TikTok හි මව් සමාගම වන ByteDance හි නිර්මාතෘ 43 හැවිරිදි Zhang Yiming, ඇමෙරිකානු ඩොලර් බිලියන 105 කට වැඩි වත්කම් වටිනාකමකට හිමිකම් කියමින් ආසියාවේ ධනවත්ම පුද්ගලයා බවට පත්ව සිටී. BlackRock, Fidelity සහ T. Rowe Price වැනි ප්‍රමුඛ ආයෝජන සමාගම් විසින් ByteDance සමාගමේ වටිනාකම් ඇස්තමේන්තු ඉහළ නැංවීමත් සමඟ මේ මාසය තුළ පමණක් ඔහුගේ වත්කම ඩොලර් බිලියන 12 කින් ඉහළ ගොස් ඇත. 2019 මාර්තු මාසයේදී ඩොලර් බිලියන 13 ක් ලෙස සටහන් වූ ඔහුගේ වත්කම් ප්‍රමාණය මේ වන විට අටගුණයකටත් වඩා වැඩි ප්‍රමාණයකින් වර්ධනය වී තිබේ.

Bloomberg Billionaires Index ට අනුව, ඉන්දියාවේ අදානි සමූහයේ සභාපති ගෞතම් අදානි දෙවැනි තැනට තල්ලු කරමින් ඡෑන්ග් මෙම අංක එකේ ස්ථානයට පැමිණ ඇත. පසුගිය ජූනි මාසයේදී අදානිගේ වත්කම ඩොලර් බිලියන 120 දක්වා ඉහළ ගියද, MSCI දර්ශක ප්‍රතිසංවිධානය, තෙල් මිල ඉහළ යාම සහ බැඳුම්කර ඵලදායිතාව වැඩිවීම හමුවේ ඇති වූ වෙළඳපොළ බලපෑම් හේතුවෙන් ඔහුගේ වත්කම් පහත වැටුණි.