14 වන ෆැමිලි සවාරි ප‍්‍රවර්ධන වැඩසටහන යටතේ පැවැත්වූ තවත් දිනුම් ඇදීමකදී මෙරට ජීවිත රක්ෂණ අංශයේ ප‍්‍රමුඛයා වන සෙලින්කෝ ලයිෆ් වෙතින් රුපියල් මිලියන 05 ක් වටිනා රත්තරන් දිනාගැනීමට සමාගමේ රක්ෂණ ඔප්පුහිමියන් 103 දෙනෙකු සමත්විය. මෙම නවතම දිනුම් ඇදීමේදී රුපියල් මිලියනයක් වටිනා පළමු ත්‍යාගය මීගමුවේ රක්ෂණ ඔප්පුහිමියෙකු දිනාගත් බව සමාගම සඳහන් කරයි. මෙම දිනුම් ඇදීමත් සමග 14 වන ෆැමිලි සවාරි ප‍්‍රවර්ධන වැඩසටහන යටතේ මේ දක්වා සමස්තයක් ලෙස සමාගම විසින් රක්ෂණ ඔප්පුහිමියන් 412 දෙනෙකුට රුපියල් මිලියන 20 ක් වටිනා රත්තරන් ප‍්‍රදානය කර තිබේ. එළඹෙන සැප්තැම්බර් මාසයේදී පැවැත්වීමට නියමිත හයවන වටයේ අවසන් දිනුම් ඇදීමත් සමග සමස්තයක් ලෙස රක්ෂණ ඔප්පුහිමියන් 618 දෙනෙකුට රුපියල් මිලියන 30 ක් වටිනා රත්තරන් බෙදාදීමට සමාගම සැලසුම් කර ඇත. කොවිඞ්-19 වසංගත තත්ත්වය නිසා පැනවූ ගමන් සීමාවන් සහ සුරක්ෂිත ක‍්‍රියා මාර්ග හේතුවෙන් ෆැමිලි සවාරි ප‍්‍රවර්ධන වැඩසටහන යටතේ මෙතෙක් පවත්වාගෙන පැමිණි විදේශීය සහ දේශීය සංචාර වෙනුවට රත්තරන් ප‍්‍රදානය කිරීමේ වැඩසටහනක් සමාගම විසින් ආරම්භ කරන ලදී.

සේයාරුවෙන් දැක්වෙන්නේ නවතම දිනුම් ඇදීමේදී ප‍්‍රථම ත්‍යාගය දිනාගත් රක්ෂණ ඔප්පුහිමියා සහ තවත් ජයග‍්‍රාහී ඔප්පුහිමියන් කිහිපදෙනෙකු ඔවුන්ගේ පවුල්වල සාමාජිකයින් සහ සමාගමේ නියෝජිතයින් සමග සිටින ආකාරයයි.