අමාත්‍යවරයා මේ බව පැවසුවේ පසුගිය දා කොළඹ බණ්ඩාරනායක ජාත්‍යන්තර අනුස්මරණ ශාලාවේ පැවති “Construction Expo” ඉදිකිරීම් මහා ප්‍රදර්ශනය විවෘත කිරීමේ අවස්ථාවට ප්‍රධාන ආරාධිත අමුත්තා ලෙස සහභාගී වෙමිනි.
මෙහිදී වැඩි දුරටත් අදහස් දක්වමින් කතා කළ අමාත්‍යවරයා මෙසේද පැවසීය.
“මෙම Construction Expo මහා ප්‍රදර්ශනය ඉදිකිරීම් ක්‍ෂේත්‍රයේ අත්‍යවශ්‍යය ප්‍රවර්ධන කටයුතුවලට හා අනෙකුත් භාණ්ඩ හා සේවා සඳහා ඉතාමත් ප්‍රයෝජනවත් වෙනවා. මෙහි විශේෂත්වය වන්නේ මෙම ප්‍රදර්ශන භූමිය තුළම චීනයේ හා ඉන්දියාවේ ඉදිකිරීම් නිෂ්පාදන හා සේවා ආශ්‍රිත ප්‍රදර්ශන කලාප 02 ක් පැවතීමයි. මෙහිදී අපේ ඉදිකිරීම්කරුවන්ට චීනය හා ඉන්දියාව සමඟ හවුල් ව්‍යාපාර හා ආයෝජන අවස්ථා ඇති කර ගැනීම සඳහා ද්වීපාර්ශවික සාකච්ඡා ඇරඹීමටත් හේතු වෙනවා. ඒ වගේම හත්වන (07) වරට පැවැත්වෙන මෙම ඉදිකිරීම් එක්ස් ෆෝ ප්‍රදර්ශනයේ තේමාව වන්නේ “හරිත ඉදිකිරීම්” හෙවත් “Green Building” යන්නයි. ඒ අනුව අපගේ අනාගත ඉදිකිරීම් සියල්ලම පරිසර හිතකාමී හරිත ඉදිකිරීම් ක්‍ෂේත්‍රයකට යොමු කිරීමේ වගකීම ඉදිකිරීම්කරුවන්ට පැවරී තිබෙනවා. ඒ වගේම අපේ ඉදිකිරීම් ක්‍ෂේත්‍රය සඳහා නිපුණ ශිල්පීන්ගේ සහභාගීත්වය ඉතා වැදගත් වෙනවා. එවිට ඉහළ ප්‍රමිතියෙන් යුත් ගුණාත්මක නිපැයුම් කිරීමට හේතු වෙනවා. මෙම ප්‍රදර්ශනය මඟින් අපි අපගේ දැනුම ප්‍රවර්ධනය කර ගැනීමත්, නවීන තාක්ෂණය ශිල්පීය ක්‍ෂේත්‍රයට ඇතුළත් කර ගැනිමත් ඉතා වැදගත් වෙනවා.” යැයි පැවසීය.
මෙහිදී අදහස් දක්වමින් කතා කළ චීනයේ ලියෝනිංග් ප්‍රාන්ථයේ වාණිජ දෙපාර්තමේන්තු ප්‍රධානී ක්‍යු වැංලියංග් (Kyu Wanliang) මහතා මෙසේ පැවසීය.
“ශ්‍රී ලංකාව චීනයේ ඉතා වැදගත් වෙළෙඳ හවුල්කරුවෙකු වෙනවා. ශ්‍රී ලංකාවෙ චීනයේ “එක තීරයක් එක මාවතක්” සංකල්පය යටතේ හොඳ වෙළෙඳ සන්ධිස්ථානයක් වෙනවා. ඒ අනුව මෙම වර්ෂයේ පළමු මාස 05 අතරතුර ශ්‍රී ලංකාව හා චීනයේ ලියෝනිංග් ප්‍රාන්ථය අතර මුළු වෙළෙඳ ගණුදෙනු ප්‍රමාණය ඇමරිකානු ඩොලර් මිලියන 51 (රු. මිලියන 8,211) ක් පමණ වුණා.” යැයි පැවසීය.
මෙම උත්සව සභාව අමතා ශ්‍රී ලංකා ඉදිකරන්නන්ගේ ආයතනයේ සභාපති ආචාර්ය රොහාන් කරුණාරත්න, මෙම Construction Expo ප්‍රදර්ශනයේ සංවිධාන කමිටු සභාපති මහාචාර්ය චිත්‍රා වෙඩික්කාර, ලංකා ප්‍රදර්ශන හා සම්මේලන සේවා පුද්ගලික සමාගමේ කළමණාකාර අධ්‍යක්ෂ අර්ජුන් ධර්මදාස මහත්වරු ද කතා කළහ.
