ප්‍රාග්ධන වෙළෙඳපොළ නීති, රීති සහ රෙගුලාසි උල්ලංඝනය කරන පුද්ගලයින්ට එරෙහිව දැඩි පියවර ගනු ලබන බව ශ්‍රී ලංකා සුරැකුම්පත් හා විනිමය කොමිෂං සභාව විසින් නියාමන අනතුරු ඇඟවීමක් නිකුත් කර තිබේ.

ඒ අනුව සමාජ මාධ්‍ය ගිණුම් පවත්වා ගෙන යන අය විසින් පහත සඳහන් දෑ නොකළ යුතු බව සුරැකුම්පත් හා විනිමය කොමිෂං සභාව අවධාරණය කරනු ලබයි.

• කොළඹ කොටස් හුවමාරුව (CSE) නම හෝ ලාංඡනය භාවිතා කිරීම.
• “කොටස් හුවමාරුවක්” යන නාමය හෝ විස්තරය භාවිත කිරීම හෝ ඇඟවීම.
• ලියාපදිංචි ආයෝජන උපදේශකයන් නොවන පුද්ගලයන් විසින් ආයෝජන පුරෝකථන හෝ නිර්දේශ ප්‍රකාශයට පත් කිරීම හෝ ඊට ඉඩ දීම.