කොළඹ කොටස් වෙළෙඳපොළ මිල දර්ශකවල සුළු වර්ධනයක් අද (16) දිනයේ දී දැකගත හැකි විය.

එහිදී ප්‍රධාන මිල දර්ශකය වන සියලු කොටස් මිල දර්ශකය ඒකක 29.77කින් සහ S&P SL20 දර්ශකය ඒකක 16.37කින් ඉහළ යන ලදී.

ඒ අනුව දිනයේ ගනුදෙනු අවසානයේ දී සියලු කොටස් මිල දර්ශකය ඒකක 21,447.57ක් ලෙසත් S&P SL20 දර්ශකය ඒකක 6,004.99ක් ලෙසත් සටහන්ව තිබුණි.

දිනය තුළ රු. බිලියන 1.48ක ගනුදෙනු පිරිවැටුමක් වාර්තා විය.

එහිදී රු. මිලියන 410ක ඉහළම දායකත්වය E B CREASY & COMPANY PLC හි කොටස් ගනුදෙනු හරහා වාර්තා වී තිබුණු අතර රු. මිලියන 260ක ගිවිසාගනු ලැබූ ගනුදෙනුවක් ද ඒ තුළ අන්තර්ගතව තිබුණි. මීට අමතරව දිනය තුළ රු. මිලියන 100 ඉක්මවා පිරිවැටුමක් වාර්තා වී තිබුණේ ACL CABLES PLC (රු. මිලියන 114ක්) කොටස් ගනුදෙනු හරහා පමණි.