසක් භාරගත්තා. ආණ්ඩු පාලනය කඩා වැටුණු අවස්ථාවකදී, ආර්ථිකය කඩා වැටුණු අවස්ථාවකදී රට තුළ සාමාන්‍ය තත්ත්වයක් ඇතිකරන්න අපි ඒ මාස පහ හමාර තුළදී පියවර ගත්තා. අපේ ආර්ථික ප්‍රශ්න සියල්ලම විසඳී නැහැ. නමුත් අද ඉන්ධන, ගෑස්, ආහාර ද්‍රව්‍ය, පොහොර අවශ්‍ය පරිදි ලබාදීමට අපට හැකියාව ලැබී තිබෙනවා.

එම කටයුතු සඳහා මේ මාස පහ හමාර තුළ ඔබ සියලුදෙනා ලබාදුන් සහායට පළමුව මම මගේ ස්තූතිය පළ කරනවා. අපේ මෙම වැඩසටහන මෙතනින් අවසන් වී නැහැ. එහි වැදගත්ම වසර වන්නේ මෙම 2023 වසරයි. අපේ රට ණය බරින් නිදහස් කර ගනිමින් ණය ප්‍රතිව්‍යුහගතකරණ වැඩසටහන ක්‍රියාත්මක කර අප ඉදිරියට යා යුතු වෙනවා.

ඒ වගේම අපි නව ලෝකය සමග තරඟකළ හැකි ආර්ථිකයක් ගොඩනැඟිය යුතුව තිබෙනවා. මේ රටේ දේශපාලන ක්‍රමවේදයේ වෙනසක් අවශ්‍යයි යන්න බහුතරයගේ මතයයි. මේ කරුණු දෙකම අප විසින් ඉටුකළ යුතුව තිබෙනවා.

ඒ වගේම අද තිබෙන දේශපාලන ක්‍රමයේ ගැටලු විසඳිය හැකි නව ක්‍රමවේදයක් අප ඉදිරිපත් කළ යුතුව තිබෙනවා. මෙහිදී පසුගිය වසරට වඩා අප සියලුදෙනා සාමුහිකව එක්විය යුතුයි.

අපි මේ ආණ්ඩුව දෙස බලන්නේ එක් යාන්ත්‍රණයක් ලෙස. මෙය අමාත්‍යාංශ අනුව වැඩසටහන් ගනණාවකට බෙදි නැහැ. එක් යාන්ත්‍රණයක අනු කොටස් ලෙසයි සියල්ල ක්‍රියාත්මක වන්නේ. ඒ නිසා කිසිවෙක් අතර තරඟකාරිත්වයක්, කඹ ඇදිල්ලක් සිදුවිය නොහැකි වගේම තමන්ගේ වගකිම් සීමා කළ නොහැකියි. ඔබ සියලුදෙනා රටේ මුලික ප්‍රතිපත්ති මාලාව ක්‍රියාත්මක කිරීමට බැඳි සිටිය යුතුයි. එම වැඩපිළිවෙළේදි කේන්ද්‍රස්ථානය වන්නේ මෙම ජනාධිපති කාර්යාලය, ඒ වගේම කැබිනට් කාර්යාලය සහ අග්‍රාමාත්‍ය කාර්යාලය. මෙම ආයතනවලින් තමයි මේ කටයුතු ඉදිරියට ක්‍රියාත්මක කෙරෙන්නේ.

තමන්ගේ වැඩකටයුතු දව‍සේ පැය 08කට සීමා වන්නේ නැහැ. ඒ වගේම සතියේ දවස් 05කට සිමා වන්නේ නැහැ. අපි සියලුදෙනා කැපවී වැඩ කරමු. 2023 අවසන් වනවිට මේ රටේ සාමාන්‍ය තත්ත්වයක් ඇති කරමින් ඔබ සියලුදෙනාගේ සහය ඇතිව මේ රට ඉදිරියට ගෙන යාමට මම බලාපොරොත්තු වෙනවා.

පාර්ලිමේන්තු මන්ත්‍රී වජිර අබේවර්ධන, ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක, ජනාධිපති ලේකම් සමන් ඒකනායක යන මහත්වරු සහ ජනාධිපති කාර්යාලයේ ජ්‍යෙෂ්ඨ නිලධාරීහු ද, සියලු කාර්ය මණ්ඩල සාමාජික සාමාජිකාවන් මෙම අවස්ථාවට එක්ව සිටියහ.