මෙරට ප්‍රමුඛතම විවිධාංගීකරණය වූ සමාගම් සමූහයක් වන හේලීස් පීඑල්සී විසින් 2022/23 වර්ෂය සඳහා වන පළමු අතුරු ලාභාංශය ඊයේ (15) දින ප්‍රකාශයට පත් කරන ලදී. ඒ අනුව එක් කොටසක් සඳහා රු. 5.35 ක ලාභාංශයක් ප්‍රකාශයට පත් කර ඇත.

මීට අමතරව හේලීස් සමූහහයට අනුබද්ධ තවත් ලැයිස්තුගත සමාගම් කිහිපයක් ද ඊයේ දිනයේ දී සිය ලාභාංශ ප්‍රකාශයට පත් කර තිබුණි.

එහිදී අදාළ සමාගම් විසින් එක් කොටසක් සඳහා ප්‍රකාශයට පත් කර තිබූ ලාභාංශ වටිනාකම් පහත පරිදි වේ.

කැලණිවැලි වැවිලි සමාගම (තෙවන අතුරු ලාභාංශය) රු. 3.00

හේලීස් ෆයිබර් (තෙවන අතුරු ලාභාංශය) සත 50

තලවාකැලේ ටී එස්ටේට්ස් (තෙවන අතුරු ලාභාංශය) රු. 6.00

හේකාර්බ් (තෙවන අතුරු ලාභාංශය) රු. 1.00

හේලීස් ෆැබ්රික් (තෙවන අතුරු ලාභාංශය) සත 30

ඩිප්ඩ් ප්‍රඩක්ට්ස් (තෙවන අතුරු ලාභාංශය) සත 60

හේලීස් සමාගමේ ප්‍රමුඛතම කොටස්කරුවා වන්නේ මෙරට ප්‍රමුඛතම ව්‍යාපාරික ධම්මික පෙරේරා මහතායි.

හේලීස් සමාගමේ ප්‍රකාශිත ප්‍රාග්ධනයෙන් 51.01% ක් හෙවත් කොටස් 382,596,970 ක හිමිකාරීත්වය ඔහු සතුව පවතී.

මේ අනුව එක් කොටසක් සඳහා රු. 5.35 බැගින් රු. 2,046,893,789.50 ක් හෙවත් රු. බිලියන 2.04 ක, එනම් රු. කෝටි 204 ක ලාභාංශ ආදායමකට ධම්මික පෙරේරා මහතා හිමිකම් කියනු ඇත.