ජනශක්ති ලිමිටඩ් විසින් පසුගියා දා විවෘත කරන ලද මූලික මහජන කොටස් නිකුතුව සඳහා ඊට ඉදිරිපත් කළ ප්‍රමාණය මෙන් තුන්ගුණයකට වැඩි කොටස් ප්‍රමාණයක් සඳහා අයදුම්පත් කර තිබෙන බව අදාළ නිකුතුවේ රෙජිස්ට්‍රාර් සමාගම වන S S P CORPORATE SERVICES (PRIVATE) LIMITED  විසින් දන්වා සිටී.

මෙම නිකුතුවේ දී කොටස් 500,000,000 ක් එකක් රු. 10 බැගින් මහජනයා වෙනුවෙන් ඉදිරිපත් කෙරුණු අතර කොටස් 1,516,414,500ක් වෙනුවෙන් අයදුම්කර තිබෙන බව S S P CORPORATE SERVICES සඳහන් කරයි. ඒ අනුව ඉල්ලුම් කර තිබෙන කොටස්වල සම්පූර්ණ වටිනාකම රු. 15,164,145,000.00 කි.

මේ සම්බන්ධයෙන් S S P CORPORATE SERVICES (PRIVATE) LIMITED විසින් කොළඹ කොටස් වෙළෙඳපොළ වෙත කරන ලද දැනුම් දීම පහතින් දැක්වේ.