SAMSUNG Galaxy Tab S7 FE ශ්‍රී ලංකාවට හඳුන්වා දෙයි

    August, 21, 2021

    ශ‍්‍රී ලංකාවේ අංක 1 ස්මාර්ට් ජංගම දුරකතන සන්නාමය වන සැම්සුන්ග් Galaxy Tab S7 FE ශ්‍රී ලාංකේය වෙළෙඳපොළට පසුගියදා හඳුන්වා දුන්නේය. Samsung Galaxy Tab කාණ්ඩයට එකතු වූ නවතම සාමාජිකයා Galaxy Tab S7 FE වේ. එමගින් පාරිභෝගිකයින්ගේ ඵලදායිතාව, නිර්මාණාත්මක බව සහ විනෝදාත්මක අවශ්‍යතා සපුරාලයි. Galaxy Tab S7 FE මගින් දෛනික වැඩ කටයුතු, අධ්‍යාපනය, සැලසුම් සහ විනෝදාස්වාදය සඳහා පුළුල් තිරය (display) සහ S Pen ක් ද හිමිවේ. මෙලෙස පාරිභෝගික අවශ්‍යතා සහ ප‍්‍රියතාවයන් වෙනුවෙන් පුළුල් තිරය, අධ්‍යාපනය, සැලසුම් සහ විනෝදාස්වාදය සඳහා වන S Pen පහසුකම ඇතුළු Galaxy Tab S7+ හි ඇති පරිශීලකයින්ගේ ප‍්‍රියතම විශේෂාංග සමඟින් Galaxy Tab S7 FE දැන් ඔබ වෙත පැමිණේ.

    මේ පිළිබඳව අදහස් දක්වන Samsung ශ‍්‍රී ලංකා හි කළමනාකාර අධ්‍යක්ෂක කෙවින් සුන්ග්සු යූ මහතා ‘’දුරස්ථව වැඩ කිරීම සහ මාර්ගගත ඉගෙනීම නව සාමාන්‍යයක් බවට පත්වීමත් සමඟම, අපගේ පාරිභෝගික ජනතාවට වඩාත් ඵලදායී සේවාවක් සැපයීම උදෙසා නිර්මාණාත්මක සහ තාක්ෂණික වපසරිය වඩ වඩාත් පුළුල් කරමින් Galaxy Tab S7 FE ඔබ වෙත ගෙන ඒමට අපි අවධානය යොමු කළා. මෙම ආකර්ෂණීය නව Galaxy Tab S7 FE නිර්මාණාත්මක කටයුතු, බහු කාර්යය කටයුතු, අධ්‍යාපන කටයුතු, ක‍්‍රීඩා කටයුතු ආදී සෑම කාර්යයක්ම වඩාත් ඵලදායීව ඉටුකර ගැනීම උදෙසා නිර්මාණය කර ඇති බව නැවත නැවතත් සඳහන් කළ යුතුයි.” යනුවෙන් පැවසීය.

    Galaxy Tab S7 FE ඔබ කැමති විශේෂාංගද සමගින් දැරිය හැකි මිලකට ඔබ වෙත ගෙන එයි. එය ඔබට වඩාත් ප‍්‍රයෝජනවත්, වඩාත් නිර්මාණාත්මක වීමට මෙන්ම ඔබට ”ඔබ”ම වීමට උපකාරී වේ. පාරිභෝගිකයින්ගේ දෛනික අවශ්‍යතා සපුරාලන සුවිශේෂ අංගවලින් යුත් Galaxy Tab S7 FE ලෝලීන්ට නම් අතපසු නොවනු නොඅනුමානය.

    යළි අර්ථ දක්වන නැරඹීමේ අත්දැකීම

    Galaxy Tab S7 FE අඟල් 12.4 ක පුළුල් තිරයකින් සමන්විත වන අතර එමගින් 16:10 අනුපාත සහිත සුපැහැදිලි දර්ශන තලයක් නිර්මාණය කරයි. අඟලකට පික්සල් 244 (PPI) ක විභේදනයකට ලක්වන නිසා පැහැදිලි රූප සහිතව වඩාත් තාත්විකව දෘශ්‍යමාන වෙයි. AKG speakers හරහා Dolby Atmos ශබ්දයේ ගුණාත්මකභාවය සමඟ සම්බන්ධ වී ඇති නිසා, මෙම උපකරණය මඟින් ඔබේ ප‍්‍රියතම රූප රාමු වින්දනාත්මක සිනමා අත්දැකීමක් ලෙසින් ඔබට සමීප කරවනු ඇත.

    10090 mAh Galaxy Tab S7 FE මෙගා බැටරියක් සමඟ එන අතර එමඟින් ඔබට දවස පුරාම කිසිඳු ගැටළුවකින් තොරව ඔබේ ප‍්‍රියතම අන්තර්ගතයන් සමඟ සම්බන්ධ විය හැකිය. Galaxy Tab S7 FE, ඉතා වේගවත් 45W චාජරය මගින් විනාඩි 90 ක් තුළදී බැටරිය නැවත ආරෝපණය කරනු ලබයි. Galaxy Tab S7 FE, 15W චාජරය ද සමගින් ඔබ අතට පත්වන අතර ඉතා වේගවත් 45W චාජරය Samsung.com සහ ප‍්‍රමුඛ පෙළේ සිල්ලර අලෙවිසැල් වෙතින් වෙනම මිලදී ගත හැකිය. Galaxy Tab S7 FE ප‍්‍රබල Qualcomm Snapdragon 750G ප්‍රොසෙසරය සමඟින් වැඩිදියුණු කළ ක‍්‍රියාකාරීත්වයක් හා සුමට බහුකාර්ය අත්දැකීමක් ඔබ වෙත එයි. Galaxy Tab S7 FE වීඩියෝ ඇමතුම් සඳහා වඩාත් විධිමත් ලෙස නිර්මාණය කර ඇති 8MP පසුපස කැමරාවක් සහ 5MP ඉදිරිපස කැමරාවක් ද සහිතව ඉදිරිපත් කර තිබීම විශේෂිතය.

    නිර්මාණාත්මක බවට ප‍්‍රවේශයක්

    Galaxy Tab S7 FE සදහා S Pen ද ඇතුළත් වන අතර එය දෛනික වැඩ කටයුතු, අධ්‍යාපන කටයුතු සහ ක‍්‍රීඩා කටයුතු අතර බාධාවකින් තොරව මාරුවීමට සහ ඔබේ නිර්මාණාත්මක බව සොයා ගැනීමට සහ මුදා හැරීමට ”මැජික් යෂ්ටිය”ක් සේ උපකාරී වේ. එය charge කිරීමට අවශ්‍ය නොවන අතර එහි ඇති 30ms latency හැකියාව නිසා සැබෑ ලිවීමේ අත්දැකීමක් ඔබට ලබා දෙයි.

    ඔබ තුළ සිටින නිර්මාණකරුවා මුදා හැරීම සඳහා Clip Studio සහ Canva වැනි බොහෝ මෘදුකාංග මේ ඔස්සේ ඔබට සමීපවනු ඇත.

    Samsung Notes සමඟ ඔබට තිරයේ අත් අකුරින් ලියූ සටහන් පහසුවෙන් text එකක් බවට පරිවර්තනය කළ හැකිය. ඔබේ සටහන් ස්වයංක‍්‍රීය ටැග් (tag) වලින් සංවිධානය කර තබා ගන්න, ඔබට අවශ්‍ය නිශ්චිත සටහන ක්ෂණිකව සොයා ගැනීමට Intelligent Search භාවිතා කරන්න - එහි text එකක් ලෙස තැබූ හෝ අතින් ලියූ ඒවා කුමක් වුවත්.දැඩි උනන්දුවක් දක්වන සටහන් කරුවන් සඳහා, Noteshelf ද නොමිලේ ඇතුළත් කර ඇති අතර එමඟින් ඔබේ සිතුවිලි නිවැරදිව ග‍්‍රහණය කර ගන්නා සවිස්තරාත්මක, වර්ණවත් සටහන් නිර්මාණය කිරීමට ඔබට සහ ඔබේ S Pen හට හැකියාව ලැබේ.

    ඵලදායිතාවය වැඩිකිරීම

    Samsung Galaxy Tab S7 FE පරිගණකයක් තරම්ම බලවත් ය. Samsung DeX සහ Book Cover Keyboard සහාය ඇතිව ඔබගේ Tab එකෙහි අතුරු මුහුණත (UI) PC ක් බවට පරිවර්තනය කිරීමේ අත්දැකීම සමඟින් එය laptop පරිගණකයක් භාවිතා කිරීම හා සමාන අත්දැකීමක් ඔබට ලබා දෙයි. දෙවන තිරය හරහා, ඔබේ දැක්ම පුළුල් කර ගැනීම සඳහා ඔබේ Galaxy Tab S7 FE ඔබේ පරිගණකය සමඟ අතිරේක සංදර්ශකයක් බවට පත් කළ හැකි අතර, එනිසා පෙරටත් වඩා ඉක්මනින් වැඩ කටයුතු කරගත හැකිය.

    Multi-Active Window විශේෂාංගය මඟින් ඔබට අන්තර්ජාලයේ සැරිසැරීම, සටහන් තබා ගැනීමට හා වීඩියෝ නැරඹීම ආදී එකවර app තුනක් විවෘත කිරීමේ හැකියාව ඇත. එමෙන්ම ‘App Pair’ විශේෂාංගය Multi-Active Window සමඟින් ඔබට ඔබගේ ප‍්‍රියතම app කිහිපයක් සම්බන්ධ කිරීමට ද හැකියාව ඇත.

    මිල සහ ලබා ගත හැකි ක‍්‍රම

    Galaxy Tab S7 FE, 4GB + 64GB හි මිල රුපියල් 129,999 කි. එමෙන්ම Galaxy Tab S7 FE, Mystic Black පැහැයෙන් ලබා ගත හැකිය.

    මෙම Galaxy Tab S7 FE, පහසුවෙන් හඳුනා ගතහැකි සැම්සුන්ග් වෙළෙඳ සලකුණ සහිත දිවයින පුරා පිහිටි අලෙවිසැල් වන John Keells Office Automation හා Softlogic Mobile Distribution බලයලත් අලෙවි නියෝජිතයන්ගෙන් ලබා ගත හැකිය. ඊට අමතරව Softlogic Retail, Singer, Singhagiri, Damro සහ සන්නිවේදන සේවා සැපයුම්කරුවන් වන Dialog හා Mobitel ඇතුළුව සැම්සුන්ග් e-Store, MySoftlogic.lk හා Daraz.lk ආදි සියලූම බලයලත් අලෙවි නියෝජිතයන් වෙතින් ද මෙම උපාංගය මිලදී ගත හැකිය.