May, 16, 2023
සෞදි අරාබියේ ගස් බිලියන 10ක් සිටුවීමේ ව්යාපෘතියක් සඳහා ජීවානුහරණය කළ කොහුබත් ශ්රී ලංකාවෙන් ලබා ගැනීමට සෞදි අරාබිය බලාපොරොත්තු වන බව වාර්තා වේ.
ශ්රී ලංකා පරමාණුක බලශක්ති මණ්ඩලයේ වත්මන් තත්ත්වය සහ ඉදිරි කටයුතු පිළිබඳව සාකච්ඡා කිරීම සඳහා බලශක්ති හා ප්රවාහනය පිළිබඳ ආංශික අධීක්ෂණ කාරක සභාව එහි සභාපති පාර්ලිමේන්තු මන්ත්රී නාලක බණ්ඩාර කෝට්ටේගොඩ මහතාගේ ප්රධානත්වයෙන් පසුගියදා (09) පාර්ලිමේන්තුවේදී රැස්වූ අවස්ථාවේදී මෙම කරුණ අනාවරණය විය.
ජීවානුහරණය සඳහා පහසුකම් ලබාදීමෙන් විශාල විදේශ විනිමය ප්රමාණයක් රටට ලබාගත හැකි බව කාරක සභාවේ සභාපති පාර්ලිමේන්තු මන්ත්රී නාලක බණ්ඩාර කෝට්ටේගොඩ මහතා මෙහිදී සඳහන් කර ඇත.
ඒ අනුව, කොහුබත් ජීවානුහරණය සඳහා අවශ්ය ජීවානුහරණ පහසුකම් සකස් කිරීමට පියවර ගන්නා ලෙස කාරක සභාව ශ්රී ලංකා පරමාණුක බලශක්ති මණ්ඩලයට එහිදී උපදෙස් දී තිබේ.
Video Story
