දිට්වා සුළි කුණාටුවෙන් විපතට පත් ජනතාවට සහන සැලසීමේ රජයේ ‘Rebuilding Sri Lanka’ අරමුදලට Colombo West International Terminal (Private) Limited (CWIT) වෙතින් රුපියල් මිලියන 100ක මූල්‍ය පරිත්‍යාගයක් සිදු කරන ලදී.

ඊට අදාළ චෙක්පත ඉන්දීය මහ කොමසාරිස් කාර්යාලයේ නියෝජ්‍ය මහ කොමසාරිස් Satyanjal Pandey සහ Colombo West International Terminal (Private) Limitedහි ප්‍රධාන විධායක නිලධාරී Munish Kanwar යන මහත්වරුන් විසින් අද (12) පස්වරුවේ ජනාධිපති කාර්යාලයේදී ජනාධිපති ලේකම් ආචාර්ය නන්දික සනත් කුමානායක මහතා වෙත පිරිනමනු ලැබීය.

ආපදා තත්ත්වයෙන් පසු නැවත රට ගොඩ නැගීම සඳහා රජය ගෙන යන වැඩපිළිවෙළට ඉන්දියානු රජය දක්වන සහාය අගය කරන බව ජනාධිපති ලේකම් ආචාර්ය නන්දික සනත් කුමානායක මහතා මෙහිදී ප්‍රකාශ කළේය.

මෙහිදී අදහස් දැක්වූ ඉන්දීය නියෝජ්‍ය මහ කොමසාරිස්වරයා සඳහන් කළේ ඉදිරියටත් ශ්‍රී ලංකාවට අවශ්‍ය සහාය ලබාදීමට ඉන්දියානු රජය සූදානම් බවයි.

වරාය සහ සිවිල් ගුවන් සේවා අමාත්‍ය අනුර කරුණාතිලක, ඉන්දීය තානාපති කාර්යාලයේ ආර්ථික සහ වාණිජ අංශයේ ප්‍රධානී Devika Lal, ජෝන් කීල්ස් හෝලඩිංග්ස් සමාගමේ සභාපති සහ ප්‍රධාන විධායක නිලධාරි ක්‍රිෂාන් බාලේන්ද්‍ර, Colombo West International Terminal හි Zafir Hashim සහ Anandhan Nagaysayanu Raj යන මහත්වරු මෙම අවස්ථාවට එක්ව සිටියහ.