ලෝක බැංකුව විසින් සකස් කරන ව්‍යාපාර සිදු කිරීමේ දර්ශකයට අදාල දත්ත ලබා දීම සම්බන්ධයෙන් වූ සාකච්ඡවක් මුදල් හා ප්‍රාග්ධන වෙළඳපල සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතාගේ ප්‍රධානත්වයෙන් ඊයේ (01) මුදල් අමාත්‍යංශ පරිශ්‍රයේදී පැවැත්විය.
2010 වර්ෂයේදී ශ්‍රී ලංකාව මෙම දර්ශකයේ 105 වන ස්ථානයේ පසු විය. 2014 වර්ෂය වන විට එවකට පැවති මහින්ද රාජපක්ෂ රජයට ශ්‍රී ලංකාව මෙම දර්ශකයේ 85 වැනි ස්ථානය දක්වා ගෙන ඒමට හැකි වූ අතර 2019 විට ශ්‍රී ලංකාව නැවතත් මෙම දර්ශකයේ 99 වන ස්ථානය දක්වා පහත වැටිණි. නව රජය ව්‍යපාර හිතවාදී වැඩසටහන් රාශියක් ආරම්භ කිරීමත් සමග ශ්‍රී ලංකාව තුල ව්‍යාපාර සඳහා ඉතා හිතරක පරිසරයක් දැනටමත් නිර්මාණය වී ඇති බව රාජ්‍ය අමාත්‍යවරයා මෙහිදී අදහස් දක්වමින් කියා සිටියේය.
අමාත්‍යවරයා සමග මහ බැංකු අධිපති ආචාර්ය ඩබ්ලිව්. ඩී. ලක්ෂ්මන්, රාජ්‍ය අමාත්‍යාංශයේ ලේකම් ආර් එම් ඒ රත්නායක සහ භාණ්ඩාගාරයේ නියෝජ්‍ය ලේකම් ආර් එම් පී රත්නායක ඇතුළු අදාළ ආයතනවල නිලධාරීන් මෙම දර්ශකය ඇතුළත් නිර්ණායක 11 ක් පිළිබඳ දත්ත ඇගයීමට ලක් කරන ලදී.
