Hayleys Fabric හි WARNA by Mahogany නම් පරිසර හිතකාමී ක‍්‍රියාවලීන් භාවිතයෙන් නිෂ්පාදනය කරන ලද කාබනික සහ පරිසර හිතකාමී රෙදිපිළි පෙළක් ISPO Textrends Spring$Summer Awards 2024 හි හොඳම නිෂ්පාදන 10 අතරට තේරීපත් විය.

ලොව වඩාත්ම නව්‍ය, ඉහළ ක‍්‍රියාකාරී රෙදිපිළි සඳහා ප‍්‍රමුඛ පෙළේ ජර්මානු වේදිකාවක් වන ISPO Textrends හි ප‍්‍රමුඛ පෙළේ ශ‍්‍රී ලාංකේය පරිසර හිතකාමී රෙදිපිළි නවෝත්පාදනයක් ලෙස WARNA by Mahogany ඇගයුම් ලැබීම ක‍්‍රීඩා ඇඟළුම් ක්ෂේත‍්‍රය සඳහා විශේෂිත වූ, තිරසාර, වෘත්තාකාර රෙදිපිළි සපයා ගැනීමේ ගෝලීය පුරෝගාමියෙකු ලෙස ලංකාවේ කීර්තිය ඉහළින් ඔසවා තැබීමක් ලෙස හැදින්විය හැකිය.

පුරෝගාමී waste-to-fashion හෙවත් අපද්‍රව්‍ය භාවිතයෙන් විලාසිතාකරණය සඳහා වූ මුලපිරීමක් ලෙස Hayleys Fabric හි තිරසාර නවෝත්පාදන ප‍්‍රධානී ලියෝනි වාස් මහත්මිය විසින් හදුන්වාදෙන ලද Hayleys Fabric හි කාබනික Mahogany වර්ණක ශ‍්‍රී ලංකාවේ ගෘහ භාණ්ඩ කර්මාන්තයේ අතුරු නිෂ්පාදන සහ අපද්‍රව්‍ය වලින් ගෘහස්ථව නිස්සාරණය කරනු ලැබේ.

”අතීතයේදී විලාසිතා සහ රෙදිපිළි කර්මාන්තය ප‍්‍රධාන වශයෙන් අවධානය යොමු කළේ කෘතිම වර්ණක භාවිතයටයි. කෙසේ වෙතත් පරිසර හිතකාමී ආකල්ප දරන පාරිභෝගිකයින් වැඩිවීමත් සමඟ තිරසාර ලෙස නිෂ්පාදනය කරන ලද රෙදි සඳහා ඇති ඉල්ලූම සැලකිය යුතු ලෙස වැඩි වී තිබෙනවා. මෙම පසුබිම සැලකිල්ලට ගෙන අපගේ නිෂ්පාදන ක‍්‍රියාවලියේදී පරිසරය සහ පාරිභෝගිකයින් යන දෙපාර්ශවයටම අහිතකර ද්‍රව්‍ය භාවිතය සීමා කිරීමට හැකි සෑම පියවරක්ම ගෙන තිබෙනවා. WARNA මෙම කැපවීම සඳහා හොදම සාක්ෂියක් වන අතර ISPO Textrends සම්මාන උළෙලේදී අපගේ උත්සාහය ඇගයීමට ලක්වීම ගැන වගේම ලෝකයේ වඩාත්ම නව්‍ය තිරසාර ප‍්‍රවණතා අතර ජාත්‍යන්තර වේදිකාවක් මත ශ‍්‍රී ලාංකීය නිපුණත්වය ප‍්‍රදර්ශනය කිරීමට ලැබීම ගැන ද අපි සතුටු වෙනවා.’’ යනුවෙන් Hayleys Fabric හි කළමනාකාර අධ්‍යක්ෂ/ප‍්‍රධාන විධායක නිලධාරී රොහාන් ගුණතිලක මහතා පැවසුවේය.

දේශගුණික විපර්යාස සඳහා වන බලපෑම හඳුනා ගැනීම සහ විශ්ලේෂණය කිරීම සඳහා සිදු කරන ලද තක්සේරුවකදී WARNA පරිසරයට ධනාත්මක බලපෑමක් ඇති කරන බවට තහවුරු කරගන්නා ලදී.

Mahogany වර්ණක ජාත්‍යන්තරව පිළිගත් ප‍්‍රමිතීන්ට අනුකූල බව සහතික කිරීම සඳහා පරීක්ෂණ රැසකට යටත් කර ඇති අතර අන්තරායකර රසායනික ද්‍රව්‍ය වලින් තොර බව සහතික කරයි. මෙම නිෂ්පාදන භාවිත කරන පාරිභෝගිකයින්ට සහ පරිසරයට මෙන්ම නිෂ්පාදන ක‍්‍රියාවලියට සම්බන්ධ පුද්ගලයින්ට ද වඩාත් ආරක්ෂිත වීම විශේෂත්වයකි. එමෙන්ම කෘතිම වර්ණක වර්ග භාවිතයට සාපේක්ෂව පරිසරයට 36% ක ධනාත්මක බලපෑමක් ඇති කරයි.

Hayleys Fabric විසින් නිෂ්පාදනය කරනු ලබන ස්වභාවික වර්ණක පරිභෝජනය සහ නිෂ්පාදනය, කර්මාන්ත, නවෝත්පාදන සහ යටිතල පහසුකම්, පිරිසිදු ජලය සහ සනීපාරක්ෂාව, ජලයෙන් පහළ ජීවිතය, ගොඩබිම සහ දේශගුණික විපර්යාස ආදිය සම්බන්ධයෙන් වන එක්සත් ජාතීන්ගේ තිරසාර සංවර්ධන ඉලක්ක (UNSDGs) කෙරෙහි ධනාත්මක බලපෑමක් ඇති කරයි. `

වෙළඳපොලේ ඇඟළුම් නිෂ්පාදන සඳහා භාවිතා කිරීමට පරිසර හිතකාමී, ක‍්‍රියාකාරී, විලාසිතාමය, අගය එකතු කළ රෙදි වාණිජකරණය කිරීම අරමුණු කරගත් INNO සන්නාමය හරහා වෙළඳපොළ සඳහා නව පරිසර හිතකාමී නිෂ්පාදන පෙළක් හදුන්වාදීමට සමාගම ලොව පුරා සිටින අනෙකුත් ස්වාභාවික වර්ණක සැපයුම්කරුවන් සමඟ කටයුතු කරයි.

ප‍්‍රමුඛ පෙළේ ජර්මානු රෙදිපිළි ආයතනයක් වන ISPO වසරකට දෙවරක් ක‍්‍රීඩා ඇඟළුම් නිෂ්පාදනය සඳහා භාවිතා කරන නව්‍ය රෙදි සහ උපාංග හඳුනාගෙන ඇගයීමට ලක් කරයි. මෙම ආයතනය නවෝත්පාදනයන් ඉහළින්ම අගයන අතර කර්මාන්තය, නිර්මාණකරුවන් සහ නිෂ්පාදන කළමනාකරුවන් සඳහා හොද මාර්ගෝපදේශයකි.

Hayleys Fabric PLC යනු ශ‍්‍රී ලංකාවේ රෙදිපිළි නිෂ්පාදනයේ පුරෝගාමියා වන අතර නිර්මාණයේ සිට නිෂ්පාදනය දක්වා ඵලදායී විසඳුම් ලබා දීමට හැකියාව ඇති අතර එය ලැයිස්තුගත කළ පළමු ඇඟළුම් සමාගම වේ.

2003 වසරේ කොළඹ කොටස් වෙළෙඳපොළ. Hayleys Fabric සමූහය මසකට කපු සහ කෘත‍්‍රිම රෙදි මීටර් මිලියන 6කට අධික නිෂ්පාදන ධාරිතාවක් ඇති අතර ශ‍්‍රී ලංකාවේ විශාලතම නිෂ්පාදන ධාරිතාවක් දරණ අතර සමාගම ගෝලීය වශයෙන් කීර්තිමත් විලාසිතා සහ ඇඟළුම් සන්නාම සඳහා ප‍්‍රමුඛයෙකි.

ඡායාරූපය: WARNA by Mahogany වෙනුවෙන් Hayleys Fabric වෙත ISPO Textrends සම්මානය පිරිනමමින්

දරුවන් වෙනුවෙන් විදේශ මුදලින් ඉතිරි කිරීම කාලීන අවස්ථාවක් ලෙස පෙනෙන්නට තිබෙන හෙයින් කොමර්ෂල් බැංකුව එම අවස්ථාව ලබාදෙමින් ‘අරුණළු’ විදේශීය මුදල් ළමා ඉතිරි කිරීමේ ගිණුම හඳුන්වා දී තිබේ.

මේ අනුව, ශ‍්‍රී ලංකාවේ වාසය කරන මෙරට පුරවැසියන් වන දරුවන් සඳහාත් විදේශයක වාසය කරන ශ‍්‍රී ලංකාවේ උපත ලියාපදිංචි කර තිබෙන දරුවන් සඳහා මෙම විදේශීය මුදල් ළමා ඉතිරි කිරීමේ ගිණුමේ විදේශීය මුදල් වර්ග හතරකින් මුදල් තැන්පත් කළ හැකි බව කොමර්ෂල් බැංකුව සඳහන් කරයි.

‘අරුණළු’ විදේශීය මුදල් ළමා ඉතිරි කිරීමේ ගිණුමක් ඕනෑම කොමර්ෂල් බැංකු ශාඛාවකින් අවුරුදු 15 කට අඩු දරුවෙකු වෙනුවෙන් ඩොලර් 50 මූලික තැන්පතුවක් මගින් හෝ ඩොලර් 50 කට සමාන වන ස්ටර්ලිං පවුම්, යූරෝ සහ  ඕස්ටේ‍්‍රලියානු ඩොලර් තැන්පත් කිරීම මගින් දෙමව්පියන්ට, නීත්‍යානුකූල භාරකරුවන්ට හෝ දරුවන්ගේ දෙමව්පියන්ගේ දෙමව්පියන්ට විවෘත කළ හැකිවේ. දරුවා අවුරුදු 18 උපන් දිනය සමරන අවස්ථාවේ හෝ එයට පසුව මෙම ගිණුමේ තිබෙන සම්පූර්ණ මුදල් ප‍්‍රමාණය දරුවාට ලබාගත හැකි බව බැංකුව පවසයි.

කොමර්ෂල් බැංකුව විසින් මෙම විශේෂ යෝජනා ක‍්‍රමය හඳුන්වා දී තිබෙන්නේ විශේෂයෙන්ම දරුවන් අනාගතයේදී විදේශීය අධ්‍යාපනය සඳහා ඇතුළු අනාගත වියදම් වෙනුවෙන් දෙමව්පියන් කලින්ම ඉතිරිකිරීම සඳහා යොමු කිරීමටයි. බැංකුව සඳහන් කරන්නේ රුපියල අවප‍්‍රමාණය වීමෙන් ඇතිවන අහිතකර ප‍්‍රතිඵල වලින් මිදී එවිට අදාළ වියදම් කිරීමට අවස්ථාව හිමිවන බවයි.

මෙම ගිණුමට දෙමව්පියන්ට, දෙම්පියන්ගේ දෙමව්පියන්ට සහ නීත්‍යානුකූල භාරකරුවන්ට ඔවුන්ගේ පුද්ගලික විදේශීය ගිණුම් (PFCA)වලින් තැන්පතු ලෙස පේ‍්‍රෂණ මුදල් එවිය හැකිවේ.

මෙම මුදල් තැන්පතුව හිමි දරුවාට අවුරුදු 18 ක් පිරුණු විට බැංකුව විසින් ඉතිරි කළ මුදල රුපියල් වලින් ලබාදෙන අතර විදේශීය අධ්‍යාපන කටයුතු, විදේශීය රටවලින් සෞඛ්‍ය පහසුකම් ලබාගැනීමේ කටයුතු වැනි අවංක උත්සාහයන් වෙනුවෙන් අවශ්‍ය වුවහොත් විදේශීය මුදල් ලබාදීමට කටයුතු කරන බව බැංකුව සඳහන් කරයි. මීට අමතරව, බැංකුවේ අධීක්ෂණය යටතේ කල් පිරීමට පෙර විශේෂ කාරණා සඳහා මුදල් මෙමගින් ලබාගත හැකි බවද බැංකුව සඳහන් කරයි.

ශ‍්‍රී ලංකාවේ පරිසරයට කාබන් මුදාහැරීම 100‍%  තුලනය කළ ප‍්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු බැංකුව මෙන්ම පිට පිට 12 වතාවක් එසේ තේරී පත්වූ එකම ශ‍්‍රී ලාංකේය බැංකුව කොමර්ෂල් බැංකුව වන අතර මේ වනවිට දිවයින පුරා බැංකු ශාඛා 268 ක් සහ ස්වයංක‍්‍රීය යන්ත‍්‍ර 940 ක් ක‍්‍රියාත්මක කරයි. ශ‍්‍රී ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත‍්‍රයේ ඩිජිටල් නව්‍යකරණය සඳහා ප‍්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 19 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ‍්‍රී ලංකාවේ එකම පුද්ගලික වාණිජ බැංකුව ද වේ.

SLIIT හි 'ගුරු විරු' ගුරු පුහුණු වැඩසටහන හරහා ගුරුවරුන්ට සිය වෘත්තීය ගුණාත්මක භාවය ඉහළ නැංවීමට ශක්තිය ලබා දෙය

SLIIT හි තවත් එක් සමාජ සත්කාරක ව්‍යාපෘතියක් වන 'ගුරු විරු' ගුරු පුහුණු වැඩසටහන හරහා ගුරුවරුන්ට ඔවුන්ගේ වෘත්තීයභාවය පිළිබඳ ප්‍රමිතිය ඉහළ නංවාලීමට අවශ්‍ය සහාය ලබා දෙයි.

පාසල් පද්ධතියේ සේවය කරන ගුරුවරුන් ඵලදායි ගුරු කුසලතා සහිතව ඉදිරියට යාම සඳහා ඔවුන්ගේ දැනුම, කුසලතා සහ ආකල්ප වැඩිදියුණු කිරීම, ඔවුන්ගේ ඉගෙනුම් ඉගැන්වීමේ කුසලතා ඉහළ නැංවීම සහ 21 වැනි සියවසේ අධ්‍යාපන අවශ්‍යතාවලට සරිලන පරිදි ඔවුන්ගේ ඉගෙනුම් ඉගැන්වීම් ක්‍රියාවලියේ ඵලදායිතාව වැඩිදියුණු කිරීම මෙම වැඩසටහනේ ප්‍රධාන අරමුණ වේ.

මේ වන විට අධ්‍යාපන ක්ෂේත්‍රයට සම්බන්ධ වෘත්තිකයන් 2000කට වැඩි පිරිසක් රට පුරා පැවති සැසි නවයකට සහභාගි වී ඇත. මෙය 2021 වසරේදී ආරම්භ කරනු ලැබූ අතර පැවැති වසංගත තත්ත්වය හේතුවෙන් එම පුහුණු සැසි මාර්ගගතව (Online) පැවැත්වීමට හා ඒ හරහා පුද්ගල පුහුණුව දක්වා ප්‍රගතියක් අත්කරගෙන තිබේ. මෙම සියලුම වැඩසටහන් SLIIT ආයතනය මගින් නොමිලේ පවත්වනු ලැබේ.

පොල්ගොල්ල මහවැලි ජාතික අධ්‍යාපන විද්‍යාපීඨය, වේයන්ගොඩ සියනෑ ජාතික අධ්‍යාපන විද්‍යාපීඨය,කොළඹ රාජකීය විද්‍යාලයේ ප්‍රාථමික අංශ ගුරුවරුන් සහ SLIIT හි පශ්චාත් උපාධි ඩිප්ලෝමා පාඨමාලා අධ්‍යයන සිසුන්, කටුගස්තොට දොරනෑගම මහා විද්‍යාලය, මීරිගම හාපිටිගම් ජාතික අධ්‍යාපන විද්‍යාපීඨය සහ මීගමුව සඳලංකාව මධ්‍ය මහා විද්‍යාලය මේ දක්වා SLIITහි 'ගුරු විරු' ගුරු පුහුණු වැඩසටහන් පවත්වනු ලැබූ ආයතන වේ.

SLIIT හි 'ගුරු විරු' ගුරු පුහුණු වැඩසටහන මගින් ගුරුවරුන්හට ඔවුන්ගේ ඉගැන්වීමේ කුසලතා සහ අනෙකුත් හැකියාවන් වැඩිදියුණු කිරීමට අදාළ මාතෘකා පිළිබඳව පුහුණු කරනු ලැබේ. ඔවුන් සඳහා මේ දක්වා පවත්වනු ලැබූ පුහුණු සැසි වන්නේ ක්‍රියාකාරී පර්යේෂණ, පාඩම් සැලසුම් කිරීම හා සංඛ්‍යාන කුසලතා සහ දත්ත විශ්ලේෂණය වැඩි දියුණු කිරීම පිළිබඳ සැසිය. ආවරණය කර ඇති අනෙකුත් ක්ෂේත්‍ර අතරට පන්ති කාමරයට නව ප්‍රවේශයක්, අධ්‍යාපනික නීතිය සහ මූලික අයිතිවාසිකම් සහ ඵලදායී ලෙස මාර්ගගත ඉගැන්වීමේ ක්‍රම යොදාගැනීම ආදිය ඇතුළත් වේ. SLIIT ආයතනයට එම පුහුණුවන ගුරුවරුන්ගේ අවශ්‍යතාවය අනුව සැසි පවත්වන ආයතන සහ ඊට අවශ්‍ය ගුරුවරුන්ගේ අවශ්‍යතා සපුරාලීමට හැකියාව ඇත.

SLIITහි පළපුරුදු කාර්ය මණ්ඩල සාමාජිකයින් විසින් මෙම පුහුණු සැසි මෙහෙයවනු ලබන අතර, ඔවුන් සිය විෂය ක්ෂේත්‍රයන් පිළිබඳව සුවිශේෂී දැනුමක් ඇති අයවලුන් වේ. SLIIT හි මානව ශාස්ත්‍ර විද්‍යා පීඨයේ හා අධ්‍යාපන විද්‍යා පීඨයේ ජ්‍යෙෂ්ඨ කථිකාචාර්ය ආචාර්ය විරාජිත් ගමගේ මහතා මෙම වැඩසටහන පිළිබඳ අදහස් දක්වමින් මෙසේ පැවසීය. ''ගුරු විරු වැඩසටහනේ අරමුණ වන්නේ සමාජ සත්කාරක වැඩපිළිවෙලක් තුළින් වෘත්තිකයන් සවිබල ගැන්වීම සහ දැනුම, කුසලතා, ආකල්ප සහ වෘත්තීය සංවර්ධනය තුළින් ඔවුන්ගේ හැකියාවන් වැඩිදියුණු කිරීමය. 21 වැනි සියවසේ පාසල් හා පන්ති කාමරය සමඟ ගැළපෙන පරිදි ගුරුවරුන්ගේ දැනුම, කුසලතා සහ ආකල්ප වර්ධනය කිරීම අත්‍යවශ්‍ දෙයක්. එම අවශ්‍යතාවය පවතින්නේ අපගේ දරුවන් 21 වැනි සියවස නියෝජනය කරන නිසා. අද වන විට අපි සැසි නවයක් සාර්ථකව නිම කර තිබෙනවා. ගුරු විරු වැඩසටහන හරහා ගුරුවරුන් අපගේ විශේෂඥ දැනුම හා විෂය විශේෂඥතාවයන්ගෙන් ප්‍රයෝජන ලබනු ඇති බවට හා රට පුරා සිටින දරුවන් දිරිගැන්වීම සඳහා පූර්ණ සූදානමකින් හා විශ්වාසයක් ඇතිව කටයුතු කරනු ඇතැයි අපි විශ්වාස කරනවා.''

ගුරු විරු වැඩසටහනේ ඉදිරි සැලසුම වන්නේ මහියංගනය, ගාල්ල, ගිරිඋල්ල වැනි ප්‍රදේශවල පුහුණු වැඩසටහන් ව්‍යාප්ත කිරීමයි. මීට අමතරව 'ගුරු විරු' වැඩසටහනේ අරමුණ වන්නේ ගුරුවරුන්ගේ ඉල්ලීම පරිදි ජාතික අධ්‍යාපන විද්‍යාපීඨ 19 පුරාම සිය පුහුණු වැඩසටහන් පැවැත්වීමය. ගුරුවරුන්ගේ ඉල්ලීම් අනුව මේ වන විට ජාතික අධ්‍යාපන විද්‍යාපීඨ තුනක එම ඉල්ලීම් ඉටු කරමින් වැඩසටහන් පහක් සාර්ථකව පවත්වා ඇත.

SLIIT ආයතනය ගුරුවරුන් සවිබල ගැන්වීම සඳහා ඉතා ඕනෑකමින් කැපවී ක්‍රියා කරන අතර රට පුරා සිටින ගුරුවරුන් සහ ගුරු වෘත්තියක් අපේක්ෂා කරන පුද්ගලයින් හට ප්‍රතිලාභ සලසා දීම සඳහා ජාතික සේවාවක් ලෙස 'ගුරු විරු' වැඩසටහන් අඛණ්ඩව පැවැත්වීමට අරමුණු කර ඇත.

'ගුරු විරු' පුහුණු වැඩසටහන් සංවිධානය කිරීමට කැමති අධ්‍යාපන කලාප, ආයතන සහ පාසල්වලට ඒ පිළිබඳව වැඩිදුර තොරතුරු 076 3638 200 අංකයෙන් තිරංජය මීගස්දෙණිය අමතා ලබා ගත හැකිය.

ජාත්‍යන්තර සහ දේශීය වෙළෙඳපොළ තුළ අතථ්‍ය මුදල් භාවිතය සම්බන්ධ මෑතකාලීන වර්ධනයන් මෙන්ම අතථ්‍ය මුදල් සම්බන්ධව කරන ලද විමසීම් සැලකිල්ලට ගනිමින් පහත සඳහන් කරුණු මහජනතාවට දැනුම් දීමට ශ්‍රී ලංකා මහ බැංකුව අපේක්ෂා කරයි.

අතථ්‍ය මුදල් යනු පුද්ගලිකව නිකුත් කරනු ලබන සහ ඉලෙක්ට්‍රොනිකව හුවමාරු කළ හැකි බොහෝ දුරට නියාමනය කිරීමකට යටත් නොවන, වටිනාකම් ඩිජිටල් ආකාරයට නිරූපණය කිරීමක් වේ.

ශ්‍රී ලංකා මහ බැංකුව විසින් 2018 සහ 2021 වසර වලදී මාධ්‍ය නිවේදන මගින් මහජනතාවට දැනුම් දුන් පරිදි, අප්‍රකාශිත විද්‍යුත් මුදල් (Cryptocurrencies) ඇතුළු අතථ්‍ය මුදල් සම්බන්ධ යෝජනා ක්‍රම ක්‍රියාත්මක කිරීමට ශ්‍රී ලංකා මහ බැංකුව විසින් කිසිදු ආයතනයකට හෝ සමාගමකට බලපත්‍ර ලබා දී හෝ බලය පැවරීමක් කර නොමැති අතර කිසිදු ආයතනයකට මූලික කාසි නිකුතුවකට (Initial Coin Offerings) හෝ පරිගණක තුළින් අතථ්‍ය මුදල් ජනනය කිරීමට (Mining Operations) හෝ අතථ්‍ය මුදල් හුවමාරු කර ගන්නා අන්තර්ජාල වෙළෙඳපොළක් (Virtual Currency Exchange) ක්‍රියාත්මක කිරීමට හෝ බලය පැවරීමක් කර නොමැත.

තවද, 2017 අංක 12 දරන විදේශ විනිමය පනත යටතේ ශ්‍රී ලංකා මහ බැංකුවේ විදේශ විනිමය දෙපාර්තමේන්තුව විසින් නිකුත් කරන ලද 2021 අංක 03 දරන නියෝගය ප්‍රකාර ව අතථ්‍ය මුදල් ගනුදෙනු හා සම්බන්ධ ගෙවීම් සඳහා හර කාඩ්පත් (Debit Cards) සහ ණය කාඩ්පත් (Credit Cards) වැනි විද්‍යුත් මුදල් මාරු කිරීමේ කාඩ්පත් (Electronic Fund Transfer Cards) භාවිත කිරීමට අවසර නොමැත. එබැවින්, අතථ්‍ය මුදල් නියාමනය නොවන මූල්‍ය උපකරණ (unregulated financial instruments) ලෙස සලකනු ලබන අතර, ශ්‍රී ලංකාව තුළ ඒවායේ භාවිතය සම්බන්ධයෙන් නියාමන අධීක්ෂණයක් හෝ ආරක්ෂාවක් නොමැත.

එබැවින්, අතථ්‍ය මුදල්වල ආයෝජනය කිරීම තුලින් පරිශීලකයින් නිරාවරණය විය හැකි සැලකිය යුතු මූල්‍ය (Financial), මෙහෙයුම් (Operational), නීතිමය (Legal) සහ ආරක්ෂණය (Security) සම්බන්ධ අවදානම් මෙන්ම පාරිභෝගික ආරක්ෂාව (Customer Protection) සම්බන්ධ ගැටළු පිළිබඳ ව මහජනතාවට අනතුරු අඟවනු ලැබේ. අන්තර්ජාලය මෙන්ම වෙනත් මාධ්‍ය හරහා ඉදිරිපත් කරනු ලබන විවිධ වර්ගයේ අතථ්‍ය මුදල් යෝජනා ක්‍රමවලට හසු නොවන ලෙසද මහජනතාවට අනතුරු අඟවනු ලැබේ.

ශ්‍රී ලංකාවේ ප්‍රමුඛතම මූල්‍ය සමාගමක් වන HNB FINANCE PLC හි අම්බලන්තොට ශාඛාව පසුගිය ජුනි 30 වන දින, අංක 43, මහ වීදිය, අම්බලන්තොට (බැරගම හන්දිය අසල) දරණ ලිපිනයෙහි අභිනවයෙන් විවෘත කෙරිණ.

අභිනව අම්බලන්තොට ශාඛාවේ සමාරම්භය HNB FINANCE PLC හි නියෝජ්‍ය සාමාන්‍යාධිකාරී - මානව සම්පත්/ ප්‍රධාන මානව සම්පත් නිලධාරී රුවන් ප්‍රනාන්දු මහතාගේ ප්‍රධානත්වයෙන් සුබ මොහොතින් සිදුවූ අතර මෙම උත්සව අවස්ථාවට HNB FINANCE PLC හි සහකාර සාමාන්‍යාධිකාරීවරුන්, ශාඛා කළමනාකරුවන්, නිළධාරීන් ඇතුළු සම්භාවනීය පිරිසක් එක්වූහ.

අම්බලන්තොට ශාඛාව විවෘත කිරීමට සමගාමීව HNB FINANCE රන් ණය සේවාවද මෙම ශාඛාවෙහි අලුතින් ආරම්භ කිරීමට කටයුතු කරනු ලබයි. දිවයිනේ වැඩිම රන්ණය අත්තිකාරම් මුදලක් අවම පොලියක් යටතේ ලබාදෙන  HNB FINANCE රන් ණය සේවාවෙහි ඇති තවත් විශේෂත්වයක් වන්නේ  සේවා, ලියකියවිලි හෝ සැගවුණු ගාස්තු වලින් තොරවූ කඩිනම්, විශ්වසනීය සේවාවක් පාරිභෝගිකයා වෙත ලබාදීමයි. රන් ණය සේවාවට අමතරව  කල්බදු සේවා(Leasing), ඉතුරුම් හා ස්ථාවර තැන්පතු, ව්‍යාපාරික ණය, නිවාස ණය ඇතුළු මූල්‍යසේවා රැසක් එකම වහළක් යටින් ලබා ගැනීමට HNB FINANCE අම්බලන්තොට ශාඛාව වෙතින් පහසුකම් සලසා ඇත.

වඩාත් පහසුකම් සහිත නව පරිශ්‍රයට ගෙවදිමින් ඉන් සලසාලීමට අපේක්ෂිත සේවාවන් පිළිබඳව අදහස් දක්වන HNB FINANCE PLC හි කළමනාකාර අධ්‍යක්ෂ /ප්‍රධාන විධායක නිලධාරී චමින්ද ප්‍රභාත්  මහතා  “ මීට ඉහතදී හම්බන්තොට නගරය කේන්ද්‍ර කරගනිමින් ඇරඹි මෙම ශාඛාව මෙතැන් සිට අම්බලන්තොට නගරයේ, වඩාත් ඉඩකඩ සහිත ජනතාවට ඉතා පහසුවෙන් ළගාවිය හැකි  නව පරිශ්‍රයක සිට අප මෙහෙයුම් කටයුතු සිදුකරනු ඇත. මෙහිදී හම්බන්තොට, අම්බලන්තොට මෙන්ම ඉන් අවට වෙසෙන අප පාරිභෝගික ජනතාවගේ මූල්‍ය අවශ්‍යතා ඉටුකිරීම සඳහා ඔවුන් සිය උපරිම විශ්වසනීය හා  කාර්යක්ෂම සේවාව ලබාදෙනු ඇතිය යන්න මගේ විශ්වාසයයි. යනුවෙන් පැවසීය.

දිනෙන් දින ඉහළ යන තිරසාර ඉදිකිරීම් අවශ්‍යතා සපුරාලීම සඳහා  2021 වසරේ දී දේශීය සිමෙන්ති වෙළෙඳපොළට පෝට්ලන්ඩ් සංයුක්ත සිමෙන්ති  සාර්ථකව හඳුන්වා දෙන ලදී.

INSEE සිමෙන්ති සමාගම දිනෙන් දින වැඩි වන දේශීය සිමෙන්ති ඉල්ලුම සපුරාලීම වෙනුවෙන් සිය රුහුණු සිමෙන්ති නිෂ්පාදනාගාරය තුළ පෝට්ලන්ඩ් සංයුක්ත සිමෙන්ති නිෂ්පාදන කටයුතු ආරම්භ කරමින්, SLS 1697 තත්ත්ව සහතිකය සහිත සිමෙන්ති නිෂ්පාදනයන්හි සංයුතිය වැඩි කිරීමට කටයුතු කර තිබේ. පෝට්ලන්ඩ් සංයුක්ත සිමෙන්ති (PCC) නිෂ්පාදනය වසර ගණනාවක පර්යේෂණවල ප්‍රතිඵලයක් වන අතර, OPC සිමෙන්ති නිෂ්පාදනයේ දී සිදුවන ඉහළ කාබන් විමෝචනයට විසඳුමක් ලෙස පුත්තලම ඒකාබද්ධ සිමෙන්ති නිෂ්පාදන මධ්‍යස්ථානයේ දී නිෂ්පාදන කටයුතු ආරම්භ කළ කරන ලද උසස් මිශ්‍රිත සිමෙන්ති නිෂ්පාදනයකි.

"INSEE සිමෙන්ති සමාගම පසුගිය වසරේ දී පෝට්ලන්ඩ් සංයුක්ත සිමෙන්ති නිෂ්පාදනය ප්‍රථම වරට දේශීය වෙළෙඳපොළට හඳුන්වා දුන්නේ ද්විත්ව ප්‍රථිඵලදායක ප්‍රවේශයක් විදියටයි. එමගින් අපි අපගේ ගනුදෙනුකරුවන්ගේ ඉදිකිරීම්වල තිරසාර බව ඉහළ නැංවීම වගේ ම මේ රටේ ඉදිකිරීම් ක්ෂේත්‍රය ගෝලීය මට්ටමින් ස්ථාවර භාවය කරා ගෙන යාමට බලාපොරොත්තු වෙනවා." යනුවෙන් INSEE සිමෙන්ති සමාගමේ නිෂ්පාදන හා නව්‍ය විසඳුම් ප්‍රධානී ආචාර්ය මූසා බාල්බාකි මහතා ප්‍රකාශ කළේය.  "ගෝලීය වශයෙන්, සාමාන්‍ය හා වාණිජමය ඉදිකිරීම්වල සිට මහා පරිමාණ යටිතල පහසුකම් ව්‍යාපෘති දක්වා ඉදිකිරීම් කටයුතුවලට පෝට්ලන්ඩ් සංයුක්ත සිමෙන්ති භාවිතය එම ඉදි කිරීම්වල කල් පැවැත්ම වැඩි කරනවා. ඒ වගේ ම මෙම නිෂ්පාදනය ඉදිකිරීම් කටයුතුවල දී සිදු වන  කාබන් විමෝචනය අඩු කිරීමටත් දායක වෙනවා.  පෝට්ලන්ඩ් සංයුක්ත සිමෙන්ති සඳහා දේශීය වෙළෙඳපොළ තුළ වර්ධනය වන ඉල්ලුම නිසා අප නිරන්තරයෙන් ම දිරිමත් වන බවත්, අපගේ ගාල්ල නිෂ්පාදනාගාරය දක්වා  නිෂ්පාදන කටයුතු පුළුල් කිරීම, ඒ සඳහා අපගේ කැප වීමට හොඳ ම සාක්ෂියක් බවත් පැවසිය යුතු ම යි." බාල්බාකි මහතා වැඩි දුරටත් අදහස් දක්වමින් ප්‍රකාශ කළේය.

INSEE සිමෙන්ති වෙළෙඳ ලකුණ සහිතව, SmartAct TM තාක්ෂණයෙන් නිපදවන පෝට්ලන්ඩ් සංයුක්ත සිමෙන්තියේ ඇති අද්විතීය බහු ඛණිජ සංයුතිය, සජලනය, පොසොලානික් සහ න්‍යෂ්ටිකකරණය යන අංගවලින් සමන්විත ත්‍රිත්ව ප්‍රතික්‍රියාවකට භාජනය වන අතර, එමඟින් ඉදිකිරීම්වල ශක්තිමත් බව වැඩි කරයි. මෙම  ත්‍රිත්ව ප්‍රතික්‍රියාව මඟින් අංශු ව්‍යප්තිය ප්‍රශස්ථ කිරීම සහ ඇසුරුම් ඝණත්වය ඉහළ නැංවීම නිසා ශ්‍රී ලංකාව පුරා, විශේෂයෙන් වෙරළබඩ ප්‍රදේශවල ඉදි කිරීම් සඳහා වඩාත් සුදුසුය. එමෙන් ම මෙම නිෂ්පාදනය මගින් කොන්ක්‍රීට් තුළට වැසි ජලය ඇතුළු වීමේ අවදානම ද මඟ හරවයි. එම නිසා ම අද වන විට ශ්‍රී ලංකාව තුළ ඉදි කිරීම් කටයුතු සඳහා පෝට්ලන්ඩ් සංයුක්ත සිමෙන්ති භාවිතය දිනෙන් දින ඉහළ යමින් පවතී.

යබොර සහ Fly Ash වැනි බහු සිලිකෝ-ඇලුමිනේට් ඛනිජ භාවිතා කිරීමත් සමඟ, පෝට්ලන්ඩ් සංයුක්ත සිමෙන්ති නිෂ්පාදනයේ දී හා එය භාවිත කරමින් සිදු කරන ඉදිකිරීම්වල දී සිදු වන කාබන් විමෝචනය අවම කරන නිසා ම එය OPC සිමෙන්තිවලට වඩා පරිසර හිතකාමී නිෂ්පාදනයක් බව පැවසිය යුතු ම කරුණකි.  INSEE සිමෙන්ති සමාගම සිය  නිෂ්පාදන කටයුතුවල දී කාබන් විමෝචනය අවම කිරීමට කටයුතු කිරීම, 2030 වසර වන විට එම සමාගම සාක්ෂාත් කර ගැනීමට අරමුණු කරන තිරසාර අභිලාෂයන් සාර්ථක කරගැනීම වෙනුවෙන් කැප වීමට උදාහරණ සපයයි.

පෝට්ලන්ඩ් කොම්පොසිට් සිමෙන්තිවලින් ලැබෙන අනෙකුත් යහපත් ප්‍රතිලාභ අතරට උණුසුම් කාලගුණික තත්ත්වයන් යටතේ ඉදිකිරීම් කටයුතු සඳහා හිතකර අවම හයිඩ්‍රේෂන් තාපය සහ වේලි, පාලම්, මාර්ග වැනි දිගු කාලීන යටිතල පහසුකම් සංවර්ධන ව්‍යාපෘති සඳහා යෝග්‍ය, ඉහළ රසායනික ප්‍රතිරෝධයක් සහිත වීම ද සඳහන් කළ යුතුය.

ශී‍්‍ර ලංකා මෝටර් රථ සේවා සපයන්නගේ සංගමය "SLASPA" සහ "CINEC" කැම්පස් ශී‍්‍ර ලංකාවේ සිසුන් අතර මෝටර් රථ කර්මාන්තය පිළිබඳ දැනුම සහ කුසලතා වඩාත් ඵලදායී ලෙස බෙදා හැරීම සඳහා 2022 මැයි 27 වන දින මාළබේ කැම්පස් හිදී එකඟ විය.

දිවයින පුරා හයසීයයකට අධික ලියාපදිංචි වැඩමුළු මඟින් ශී‍්‍ර ලාංකිකයන්ට උසස්ම මෝටර් රථ නිෂ්පාදනය සහ සේවා පහසුකම් සැපයීමට SLASPA කැප වී සිටින අතර CINEC අධ්‍යාපන ආයතනය යනු තෘතියික සහ උපාධිධාරීන් බිහිකරන පෞද්ගලික අංශයේ කීර්තිමත් අධ්‍යාපන ආයතනයකි. ශී‍්‍ර ලංකාවේ තෘතියික අධ්‍යාපන පිළිබඳ පශ්චාත් උපධි අධ්‍යාපනය සහ පුහුණුව ලබාදනෙ අධ්‍යාපන අමාත්‍යංශයේ අනුමැතිය සහිතව මෝටර් රථ ඉංජිනේරු විද්‍යාව පිළිබඳ උපාධියක් පිරිනමන ශී‍්‍ර ලංකාවේ එකම උසස් අධ්‍යාපන ආයතනය වේ. මීට අමතරව එංගලන්තයේ Wolverhampton විශ්වවිද්‍යාලය සමඟ සහයෝගයෙන් මෝටර්රථ ඉංජිනේරු විද්‍යාව පිළිබඳ තවත් උපාධියක් පිරිනමයි.

මෙම සහයෝගීතාවය මත SLASPAහි කාර්ය මණ්ඩලයේ දායකත්වය හරහා CINEC හි සිසුන් මෝටර් රථ කර්මාන්තයට අවශ්‍ය වෘත්තීය නිපුණත්වය ලබාදීම සඳහා ඔවුන්ට දැනුම කුසලතා වර්ධනය කර ගැනීමට පුහුණුව ලබා දෙනු ඇත.

මේ අනුව මෙම හවුල්කාරීත්වයේ ප‍්‍රධාන පරමාර්ථය වන්නේ මෝටර් රථ ඉංජිනේරු ඩිප්ලෝමාව සහ උපාධිය හදාරන සිසුන්ගේ වෘත්තීය නිපුණත්වය වර්ධනය කිරීම සහ මෝටර් රථ කර්මාන්තයට ඇතුළත් වීමට ඔවුනට සුදුසුකම් ලබාදීමයි.

SLASPA මඟින් උපාධි අපේක්ෂයින් සහ උපාධිධාරී සිසුන් මෝටර් රථ නිෂ්පාදනය සහ නඩත්තු කිරීම සඳහා විශේෂිත යන්ත‍්‍ර සූත‍්‍ර කි‍්‍රයාත්මක කිරීම මඟින් ඔවුන්ට අවශ්‍ය නිපුණතා සංවර්ධනය කෙරේ.

මෙම සහයෝගීතාවය වැඩිදියුණු කිරීම මඟින් පාඨමාලා අන්තර්ගතය වැඩිදියුණු කිරීම ප‍්‍රායෝගික දැනුම වර්ධනය සහ හි සිසුන්ට SLASPA සහ CINEC හි කාර්ය මණ්ඩලයට කර්මාන්තයේ වෙනස්වන ඉල්ලුමට අනුව ආයතනික උපාය මාර්ගික මඟපෙන්වීමක් ලබාදෙනු ඇත.

මෙම ආයතන දෙකම එකිනෙකට ගැළපෙන පරිදි සකස්කරන ලද පුහුණු වැඩසටහන් සංවර්ධනය කිරීමට සහ විශේෂ අවශ්‍යතා මත SLASPA සඳහා පුහුණුව ලබා දෙනු ඇත. SLASPA විසින් සිදු කරනු ලබන පර්යේෂණ කටයුතු සඳහා CINEC සහය ලබාදෙනු ඇත. CINEC අධ්‍යාපන පීඨයේ සභාපති කපිතාන් අජිත් පීරිස් ඉංජිනේරු සහ තාක්ෂණ පීඨයේ පිඨාධිපති ආචර්ය ජනක ලියනගම SLASPA හි උපසභාපති සුරාජ් දන්දෙනිය ලේකම්, සුනිල් දේවසුරේන්ද්‍ර ආයතන ද්විත්වයේ සාමාජිකයන් සමඟ මෙම අවබෝධතා ගිවිසුම අත්සන් කිරීමට සහභාගී වි සිටියහ.

තරුණ දරුවන්ගේ තොරතුරු තාක්ෂණ දැනුම වර්ධනය කිරීම සඳහා කොමර්ෂල් බැංකුව සහ CISCO නෙට්වර්කිං ඇකඩමිය විසින් ඒකාබද්ධව සංවිධානය කරන තොරතුරු තාක්ෂණ පාඨමාලා සිසුන් 2000 කට අධික පිරිසක් සාර්ථකව සම්පූර්ණ කර ඇති බව කොමර්ෂල් බැංකුව නිවේදනය කර ඇත.

අනාගත තාක්ෂණික විශේෂඥයින් බිහි කිරීමට මෙම වැඩසටහන නිර්මාණය කර තිබෙන අතර තමන්ගේ තොරතුරු තාක්ෂණික කුසලතා වර්ධනය කර ගැනීමට කැමැත්තක් දක්වන අවුරුදු 13කට වඩා වයසැති දරුවන්ට මේ සඳහා බැංකුව ආරාධනා කර තිබුණි. මෙහිදී, මෙම දරුවන්ට ලෝකයේ ප‍්‍රමුඛතම තාක්ෂණික කුසලතා සහ වෘත්තීය සංවර්ධන වැඩසටහන වන CISCO විසින් අන්තර්ජාලය මගින් ඉදිරිපත් කර තිබෙන තොරතුරු තාක්ෂණික පාඨමාලා 07 කින් එකක් තෝරා ගැනීමට අවස්ථාව ලබාදී තිබුණි.

කොමර්ෂල් බැංකුවේ තොරතුරු තාක්ෂණික අධ්‍යාපනය හා සම්බන්ධ සමාජ සත්කාර වැඩසටහන්වල කොටසක් ලෙස මෙම ඒකාබද්ධතාවය ආරම්භ කළේ බැංකුව විසින් පාසැල් වලට ප‍්‍රදානය කර තිබෙන තොරතුරු තාක්ෂණික විද්‍යාගාර වලින් උපරිම ප‍්‍රයෝජන ලබාගනිමින් කාලීන තොරතුරු සහ තාක්ෂණික දැනුම සිසුදරුවන්ට ලබාදීම අරමුණුකර ගනිමිනි. මෙමගින් සාම්ප‍්‍රදායික පන්ති කාමර සීමාවෙන් ඔබ්බට ගොස් CISCO වෙතින් කර්මාන්තයේ ප‍්‍රමුඛතම සහතිකයක් නොමිලේ ලබාගැනීමේ අවස්ථාව සිසුන්ට ලබාදීම කැපී පෙනේ.

මෙම ඒකාබද්ධතාවයට අනුව බැංකුව විසින් මෙම සිසුන්ට දේශන සඳහා යන වියදම් ලබාදුන් අතර CISCO නෙට්වර්කිං ඇකඩමිය විසින් පාඨමාලා නොමිලේ හැදෑරීමේ අවස්ථාව ලබාදෙන ලදී. මෙම පාඨමාලා සම්පූර්ණ කළ සිසුන්ට CCNA, CCNP සහ සයිබර් ඔපරේෂන්ස් යන CISCO වෘත්තීය සූදානම් සහතික ලබාගැනීම සඳහා ශිෂ්‍යත්ව දිනාගැනීමේ අවස්ථාවද හිමිවේ. මෙම සහතිකවලට කර්මාන්තය තුළ ඉහළ ඉල්ලූමක් තිබෙන බව බැංකුව සඳහන් කරයි. මේ වනවිටත් තවත් සිසුන් 290 දෙනෙකු මෙම ඇකඩමිය තුළ තොරතුරු තාක්ෂණික පාඨමාලාවන් හදාරමින් සිටී.

මෙම පාඨමාලා සමත්වු සිසුන් අතුරින් 1200 දෙනෙක් සයිබර් අවකාශයේ නව ප‍්‍රවණතාවයන්, අභියෝගයන් සහ ගැටලූ පිළිබඳව සාකච්ඡ කරන ‘සයිබර් ආරක්ෂාව පිළිබඳව හැඳින්වීමක්’යන පාඨමාලාව තෝරා ගත්හ.

කොමර්ෂල් බැංකුව විසින් මේ ආකාරයේම වැඩසටහනක් 2021 වසරේදී අන්තර්ජාලය මගින් CISCO නෙට්වර්කිං ඇකඩමිය සමග පැවැත්වූ අතර එහිදී පාඨමාලා 05 ක් හැදෑරීම සඳහා සිසුන් 3000 ක් ලියාපදිංචි විය.

ශ‍්‍රී ලංකාවේ පරිසරයට කාබන් මුදාහැරීම 100‍% තුලනය කළ ප‍්‍රථම බැංකුව සහ ලෝකයේ හොඳම බැංකු 1000 අතරට පත්වු පළමු බැංකුව මෙන්ම පිට පිට 12 වතාවක් එසේ තේරී පත්වූ එකම ශ‍්‍රී ලාංකේය බැංකුව කොමර්ෂල් බැංකුව වන අතර මේ වනවිට දිවයින පුරා බැංකු ශාඛා 268 ක් සහ ස්වයංක‍්‍රීය යන්ත‍්‍ර 940 ක් ක‍්‍රියාත්මක කරයි. ශ‍්‍රී ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත‍්‍රයේ ඩිජිටල් නව්‍යකරණය සඳහා ප‍්‍රමුඛයෙකු වන කොමර්ෂල් බැංකුව බංග්ලාදේශය තුළ ශාඛා 19 ක් ද මියන්මාරයේ නේ පයිටව් හි, ක්ෂුද්‍ර මූල්‍යන සමාගමක් මෙන්ම මාලදිවයින තුළ බහුතර කොටස් හිමිකාරීත්වයෙන් යුතු පළමු පෙළ බැංකුවකින් සමන්විත විදේශීය මෙහෙයුමක් පවත්වාගෙන යන ශ‍්‍රී ලංකාවේ එකම පුද්ගලික වාණිජ බැංකුව ද වේ.

සිටිසන්ස් ඩිවලොප්මන්ට් බිස්නස් ෆිනෑන්ස් පීඑල්සී සමාගම (CDB), දේශීය ව්‍යවසායිකාවන් බල ගැන්වීමේ උත්සාහයේ කොටසක් වශයෙන්, patpat.lk සමග එක්ව ශ්‍රී ලංකා යුධ හමුදා කෘෂිකර්ම හා පශු සම්පත් බලකායේ ව්‍යවසායිකාවන් වෙනුවෙන් විශේෂ වැඩමුළුවක් පසුගියදා සංවිධානය කළේ ය. මෙහිදී CDB SMB Friday වැඩසටහන සහ patpat Marketplace මගින් පිරිනමනු ලබන සේවාවන් භාවිතා කරමින් තම ව්‍යාපාර දියුණු කරගන්නා ආකාරය සම්බන්ධයෙන් මෙම ව්‍යවසයිකාවන්ට මගපෙන්වීමක් ලබාදෙන ලදි.

patpat ඩිජිටල් වෙළඳපොළ (Marketplace), ව්‍යවසායකත්වය වෙනුවෙන්ම වෙන්වූ වේදිකාවක් වන අතර එමගින් දේශීය ව්‍යවසායක ප්‍රජාවට තම නිෂ්පාදන වෙත පාරිභෝගික අවධානය දිනාගැනීමටත් එමගින් තම ව්‍යාපාර දියුණු කරගැනීමටත් මහගු අත්වැලක් සපයනු ලැබේ.  patpat Marketplace හි තවත් කොටසක් ලෙස පසුගියදා පැවැත්වූ වැඩමුළුවේදී හදුන්වාදෙනු ලැබූ 'විරු ලිය' වෙබ් පිටුව මෙම රෙජිමේන්තුවේ ව්‍යවසායිකාවන්ට තම පාරිභෝගිකයන් වෙත වඩාත් සමීප වීම උදෙසා අවස්ථාව උදා කර දී තිබේ.

මේ සම්බන්ධයෙන් අදහස් දක්වමින් CDB සමාගමේ ජ්‍යෙෂ්ඨ නියෝජ්‍ය සාමාන්‍යාධිකාරී (අලෙවි) දර්ශන ජයසිංහ මහතා කියා සිටියේ, CDB ආයතනය කවදත් ව්‍යවසායකයන්ගේ අභිලාෂයන් සවිබල ගැන්වීමට කටයුතු කරන බවයි. " CDB SMB Friday වැඩසටහන සහ patpat Marketplace එකාබද්ධව තැබූ ප්‍රථම පියවරක් වශයෙන් ශ්‍රී ලංකා යුධ හමුදා කෘෂිකර්ම හා පශු සම්පත් බලකායේ ව්‍යවසායිකාවන්, patpat.lk ඔස්සේ නිර්මාණය වී ඇති සුවිශාල වෙළඳපොළට සම්බන්ධ කිරීමට අප කටයුතු කළා. ‘විරු ලිය’ නමින් හැදින්වෙන එම වෙබ් පිටුව මගින් අදාළ ව්‍යවසායිකාවන්ට මුළු ලෝකයම විවෘත කර දෙමින්, ඔවුන්ට තම භාණ්ඩ අලෙවි කිරීමටත්, එකිනෙකා සමග සම්බන්ධතා ගොඩනංවා ගැනීමටත් අවස්ථාව සලසා දෙනු ඇත.” දර්ශන ජයසිංහ මහතා වැඩිදුරටත් පැවසී ය.

පසුගියදා පැවති වැඩමුළුවට සහභාගී වූ ව්‍යවසායිකාවන්ගේ නිෂ්පාදන රැගත් ප්‍රදර්ශනයක්ද එහිදී සිදු කළ අතර ඒ තුළින් ඔවුන්ගේ හැකියාවන් මනාවට පිළිබිඹු වන ලදී. තවද, ජපන් ජබර භාවිතයෙන් සිදුකරන අත්කම් නිර්මාණ වෙනුවෙන් සම්මාන ලැබූ ව්‍යවසායිකාවක වන ආර්. පී. කුසුමාවතී මහත්මිය තම අත්කම් නිර්මාණ සිදුකිරීම පිළිබඳව වන තම දැනුම පිරිස සමඟ බෙදා ගන්නා ලදී.

“තම ව්‍යාපාර සාර්ථක කරගනිමින් යහපත් අනාගතයක් උදාකර ගැනීම සඳහා මේ ව්‍යවසායිකාවන් දිවා රෑ නොබලා වෙහෙසෙනවා. ඔවුන් සැබැවින් විරු ලියන් ලෙස හැදින්විය හැකියි. CDB SMB Friday වැඩසටහන සහ patpat Marketplace මගින් ලැබෙන අත්වැල, ඔවුන්ගේ උත්සාහයන් තවදුරටත් සාර්ථක කරගැනීමට මහෝපකාරී වේවි. මේ වැඩසටහන සංවිධානය කිරීම වෙනුවෙන් අප CDB ආයතනයටත් patpat.lk වෙතටත් අපගේ කෘතඥතාව පළකිරීමට කැමතියි. අපගේ නිෂ්පාදන වෙළඳපොළට හඳුන්වා දීම සඳහා ලැබුණු මේ අවස්ථාවෙන් උපරිම ප්‍රයෝජන ගැනීමට අප කටයුතු කරනවා.” කෘෂිකර්ම හා පශු සම්පත් බලකායේ සේවා වනිතා ඒකකයේ සභාපතිනිය වන ශාන්ති අබේසේකර මහත්මිය පැවසුවා ය.

2018 වසරේදී ආරම්භ වූ CDB SMB Friday වැඩසටහන, මෙරට කුඩා හා මාධ්‍ය පරිමාණ ව්‍යවසායකයන් හට තම නිෂ්පාදන සහ සේවා CDB නිල වෙබ් අඩවිය සහ සමාජ මාධ්‍ය හරහා පාරිභෝගිකයන් වෙත සමීප කරවීමට උපකාර වූ අතර එහි දෙවන අදියර වශයෙන් නගරයට පමණක් සීමා නොවී කොළඹින් පිට පළාත් වල කුඩා හා මාධ්‍ය පරිමාණ ව්‍යවසායකයන් හඳුනාගෙන ඔවුන් දිරිගැන්වීමේ අරමුණින් CDB SMB Friday 2.0 වැඩසටහන ආරම්භ කරන ලදි.  මෙමගින් හුදෙක් සමාජ මාධ්‍ය තුළ මෙම ව්‍යාපාර ප්‍රවර්ධනය කිරීමෙන් නොනැවතී, patpat Marketplace හරහා ඩිජිටල් වෙළඳපොළටත් භෞතික වෙළඳපොළටත් මෙම නිෂ්පාදන රැගෙන යාමට ව්‍යවසායක ව්‍යවසායිකාවන්ට අත්වැලක් සැපයීම සිදුවේ.

“අප මුලින්ම SMB Friday වැඩසටහන දියත් කළ අවස්ථාවේදී, අප සමග එක්වී සිටි ව්‍යවසායිකාවන්ගේ ව්‍යාපාර පිළිබඳ නිර්මාණය කෙරුණු වීඩියෝ දර්ශන වල නැරඹුම් වාර ගණන දළ වශයෙන් 35,000 ක් පමණ වුණා. මෙය අපගේ ආයතනික වෙබ අඩවිය සහ සමාජ මාධ්‍ය හරහා විශාල පිරිසක් වෙත ආමන්ත්‍රණය කිරීමට ඔවුන්ට ලැබුණු අගනා අවස්ථාවක්. උදාහරණයක් ලෙස, සූපවේදය පිළිබඳව උනන්දුවක් දැක්වූ සහෝදරියන් දෙදෙනෙකු ආරම්භ කළ ‘Tosakanth's Roast Paan and The Sugar Shack’, දරුවන්ට ආවේණික ලෙසට ඔවුන්ට සතුටු වීමට අවස්ථාව සලසා දීම ඉලක්ක කරගත් ‘Creative Play’, බෑග් භාවිතාව අවම කිරීම සහ නැවත භාවිතා කිරීම ප්‍රවර්ධනය කිරීම ඉලක්ක කරගත් ‘Cally Reuasble Bags’, මේ වනවිට අමතක වෙමින් යන සාම්ප්‍රදායික ආහාර නව මුහුණුවරකින් ජනතාව වෙත රැගෙන එන ‘U'r Zest Gami Gedara’ වැනි ව්‍යාපාර රැසකට CDB SMB Friday මගින් ශක්තිමත් අත්වැලක් හිමි වූවා. patpat.lk සමග අප ඇතිකරගත් සහයෝගිතාවය  නිසා පෙරටත් වඩා ප්‍රතිලාභ රාශියක් අත්කරගැනීමට මෙම ව්‍යවසායිකාවන්ට අවස්ථාව ලැබේවි.” දර්ශන ජයසිංහ මහතා තවදුරටත් පැවසී ය.

https://www.cdb.lk/cdbsmbfriday/  වෙත පිවිසීමෙන් සුළු හා මධ්‍යම පරිමාණ ව්‍යාපාර වලට CDB SMB Friday වැඩසටහන පිළිබඳ වැඩිදුර තොරතුරු දැනගැනීමටත්, ඒ සඳහා ලියාපදිංචි වීමටත් අවස්ථාව ලැබේ.

සී ඩබ්ලිව් මැකී පීඑල්සී  - Scan Products Division

නිෂ්පාදන සමාගම්වල ක‍්‍රියාකාරීත්වය නිසා ප්ලාස්ටික් අපද්‍රව්‍ය බහුල වශයෙන් උත්පාදනය වෙමින් පරිසරයට, සාගරයට හා සමාජමය වශයෙන් දැවැන්ත හානියක් සිදු වේ. මෙම තත්ත්වය සැලකිල්ලට ගනිමින් ගෝලීය හා දේශීය ව්‍යාපාර ආයතනයන් විසින් ”නිෂ්පාදකයින් විසින් වගකිව යුතු පුළුල් වූ නිෂ්පාදක වගකීම” (extended producer responsibility - EPR) යන ප‍්‍රතිපත්තිය මත පිහිටමින් තම නිෂ්පාදන ආයතනයන්ගෙන් පරිසරයට මුදාහැරෙන ප්ලාස්ටික් නැවත එකතු කරමින් ඒවා ප‍්‍රතිචක‍්‍රීයකරණය කිරීම ආයතනික හා සමාජ වගකීමක් ලෙස ඉටුකරමින් සිටියි.

ශ්‍රී ලාංකීය ජනතා විශ්වාසයට පාත‍්‍ර වූ ආනයන හා අපනයන කටයුතු, නිෂ්පාදන කටයුතු, අලෙවි හා බෙදාහැරීම් සේවා සමග විවිධාංගීකරණය වූ ව්‍යාපාර සමූහයක් වන සී ඩබ්ලිව් මැකී පීඑල්සී හි Scan Products Division විසින් ශ්‍රී ලංකාවේ ප්ලාස්ටික් ප‍්‍රතිචක‍්‍රීයකරණයේ ප‍්‍රමුඛ සමාගමක් වන Eco Spindles (Pvt) Ltd. සමග එක්ව හිස් PET (ප්ලාස්ටික්) බෝතල් එකතුකරමින් ‘Recycle for Future Generation’ ලෙස EPR ක‍්‍රමයේ ප්ලාස්ටික් ප‍්‍රතිචක‍්‍රීකරණ වැඩසටහනක් අතිසාර්ථකව පවත්වාගෙන යනු ලබයි.

සී ඩබ්ලිව් මැකී පීඑල්සී සමූහයේ විධායක අධ්‍යක්ෂ මංගල පෙරේරා මහතා ‘Recycle for Future Generation’ ව්‍යාපෘතිය පිළිබඳ අදහස් දක්වමින්  “ප‍්‍රතිචක‍්‍රීයකරණය හා නැවත භාවිතය කියන්නේ ගෝලීය වශයෙන් මිනිසාට හමුවේ ඇති දැවැන්ත අභියෝගයක්. පසුගිය වසර ගණනාව තිස්සේ අප තනිවම සිදු කළ දෙය සමාජයට අත්‍යවශ්‍යම මොහොතකදී Eco Spindles (Pvt) Ltd සමග සහයෝගීතාවයෙන් වඩාත් ශක්තිමත් වී තිබෙනවා. සමාගමක් ලෙස අප මේ සම්බන්ධයෙන් සතුටට පත්ව සිටිනවා වගේම ඉදිරි කාලයේදී අපේ සියළු මෙහෙයුම් අංශ වලට මේ සමාජ මෙහෙවර ව්‍යාප්ත කරන්නට බලාපොරොත්තු වෙනවා. ගනුදෙනුකාරභවතුන්ටත් ආයතනික පාර්ශ්වකරුවන්ටත් මෙන්ම මුළුමහත් සමාජයේ යහපැවැත්ම වෙනුවෙන් ආයතනික සමාජ වගකීම් ඉටුකිරීම සම්බන්ධයෙන් ශ්‍රී ලාංකීය ජනතා ගෞරවය දිනාගත් කීර්තිමත් සමූහයක් විදිහට අපි තිරසර පැවැත්ම තහවුරු කරගැනීමට විශේෂ අවධානයක් යොමුකොට තිබෙනවා. අපද්‍රව්‍ය කළමනාකරණ ව්‍යාපෘති, ඩෙංගු වළක්වාගැනීමේ වැඩසටහන් මෙන්ම මහජන සෞඛ්‍ය පහසුකම් වැඩිදියුණු කිරීමේ වැඩසටහන් රැුසක් ක‍්‍රියාත්මක කොට තිබෙන අප සුරක්ෂිත හරිත අනාගතයක් ගොඩනැංවීම වෙනුවෙන් සැමවිටම දායකත්වය ලබා දෙනවා. Eco Spindles සමග ඇති කරගත් මෙම නවතම සහයෝගීතාවය සමග පරිසරය සුරැකීම වෙනුවෙන් අප මෙතෙක් දැක්වූ දායකත්වය තවදුරටත් ශක්තිමත්ව තිබෙනවා. අපගේ EPR ප‍්‍රතිපත්තිය තවදුරටත් ශක්තිමත් කරගැනීමට තනි තනි වශයෙන් අපේ පාරිභෝගික ජනතාවත් එක් වන්නේ නම් අප සියළු දෙනාට ශ්‍රී ලංකාවේ පරිසර පද්ධතිය සුරක්ෂිත කරන්න දැවැන්ත දායකත්වයක් ලබාදෙන්න පුළුවන්” යැයි පැවසීය.

මෙම ක‍්‍රියාදාමය තුලින් කාබන් විමෝචනය හා අප ජල නිෂ්පාදනය අවම කරගනිමින් හරිත අනාගතයකට සක‍්‍රීය දායකත්වයක් සපයන්නට ‘Recycle for Future Generation’ ව්‍යාපෘතිය දායක වේ. තම ආයතනික පාරිසරික ප‍්‍රතිපත්තිය වඩාත් අර්ථවත් කරමින් පරිසර අමාත්‍යාංශය විසින් ක‍්‍රියාත්මක කරනු ලබන ජාතික හරිත වාර්තාකරණ ක‍්‍රමවේදය (National Green Reporting System) සමග ලියාපදිංචිව කටයුතු කරන ඔවුන් සුරක්ෂිත පරිසරයක ගොඩනැගෙන තිරසර අනාගතයක් උදෙසා පුළුල් දැක්මක් ඇතිව කටයුතු කරනු ලබයි.

ශ්‍රී ලාංකීය පෞද්ගලික අංශයේ සමාගම් ඉලක්ක කරමින් ශ්‍රී ලංකා වාණිජ මණ්ඩලය හා Biodiversity Sri Lanka එකමුතුවෙන් ඇමරිකානු එක්සත් ජනපදයේ USAID මූල්‍යමය අනුග‍්‍රහය යටතේ පරිසර අමාත්‍යාංශයේ සහයෝගීතාවය යටතේ “Collect-Back” ආකෘතියේ උපාය මාර්ගික අපද්‍රව්‍ය කළමනාකරණ වැඩසටහනක් මෑතකදී යෝජනා කොට තිබීම පිළිබඳ සී ඩබ්ලිව් මැකී පීඑල්සී සමාගම සිය කෘතඥතාව පළ කරනු ලබයි.

ඡායාරූප විස්තරය: වමේ සිට: ඉංජිනේරු උපාලි ඉන්ද්‍රරත්න (නියෝජ්‍ය අධ්‍යක්ෂ ජෙනරාල් - අපද්‍රව්‍ය කළමනාකරණ - මධ්‍යම පරිසර අධිකාරිය), මංගල පෙරේරා (විධායක අධ්‍යක්ෂ - සී ඩබ්ලිව් මැකී පීඑල්සී සමූහය) සහ ජෙරොම් ජයසිංහ (ප‍්‍රධාන මෙහෙයුම් නිලධාරී - සී ඩබ්ලිව් මැකී පීඑල්සී හි SCAN Products Division) යන මහත්වරුන් EPR සමාජ සත්කාරය අරඹමින්