Hayleys Retail හි ප්‍රථම සුපිරි වෙළඳසැල කොළඹ 10 ප්‍රදේශයේ ඉදිකිරීම සඳහා වන නිල ව්‍යාපෘති ගිවිසුම වෙනුවෙන් Hayleys Engineering සමාගම ගිවිසුම්ගත වී ඇත.

මෙම ව්‍යාපෘතිය විශේෂයෙන් නිර්මාණය කරන ලද වානේ රාමු ව්‍යුහයකින් (purpose-built steel structure) සමන්විත වේ. මේ සඳහා Hayleys Engineering සමාගම සිය ඉංජිනේරු සැලසුම්කරණය, fabrication, සිවිල් ඉදිකිරීම්, steel erection සහ සමස්ත ව්‍යාපෘති ක්‍රියාත්මක කිරීමේ ඒකාබද්ධ ශක්‍යතාව යොදවනු ලබයි.

මෙම ගිවිසුම්ගත වීම හේලීස් සුපිරි වෙළඳසැල් ජාලය (Hayleys supermarket network) ගොඩනැගීමේ ප්‍රථම භෞතික පියවර වන අතර, ඉදිරියේදී මෙවැනි ව්‍යාපෘති රැසක් ක්‍රියාත්මක කිරීමට නියමිතව ඇත.

හේලීස් සමූහය විසින් දිවයින පුරා සුපිරි වෙළඳසැල් 100ක් ආරම්භ කරමින් සුපිරි වෙළෙඳසැල් ක්ෂේත්‍රයට පිවිසෙන බව පසුගිය 2025 ඔක්තෝබර් මාසයේ දී නිවේදනය කරන ලදී.