
කොළඹ කොටස් වෙළෙඳපොළ මිල දර්ශකවල කැපීපෙනෙන පහළ යාමක් අද (16) දිනයේ දී වාර්තා විය. එහිදී ප්රධාන මිල දර්ශකය වන සියලු කොටස් මිල දර්ශකය ඒකක 291.81ක පහළ යාමක් වාර්තා කළ අතර දිනයේ ගනුදෙනු අවසානයේ දී එය ඒකක 21,732.37ක් ලෙසින් සටහන් වුණි.
කෙසේවෙතත් මිල දර්ශකවල කඩාවැටීමක් මධ්යයේ වුවද අද (16) දිනයේ දී රු. බිලියන 10.47ක දැවැන්ත පිරිවැටුමක් වාර්තා වී තිබීම විශේෂත්වයකි.
ඒ සඳහා සමාගම් දෙකක කොටස් ගනුදෙනු ප්රධාන වශයෙන් දායක වී තිබුණු අතර එහිදී අද දිනය තුළ කාගිල්ස් (සිලෝන්) සමාගමේ කොටස් ගනුදෙනු හරහා රු. බිලියන 4.45ක පිරිවැටුමක් සහ CONVENIENCE FOODS LANKA PLC සමාගමේ කොටස් ගනුදෙනු හරහා රු. බිලියන 3.98ක පිරිවැටුමක් වාර්තා වී තිබුණි.



















