
බර්මාස් ධජය යටතේ යාත්රා කරන WORLD ODYSSEY මගී නෞකාවේ කොළඹ වරායට සේන්දු වී තිබේ. මෙම නෞකාවෙන් පැමිණි සියල්ලන් විශ්වවිද්යාලවල අධ්යාපනය ලබන සිසු/ සිසුවියන් සහ ආචාර්ය මණ්ඩල සාමාජිකයින් වීම විශේෂත්වයකි.
මෙම නෞකාවේ සිසුන් සහ ආචාර්ය මණ්ඩලය ලෙස 524 දෙනෙකු පැමිණි අතර, නෞකාවේ කාර්ය මණ්ඩලය 181 දෙනෙකු වේ. සිසුන් වැඩිදෙනෙකු මහනුවර හා දකුණු පළාතේ සංචාරක ප්රදේශවලට නික්ම ගොස් ඇති අතර, තවත් සිසුන් කණ්ඩායම් කොළඹ නගරය තුළ සංචාරයේ නිරත වේ.
මෙම නෞකාව යාත්රා කරන අවස්ථාවලදී ආචාර්යවරුන්ගේ දේශන සහ සිසුන්ගේ අධ්යාපන කටයුතු ද නැව තුළ සිදුවීම තවත් විශේෂත්වයකි.
නෞකාව නොවැම්බර් 23 දා දක්වා කොළඹ වරායේ නැංගුරම්ලා තිබෙන අතර, සිසු කණ්ඩායම් මෙරට විශ්වවිද්යාල කිහිපයකට ද යාමට කටයුතු සංවිධානය කර ඇත.

























