උසස් තත්ත්වයේ වානේ සෙවිලි සහ ආවරණ (Roofing & Cladding) නිෂ්පාදනය පිළිබඳ මෙරට ප්‍රමුඛතම සහ ජාත්‍යන්තර කීර්තියට පත් සමාගමක් වන Sterling Steels (Pvt) Ltd, 2026 ශ්‍රී ලංකා ගෘහ නිර්මාණ ආයතනය (SLIA) විසින් සංවිධානය කරන ලද වාර්ෂික නිෂ්පාදන සම්මාන උළෙලේදී කීර්තිමත් කුසලතා සම්මානයකින් පිදුම් ලැබීය. ඉතා තරඟකාරී සින්ක්-ඇලුමිනියම් ආලේපිත ප්‍රෝෆයිල් වානේ තහඩු ( Zinc-Aluminium Coated Profile Steel Sheet) කාණ්ඩය යටතේ හිමිවූ මෙම ජාතික ඇගයීම, ශ්‍රී ලංකාවේ ඉදිකිරීම් ක්ෂේත්‍රය තුළ විශිෂ්ටත්වය, නවෝත්පාදනය සහ උසස් ප්‍රමිතීන් පවත්වා ගැනීමට මෙම සමාගම දක්වන උනන්දුව මනාව තහවුරු කරයි.

දේශීය ගෘහ නිර්මාණ සහ ඉදිකිරීම් ක්ෂේත්‍රයේ සුවිශේෂී අවස්ථාවක් වන මෙම සම්මාන උළෙල නෙළුම් පොකුණ රඟහලේදී උත්කර්ෂවත් අන්දමින් පැවැත්විණි. ප්‍රමුඛ පෙළේ වාස්තු විද්‍යාඥයින් සහ කර්මාන්ත විශේෂඥයින් පිරිසක් විසින් නිෂ්පාදනවල ගුණාත්මකභාවය සහ සැලසුම් විශිෂ්ටත්වය  ඇගයීමට ලක් කර පිරිනමනු ලබන මෙම SLIA සම්මානය, ක්ෂේත්‍රයේ ගුණාත්මකභාවය මැන බලන ප්‍රමුඛතම මිණුම් ලකුණක් ලෙස සැලකේ. මෙම ජයග්‍රහණයත් සමඟ Sterling Steels සමාගම මෙරට ප්‍රමුඛතම ගොඩනැගිලි ද්‍රව්‍ය සැපයුම්කරුවන් අතර සිය ස්ථානය තවදුරටත් තහවුරු කර ගැනීමට සමත්ව ඇත.

නාගරික උෂ්ණත්වය අවම කිරීමට සහාය වන විශේෂ 'තාප පරාවර්තන තාක්ෂණය' සහිත සින්ක්-ඇලුමිනියම් වානේ තහඩු නිෂ්පාදනය කරමින් Sterling Steels සමාගම ඉදිකිරීම් ක්ෂේත්‍රයේ ලබා ඇති දියුණුව මෙම සම්මානයෙන් ඇගයීමට ලක් විය. එමෙන්ම නිෂ්පාදනවල ඇති ඉහළ කල්පැවැත්ම සහ ආකර්ෂණීය නිමාව, තිරසාර ඉදිකිරීම් සඳහා සමාගම දක්වන උනන්දුව මනාව සනාථ කරයි. මෙම දියුණු නිෂ්පාදන ක්‍රමවේද පිළිබඳ  සහතිකය, නිර්මාණකරුවන්ට සිය සැලසුම් අභියෝගයකින් තොරව ක්‍රියාවට නැංවීමට මඟ පාදන ප්‍රමුඛතම සාධකයකි. එමගින්, වඩාත් තිරසාර ඉදිකිරීම් වටපිටාවක් උදෙසා සමාගම දක්වන අඛණ්ඩ දායකත්වය යළිත් වරක් සනාථ වේ.

Sterling Steels පුද්ගලික සමාගමේ ප්‍රධාන මෙහෙයුම් නිලධාරී කේමන්ත පෙරේරා මහතා මෙම ජයග්‍රහණය පිළිබඳව අදහස් දක්වමින් මෙසේ පැවසීය. "ශ්‍රී ලංකා ගෘහ නිර්මාණ ශිල්පීන්ගේ ආයතනයෙන් මෙම කුසලතා සම්මානය දිනා ගැනීමට හැකිවීම අප සමාගම ලද මහත් අභිමානයකි. මෙරට ඉදිකිරීම් ක්ෂේත්‍රයේ විකාශනය වන අවශ්‍යතා සපුරාලීම උදෙසා අප ලබාදෙන උසස් ප්‍රමිතියෙන් යුත් නවෝත්පාදන විසඳුම් පිළිබඳ විශ්වාසය මෙම සම්මානය හරහා යළිත් තහවුරු වේ. අපගේ සමස්ත කණ්ඩායම සතු දක්ෂතාවය මෙන්ම ගුණාත්මකභාවය වෙනුවෙන් ඔවුන් දක්වන නොපසුබට උත්සාහය මෙවැනි සුවිශේෂී ජයග්‍රහණ අත්කර ගැනීමට මූලිකම හේතුවයි."

මෙම සම්මානය හරහා ඉදිකිරීම් ක්ෂේත්‍රයේ ප්‍රමුඛ පෙළේ විශ්වාසනීය සහකරුවෙකු ලෙස Sterling Steels සතු ස්ථානය යළිත් තහවුරු විය. උසස් තාක්ෂණයෙන් සහ විශ්වසනීයත්වයෙන් යුත් නිෂ්පාදන සැපයීම නිසා මෙරට යටිතල පහසුකම් සංවර්ධනයට සුවිශේෂී දායකත්වයක් ලබා දීමට සමාගමට අවස්ථාව උදා වී ඇත. මෙම ජයග්‍රහණය ක්ෂේත්‍රයේ ප්‍රවීණයන් අතර සමාගමේ විශ්වාසය තහවුරු කරනවා මෙන්ම, පාරිභෝගිකයින් අතර නිෂ්පාදන සඳහා ඇති ඉල්ලුම ඉහළ නැංවීමට ද ප්‍රබල සාධකයක් වනු ඇත.

මෙම ජයග්‍රහණයත් සමඟ තවත් ඉදිරියට යාම Sterling Steels සමාගමේ බලාපොරොත්තුවයි. නවීන නිෂ්පාදන හඳුන්වා දීම සහ පරිසර හිතකාමී වානේ විසඳුම් නිර්මාණය කිරීම සඳහා පර්යේෂණ කටයුතු තවදුරටත් පුළුල් කිරීමට සමාගම අරමුණු කරයි. මෙරට ඉදිකිරීම් ක්ෂේත්‍රයේ ප්‍රගතිය වෙනුවෙන් කැපවෙමින්, ලෝක මට්ටමේ උසස්ම ගොඩනැගිලි ද්‍රව්‍ය ඉදිරි වසර ගණනාව පුරා මෙරට කර්මාන්තයට අඛණ්ඩව සැපයීමට සමාගම කටයුතු කරනු ඇත.