අද (19) පැවති භාණ්ඩාගාර බිල්පත් වෙන්දේසියේ දී පොලී අනුපාතික තවදුරටත් ඉහළ ගොස් තිබේ.

භාණ්ඩාගාර බිල් පත් පොලී අනුපාතිකවල අඛණ්ඩව ඉහළ යාමක් වාර්තා වූ දෙවැනි සතිය මෙයයි.

මෙහිදී දින 91 බිල්පත් පොලිය 24.80% සිට 25.65% ක් දක්වා ත්, දින 182 බිල්පත් පොලිය 24.10% සිට 24.97% ක් දක්වා ත් සහ දින 364 බිල්පත් පොලිය 22.64% සිට 22.96% ක් දක්වා ත් ඉහළ ගොස් තිබේ.

අද වෙන්දේසිය සඳහා රු. මිලියන 90,000 ක බිල්පත් ප්‍රමාණයක් ඉදිරිපත් කර තිබුණු අතර ඒ සඳහා රු. මිලියන 158,653 ක ලංසු ප්‍රමාණයක් ලැබී තිබුණි.