Top News
දින 6ක දැවැන්ත වර්ධනයකින් පසු කොටස් වෙළෙඳපොළේ පසුබැස්මක්
කොළඹ කොටස් වෙළෙඳපොළ මිල දර්ශකවල සුළු පසුබැස්මක් අද (11) දිනයේ දී වාර්තා විය.
එහිදී සියලු කොටස් මිල දර්ශකය ඒකක 22,032.93ක් දක්වා ඒකක 90.46ක හෙවත් 0.41%කින් පහළ ගිය අතර S&P SL20 දර්ශකය ඒකක 6,349.00ක් දක්වා ඒකක 19.12ක් හෙවත් 0.30%කින් පහළ යන ලදී.
අද දින සියලු කොටස් මිල දර්ශකයේ මෙලෙස පහළ යාමක් වාර්තා වූයේ අඛණ්ඩ දින 6ක වර්ධනාත්මක කාලපරිච්ඡේදයකින් පසුව වීම විශේෂත්වයකි.
පසුගිය දින 6 පුරාවට සියලු කොටස් මිල දර්ශකය ඒකක 20,092.26 සිට ඒකක22,155.34ක් දක්වා ඒකක 2,063.08ක දැවැන්ත වර්ධනයක් අත්පත් කරගැනීමට සමත්විය. මෙය දින 6ක් වැනි කෙටි කාලපරිච්ඡේදයක් තුළ අත්පත් කර ගනු ලැබූ 10.26%ක සුවිශේෂී කාර්යසාධනයකි.
මේ අතර අද දින දෛනික පිරිවැටුම රු. බිලියන 4.81ක් ලෙසින් වාර්තා වී තිබුණි.
