මෙරට ‌ප්‍රමුඛතම පෝසිලේන් පිඟන් භාණ්ඩ නිෂ්පාදන සමාගමක් වන දංකොටුව පෝසිලේන් හි බහුතර කොටස් අයිතිය අද (13) පෙරවරුවේ දී විකුණා දමන ලදී.

ඒ අනුව දංකොටුව පෝසිලේන් හි මවු සමාගම වන ඇම්බියන් හෝල්ඩිංග්ස් පීඑල්සී විසින් තමන් සතුව තිබූ 72.51%ක් වූ දංක‌ොටුව පෝසිලේන් සමාගමේ කොටස් හිමිකාරීත්වයෙන් 50.1% ක ප්‍රමාණයක් අද දින අලෙවි කරනු ලැබීය.

මෙලෙස හුවමාරු වූ කොටස් ප්‍රමාණය කොටස් මිලියන 81.43 ක් වන අතර එහිදී එක් කොටසක ගනුදෙනු මිල සටහන් වූයේ රු. 28.30 ක් ලෙසිනි.

ඒ අනුව මෙම ගනුදෙනුවේ සම්පූර්ණ වටිනාකම රු. බිලියන 2.30 ක් හෙවත් රු. කෝටි 230 කි.

ආයෝජන සමාගමක් වන Ceyline Investments (Private) Limited විසින් මෙම කොටස් මිල දී ගැනීම සිදුකර ඇත.