අපනයන ඉලක්ක කරගත් ආර්ථිකයක් ගොඩනැගීම සඳහා රාජ්‍ය හා පෞද්ගලික අංශ අතර ඒකාබද්ධ යාන්ත්‍රණයක් සකස් කිරීමේ අවශ්‍යතාව 2022 වර්ෂයේ අයවැය කථාවේදී අවධාරණය කරන ලදී. ඒ අනුව, පහත සඳහන් පරිදි නව ආයෝජන කලාප සංවර්ධනය කිරීමේ යෝග්‍යතාව හඳුනාගනු ලැබ ඇත.

• උතුරු, නැගෙනහිර, වයඹ හා දකුණු පළාත් තුළ නව ආයෝජන කලාප ස්ථාපිත කිරීම.
• මාන්කුලම්, පරන්තන් රසායන ද්‍රව්‍ය සමාගම් පරිශ්‍රය සහ කන්කසන්තුරේ සිමෙන්ති සංස්ථා පරිශ්‍රය පිහිටි ප්‍රදේශවල නව ආයෝජන කලාප ස්ථාපිත කිරීම.
• ඉරණවිල හා ත්‍රිකුණාමලය ප්‍රදේශවල නව ආයෝජන කලාප ස්ථාපිත කිරීම.
• බිංගිරිය හා හම්බන්තොට ආයෝජන කලාප තවදුරටත් පුළුල් කිරීම.

යෝජිත ආර්ථික කලාප ඇති කිරීම සඳහා අවශ්‍ය තාක්ෂණ සහාය ලබා දීමට ආසියානු සංවර්ධන බැංකුව (ADB) එකඟතාව පළ කර තිබේ. ඒ අනුව, සුදුසු රාජ්‍ය-පෞද්ගලික හවුල්කාරිත්ව ආකෘතියක් පදනම් කර ගනිමින් එකී ආයෝජන කලාප සංවර්ධනය කිරීම පිණිස ආයෝජන ප්‍රවර්ධන අමාත්‍ය වශයෙන් ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.